Filipi 4:18 - Taaz Weru Witu u Nunuwu'en Tombulu

¹⁸ In tarékan si Epafroditus é nimahalimomé a raragés méiwéhé nioué wia ni aku, niitumo ni aku nimakailekomé péléng am pemandungengku um wia ni kamu a méyé. Lumouspé'tarémé niitu é malake-lakezo a méiwéhé nioué. A méiwéhé nioué én totoz wangun wo niitu én tanu u raragés mahwou tariis ung kapaaz ni Opo Empung.

Filipi 4:18 Iomraidhean Croise

Kisah Rasul-rasul 10:4

A si Kornelius merena wia si malaekat itii wo karia in totoz maindé' sia kumuama, “Apa wé, Tuang?” A mingkoté si malaekat itii wia ni sia, “Am pengaléiennu wo a méipahwéhému é sinungkuloma ni Opo Empung, wo ni Sia é megenang ni ko.

Roma 12:1

Niitumo, katuari-katuari, pahpaan ung karipu'an ni Opo Empung wia ni kita, ni aku sumésama wia ni kamu, iragésla un tou niou wia si Opo Empung tanu u raragés menou-nou linenas wo ung kapaaz-Na. Niitumo un uli-ulit raragésmu wia si Opo Empung.

2 Korintus 11:8

I ni aku mahpaayang mahwoka' u Nuwu' Lé'os ni Opo Empung wia ni kamu, am pemandungengku i mendo-endo én ipahwéhémé né woopira jamaat wana am wanua walina. Sa téntu, ni aku én tanu ang kimahat umané wia ni séra a mémaayang wia ni kamu.

2 Korintus 9:12

Pahpaan a sasawang niou in isawang sé tou ni Opo Empung sé zéi'kan siapa apa witi Yudea, zéi'kan uman i mahwuwutul am pemandungen néra, taan niitu kangkasii é mangun lakez sé tou mahkua u makasé wia si Opo Empung.

Efesus 5:2

wo menou-noula karia i mahraa-raatéan tanu si Kristus Yesus rimaraatémo ni kamu. Ni Sia nimayomo un tou-Na wia ni kita, nimaté witu u salip i maéndo tanu u raragés wo sé tatamun kineriz in ipahragés a mahwou tariis, u nimangun un até ni Opo Empung mahpaa-paaz.

Filipi 4:12

Kata'uangku kura i menou-nou karia in zéi'kampé' wutul am pemandungen wo kata'uangku kura i menou-nou karia im wutul am pemandungen wo malake-lakez. Apa uman u mahmuali wia ni aku, ni aku im wesuh kaapa i maharem, im wa'ilan kaapa in zéi'kan siapa apa, totoz ing kata'uangkumo kura i mangun un touku i mahpaa-paaz.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

Ibrani 13:16

Tia' kamu maliuz i mangun a lé'os wo mahsawangla wia sé léwo'zéi' i sawangan, pahpaan am wangun pahlé'osenta wo a sasawangta wia sé tou é raragésta wia si Opo Empung. Si Opo Empung én totoz paaz a raragés tanu niitu.

1 Petrus 2:5

Ni kamu é masuat wo um watu menou-nou u niéndo ni Opo Empung im wangunen Walé-Na Lenas. Karia in téntu ni kamu é nimaéndo walian linenas ni Opo Empung i mahali ung katou-touan in iragés wia si Opo Empung. Si Opo Empung ém paaz méndo a raragés niou pahpaan am winanguno ni Yesus Kristus wia ni kita.