Filipi 3:8 - Taaz Weru Witu u Nunuwu'en Tombulu

⁸ Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Filipi 3:8 Iomraidhean Croise

Lukas 1:43

Séi kuaa ndéén ni aku taka-takazan si ina' ni Mahpiaraku é niméyé wia ni aku?

Lukas 11:20

Taan sa ni Aku mahwoho sé sétang karia ung kawasa ni Opo Empung, ung kalakoana ung Kakolanoan-Na ém wiamo ni kamu.

Yohanes 14:20

In endo itiimo ni kamu lamata'u i ni Aku é nimaesa karia ni Ama', ni kamu é nimaesa karia-Ku wo ni Aku é nimaesa karia niou.

Yohanes 14:7

Sa ni kamu mata'u ni Aku, tantumo ni kamu kasii é mata'u si Ama'-Ku. Rengan in tarékan ni kamu é mata'u ni Sia wo ni kamu é nimileko ni Sia.”

Yohanes 16:3

Ni séra mahwangun an téntu wia ni kamu pahpaan ni séra én zéi'kampé' mata'u si Ama' wo ni Aku.

Yohanes 17:3

Ung kenumo ung katou-touan makaz ing kauré-uré, i sé tou mata'u si Ama', si Ama' é si Opo Empung si esa uman si ulit wo mata'u ni Aku, si Yesus Kristus si méiatumé ni Ama'.

Yohanes 17:8

Pahpaan péléng a méinuwu' ni Ama' wia ni Aku é méikua-Kumola wia ni séra wo ni séra én timalingamo wo ma'émano niitu. Ni séra é mata'umo i ni Aku én uli-ulit wia si Ama' a méyé wo ni séra é ma'éman i si Ama' si nimatumé ni Aku.

Yohanes 20:13

Kuan né malaekat itii wia ni sia, “Ina', kaa ko mahamé'?” Ang kuan ni Maria wia ni séra, “Si Tuangku é niéndomoma né tou wo zéi'kan kata'uangku wisa u zinetaan ni Sia.”

Yohanes 20:28

A si Tomas mingkotla wia ni Sia, “O Tuang wo Opo Empungku!”

Kisah Rasul-rasul 20:24

Taan ni aku én zéi'kan mahwéhé genang witu ung katou-touangku kenu, asal uman um paayangen méiwéhé ni Yesus Mahpiara wia ni aku én toro ipakasampetku i mahwoka' u Nuwu' Lé'os tumoro si Yesus u méitambéré ni Opo Empung.

Roma 8:18

Pahpaan totoz kata'uangku, an zézéha pahpendanenta in tarékan zéi'kan mata'u pasuaten karia u lolooz wo u sisigi'an u maipapailek wia ni kita.

Roma 8:39

kaapa sé mahkawasa witi langit kaapa sé wia ung kaayahan, kaapa apa uman niitu, zéi'kan siapa sé makawawa tuma'sa ni kita im witu u raraatéan ni Opo Empung, tanu u méipapailek-Na wia si Kristus Yesus, si Mahpiarata.

1 Korintus 2:2

Pahpaan karegas ni aku i memali-malipé' karia niou, ni aku é mahkua umana wia ni kamu un tumoro si Yesus Kristus, si sinalip i miloté ni kita im witu un ukuman wana a singkéla'ta. Ni aku én timotozola in zéi'mo kumua am walina wia ni kamu.

1 Korintus 9:10

Kaapa apa u méipantik itii én tumoro ni kita? U méipantik itii én uli-ulit tumoro ni kita. Ung kalakoan u méipantik itii én téntii: si tou mahpajéko un uma wo téntu kangkasii si mahgéigéi ang gandum wana an itingna é mahéré'la i makailek um wéténgna.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

2 Korintus 4:6

Im puuna si Opo Empung éng kimua in téntii, “Im witu u rimbengbeng a mondolé un ayah!” In tarékan ni Sia kangkasii si nimangun un ayah-Na mahsena' witu un atéta wo toro kata'uantala ung kawangko'an-Na. Ung kawangko'an ni Opo Empung én toro ilekenta witu ung gio ni Yesus Kristus.

Galatia 1:16

ni Sia nimapata'u a méikawunipé' tumoro si Oki'-Na wia ni aku wo ni aku mahwoka' u Nuwu' Lé'os tumoro si Oki'-Na itii wia sé tou zéi'kan Yahudi. In toro niitu ni aku én zéi'kan rengan i nimahaléi a sésésa né tou walina i sumawangé ni aku makatulap u Nuwu' Lé'os tumoro si Yesus itii.

Efesus 4:13

akaz ni kita péléng nimaesaan pahpaan um pa'émanen wo ung kata'uanta un ulit tumoro si Oki' ni Opo Empung. Ni kita maéndo tou uli-ulit lutu'mo sé kauréna éng kalekepna masuat karia ni Kristus.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 3:10

Un totoz kapaazku é mata'u si Yesus Kristus wo kasii totoz im paaz i mata'u ung kawasa un timou sumaup ni Sia im wia sé nimaté. Ni aku kangkasii é nimimeko un touku i mazézéha, tanu ni Sia i nimazézéha, wo nimimeko un touku i maté, tanu ni Sia i nimayo un touna i nimaté.

Filipi 3:12

Ni aku én zéi'kan kumuama i ni aku é nimakaileko péléng an taré ikuakuma wia ni kamu. Ni aku kasii én zéi'kan kumuama i ni aku én zéi'mo siapa um pahséro'an. Taan ni aku é mahtututu' i mahtata'u si Kristus, ung kawasa-Na wo mahkiit ni Sia karia an zézéha makaz ni Sia i nimaté. Ni aku kasii ém paaz i makailek péléng ang kapaaz ni Kristus Yesus pahpaan ni Sia é niméléngo ni aku i maéndo anu-Na.

Filipi 3:7

Taan péléng am pahgenangengkula im puuna mahwéhémé kauntungan wia ni aku, in tarékan pahgenangengkula zéi'kan mahwéhémé ung kauntungan wia ni aku pahpaan ni aku é ma'émano si Kristus.

2 Timutius 4:6

Tumoro ni aku, un endo ni aku i maté én zéi'mo uré. Un zaha'ku én tanu un anggor un ipahsaroi i maéndo raragés wia si Opo Empung.

Ibrani 3:14

Pahpaan ni kita é nimaesamo karia ni Kristus in tou-Na, niitumo tio-tionan um pa'émanen um wiamo ni kita rengané ing kataré-taré i ma'émanla si Yesus makaz ing kamurian.

1 Petrus 2:7

Im wia ni kamu in tou ma'éman, um watu itii én totoz mahal. Taan im wia sé tou zéi'kan ma'éman, téntii u méipantik witu um Pinantik Lenas, “Um watu méitia' né memamangun am walé é nimaéndomola watu to'tolan totoz ipahpuu-puuna, wo kasii nimaéndo watu pahkasunduian wo watu pahkasangkilan.”

2 Petrus 1:2

Mengalé-ngaléi uman si Opo Empung én tumambéré ang kamang wo ung kaluasan un até un zéi'kan si akazna wia ni kamu, pahpaan ni kamu é mata'umo si Opo Empung wo si Yesus Kristus Mahpiarata.

2 Petrus 1:3

Pahpaan karia ung kawasa-Na, si Opo Empung én timambér wia ni kita péléng am pemandungen, wo kita toro menou-nou mahkiit am paaz-Na. Péléng niitu é méiwéhé-Na wia ni kita pahpaan ni kita é mata'umo ni Sia si timawah ni kita karia ung kawasa-Na un totoz wangko' wo ung kalé'osan-Na.

2 Petrus 1:8

Pahpaan sa kamu zéi'kan mazéi' mahwangun niana péléng, nianamo u sumawang ni kamu i makawawa mahtata'u wo lamata'u si Yesus Kristus Mahpiarata.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.

1 Yohanes 1:3

A niilek wo an tinalinga naimo itii én iwoka' nai kasiima wia ni kamu, wo kamu toro maesa karia nai. Wo um pahesa-esaanta ém pahesa-esaan karia ni Ama' wo karia ni Oki'-Na, si Yesus Kristus.

1 Yohanes 2:19

Ulit i ni séra ém wia ni kita woan, taan ni séra én zéi'kan uli-ulit méikarékén wia ni kita. Pahpaan sa séra uli-ulit méikarékén wia ni kita, tantumo ni séra é memali-malipé' kariata. Taan niitu é mamuali, wo toro kata'uantala i ni séra péléng én uli-ulit zéi'kan méikarékén wia ni kita.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.