Filipi 3:5 - Taaz Weru Witu u Nunuwu'en Tombulu

⁵ Ni aku é sinunat in taré waluna endo i méitoumé, ni aku én tou Israel, wia sé suzu ni Benyamin a méyé. Ni aku én uli-ulit tou Ibrani. Ni aku kangkasii én esaané wia sé sana réwok tou Farisi, sé sana réwok tou Farisi itii én uli-ulit mahtali-talinga un ukum Torat.

Filipi 3:5 Iomraidhean Croise

Lukas 1:59

I si koki' itii waluna endomo, ni sia sinunat tanu ung kinanaram né Yahudi, sé karété wo sé katuari néra é niméyé witu. Si koki' itii ém pahngangaranan néra Zakharia tanu u ngaran ni ama'na.

Lukas 2:21

I si Lowai itii waluna endomo, a Sia sunaten. A Sia ngaranan nérala Yesus, u ngaran méikua ni malaekat wia si ina'-Na puunala i mahawa-awak ni Sia.

Lukas 5:38

Un anggor weru é léwo'zéi' itahu' witu um pahtahu'an anggor werupé'.

Kisah Rasul-rasul 22:3

“Ni aku én tou Yahudi, nimatou witi Tarsus witi tana' Kilikia, taan nimatu'a wia um wanua tua'na kenu. Si mésterku é si Gamaliel. Ni sia si nimahtuzu' wia ni aku un ukum Torat u méituzu' ni Musa wia sé nimaopota tou Israel. Niitumo ni aku é ma'ulit i mahwangun ang kapaaz ni Opo Empung masuat wo ni kamu péléng in tarékan kenu.

Kisah Rasul-rasul 23:6

Pahpaan kata'uan ni Paulus i sé walina sé méikauntep witu u Mahkamah Agama én tou Saduki wo sé walina kasii é sana réwok tou Farisi, a sia kuméréta, “Katuari-katuari, ni aku én tou Farisi, suzu né tou Farisi. Ni aku méisarumé wia u Mahkamah Agama kenu pahpaan ni aku é ma'éman sa sé tou nimatémo én itou sumaup ni Opo Empung.”

Kisah Rasul-rasul 6:1

In toro niitu, i sé tou ma'éman wia si Yesus éng kalakeznamo, a méhé sé tou Yahudi sé mahnuwu' karia u nunuwu'en Yunani mahpa'os sé tou Yahudi sé mahnuwu' karia u nunuwu'en Ibrani. Ni séra mahpa'os pahpaan sé wéwéné mahesa-esamokan im wia ni séra én zéi'kan pahwéhan genang i mahwéténg am pemandungen néra i mendo-endo.

Roma 11:1

Niitumo, ni aku é meligau: Apa sé tou Israel sé pinéléng ni Opo Empung é mémoitia'-Na? Zéi'kan! Pahpaan ni aku in esa én tou Israel, suzu ni Abraham, wia sé suzu ni Benyamin a méyé.

2 Korintus 11:22

Ni séra é mahkua in tou Ibrani? Ni aku kangkasii én tou Ibrani! Ni séra é mahkua in tou Israel? Ni aku kangkasii én tou Israel! Ni séra é mahkua i suzu ni Abraham? Ni aku kangkasii é suzu ni Abraham!