Filipi 3:3 - Taaz Weru Witu u Nunuwu'en Tombulu

³ Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Filipi 3:3 Iomraidhean Croise

Roma 1:9

Si Opo Empung si pahpaayangangku karia ung genang lé'os i mahwoka' u Nuwu' Lé'os tumoro si Oki'-Na, kata'uan-Na wana am pengaléiengku i ni kamu sé witi Roma sekezé ém pegena-genangengku.

Roma 15:17

Niitumo, pahpaan ni aku én nimaesamo karia ni Kristus, ni aku mahlolooz un touku tumoro um pahpaayangengku wia si Opo Empung.

Roma 7:6

Taan in tarékan ni kita é mémoikapiloté im witu un ukum Torat pahpaan ni kita én tanu nimatémo im witu un ukum Torat, a mahata-ata ni kita im puuna. Wo in tarékan witu ung katou-touan weru ni kita é nimaéndo ata ni Roh Lenas.

Roma 8:15

Pahpaan si Roh ni Opo Empung si kinailekan niou én zéi'kan nimangun ni kamu nimaéndo ata makaz nimangun ni kamu kinaindé'ampé', taan si Roh ni Opo Empung si kinailekan niou é nimangun ni kamu maéndo oki' ni Opo Empung. Karia ni Roh ni Opo Empung itii ni kita én toro tumawah si Opo Empung, “O Abba, o Ama'ku!”

Roma 8:39

kaapa sé mahkawasa witi langit kaapa sé wia ung kaayahan, kaapa apa uman niitu, zéi'kan siapa sé makawawa tuma'sa ni kita im witu u raraatéan ni Opo Empung, tanu u méipapailek-Na wia si Kristus Yesus, si Mahpiarata.

Roma 9:6

Zozo' sé tou Israel é soo ma'éman si Yesus, ni aku én zéi'kan mahkukuama a méitaaz ni Opo Empung wia sé nimaopo néra én zéi'mo pahpakén; taan zéi'kan péléng sé suzu né tou Israel én tou pinéléng ni Opo Empung.

2 Korintus 11:18

Pahpaan lakez sé tou mahlooz un tou néra tanu am pahwangunen né tou wia ung kaayahan kenu, maan ni aku kangkasii ém paaz i mahlooz un touku.

Galatia 5:25

Sa ung katou-touanta é mahkiito um paaz ni Roh Lenas, iwéhéla ung katou-touanta im pahtu'tul ni Roh Lenas.

Galatia 6:16

Im wia péléng sé tou sé menou-nou karia ung katou-touan weru kenu, mengalé-ngaléi uman u mahlé'o-lé'osan wo u raraatéan ni Opo Empung én iwéhémé wia ni séra wo wia sé tou Israel sé anu ni Opo Empung.

Efesus 6:18

Wangunenola niana péléng karia i mengaléi wia si Opo Empung i sumawang ni kamu. Mengaléila karia ung kawasa ni Roh Lenas sekez in endo, tuméga-tégam wo tia' mahkana' i mengaléi. Tuméga-tégam i mengaléi wo tia'mo mazéi' i mahpengaléi sé tou linenas ni Opo Empung.

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 3:12

Ni aku én zéi'kan kumuama i ni aku é nimakaileko péléng an taré ikuakuma wia ni kamu. Ni aku kasii én zéi'kan kumuama i ni aku én zéi'mo siapa um pahséro'an. Taan ni aku é mahtututu' i mahtata'u si Kristus, ung kawasa-Na wo mahkiit ni Sia karia an zézéha makaz ni Sia i nimaté. Ni aku kasii ém paaz i makailek péléng ang kapaaz ni Kristus Yesus pahpaan ni Sia é niméléngo ni aku i maéndo anu-Na.

Filipi 3:14

Ni aku én tanu mahkara' i maayo um papatoroan i makailek ung kukulu, niitu ung katou-touan witi kasendukan. Pahpaan, niitumo ung kalakoan ni kita in tinawah ni Opo Empung mengiité si Kristus Yesus.

Kolose 2:11

Pahpaan nimaesamo karia ni Kristus, ni kamu é sinunat. U sunat itii én zéi'kan u sunat um pahwangunen uman né tou, taan u sunat um pahwangunen ni Kristus, u nimangun ni kamu méipiloté im witu ung kawasa u lelo un awak u mahwangun ni kamu i mahsingkéla'.

Yudas 1:20

Taan ni kamu katuari-katuari ikararaatéku, pahimekela ung katou-touan niou karia i mahkiit uman um pa'émanen un totoz lenas wo mengaléila karia ung kawasa ni Roh Lenas.