Filipi 3:21 - Taaz Weru Witu u Nunuwu'en Tombulu

²¹ Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

Filipi 3:21 Iomraidhean Croise

Matius 17:2

A si Yesus mawalinama im witu u saru-sarun néra telu, ung gio-Na é mahsena' tanu si endo wo ung kinarai-Na é nimakulo'ma meto-petot tanu u sena'.

Matius 22:29

A si Yesus mingkotla wia ni séra, “Ni kamu é mahsala', pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung!

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Roma 8:29

Pahpaan péléng sé kata'uano ni Opo Empung rengané im puuna, ni séra én tinotoz-Namo rengané im puuna i maéndo tanu si Oki'-Na. Si Oki'-Na itii é maéndo Oki' tu'a im wia sé lakez mahtuari.

Kolose 3:4

Si Kristus si mahwéhémé ung katou-touan wia ni kita. I ni Sia méyé sumaup wia ung kaayahan, ni Sia ém pa'ileken péléng né tou, ni kamu kangkasii é mapa'ileken né tou wo makailek u sigi' wo u looz karia-Na.

1 Yohanes 3:2

Katuari-katuari ikararaatéku, in tarékan ni kita én oki' ni Opo Empung, taan zéi'kampé' kata'uanta u mamuali wia ni kita. Taan kata'uanta sa si Kristus mapailekomé un tou-Na, ni kita é maéndo tanu ni Sia. Pahpaan ni kita é mamilek un ulitna ung katou-touan-Na.

Wahyu 1:8

Si Opo Empung kimua, “Ni Aku én Alfa wo Omega, ung kalakoana é si Kataré-taré wo si Kamurian. Ni Aku ém wiamo rengané im puuna, in tarékan wo in tumondong. Ni Aku én Totoz Mahkawasa.”