Filipi 3:2 - Taaz Weru Witu u Nunuwu'en Tombulu

² Mile-ilek im wia sé tou sé wangun im pahkuan asu. Mile-ilek im wia sé tou mahpaayang a léwo'an. Mile-ilek im wia sé tou sé mahtututu' i sumunat ni kamu mengiit un ukum Torat.

Filipi 3:2 Iomraidhean Croise

Matius 24:10

Wo lakez sé tou ma'éman wia si Opo Empung én tumamburi im wia ni Sia. Ni séra é mayo sé tou walina wo sé tou walina é mayo ni séra wia sé mahkawasa wo mahzi'zi-zi'zisan.

Matius 7:15

Ang kuan kasii ni Yesus, “Mile-ilek im wia sé nabi towo! Ni séra méyé wia ni kamu é mahwangu-wangun lé'os tanu sé domba, taan ndéén ni séra é masuat wo si serigala meneza' tou.

Matius 7:6

Tia' mahwéhé u lenas wia si asu én taa si asu itii mézuméha ni kamu. Wo tia' mahwéhé u mutiara wia si wawi én taa niitu maipeléé-léékna uman.”

Roma 2:28

Pahpaan si uli-ulit tou Yahudi én zéi'kan pahpaan sé tu'ana én tou Yahudi, wo un uli-ulit sinunat én zéi'kan pahpaan un awakna ém wéwéhano um walulang i sinunat.

2 Korintus 11:13

Pahpaan sé tou itiimo sé aatu towo. Ni séra i mahpaayang é mahtowo wia sé tou wo mahasa-asar sé aatu ni Kristus.

Galatia 5:13

Katuari-katuari, ni kamu én ulit tinawahmo i maéndo tou zéi'mo pahata-atan. Taan tia' un zéi'mo pahata-atan itii én éndon niou oras i menou-nou mahwangun a singkéla'. Taan tawimo pahsawangala sé tou walina karia u raraatéan.

Galatia 5:15

Taan sa kamu mahkoro' wo mahsususaan un tanumokan i mahkikikian wo mahnenepnepan, mile-ilek én taa kamu mahwuwunu'ala!

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Filipi 3:19

Ing kamurian sé tou téntu é maléwo'en pahpaan zéi'kan memandung si Opo Empung taan memandung uman um poot néra in esa. Ni séra mahlooz am pahwangunen néra zozo' am pahwangunen néra itii é makaizangen wo am pegena-genangen néra ém wia uman ung kaayahan kenu.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

1 Timutius 1:19

Wéwéhan sé woopira tou é soomo mahkiit ung genang weresi néra. Pahpaano niitu ni séra én zéi'mo ma'éman.

Titus 1:16

Ni séra é mahkua i mata'u si Opo Empung, taan im wana am pemangu-mangunen néra, ni séra é mahkélong ni Sia. Sé tou itii én totoz makazi'zisen, zéi'kan mahtali-talinga wo zéi'mo makawawa i mangun am wangun.

2 Petrus 2:22

Im wia ni séra én ulito ung kukuan kenu, “Si asu é nimawurima sumaup a masumila' u méilua'na, wo si wawi linelé'mo é nimawurima sumaup a mahuli-uliz witu um pentak pinahuli-ulizanna.”

Yudas 1:4

Pahpaan mémoikatuzu'mé im wéwéhano sé tou mahwuni-wuni kimariala ni kamu. Ni séra én urémo tinotoz in ukumen. Ni séra é sé tou zéi'kan pandung si Opo Empung wo mahséa' u raraatéan-Na, wo séra toro menou-nou mengiit u lelo léwo' un awak. Ni séra kasii é soo makaulit i si Yesus Kristus si Mahkawasa wo si Mahpiarata én esa uman.

Wahyu 2:9

Kata'uang-Ku ni kamu én zézéha wo zéi'kan siapa apa, taan ni kamu ém wa'ilan im witu u sinaru ni Opo Empung. Kata'uang-Ku kasii an tumoro sé mahtawuruk ni kamu. Ni séra é mahkua i ni séra én tou Yahudi sé pinéléng ni Opo Empung, taan un ulitna én zéi'kan. Un ulitna ni séra én jamaat ni tonaas né sétang.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.

Wahyu 3:9

Genang-genangen! Sé woopira im wia sé jamaat ni tonaas né sétang, sé tantowo, sé mahkua-kua in tou Yahudi taan un ulitna én zéi'kan, iayo-Ku wia ni kamu. Ni séra én uli-ulit wanguneng-Ku i mékumuruz witu u sinaru niou, wo ni séra mata'u i ni Aku é rumaraaté ni kamu.