Filipi 3:16 - Taaz Weru Witu u Nunuwu'en Tombulu

¹⁶ Un totoz ipahpuu-puuna, ung katou-touanta é mahkiitla an tutuzu' ulit mémoituzu' ni Opo Empung makaz in tarékan.

Filipi 3:16 Iomraidhean Croise

Roma 12:16

Menou-noula i ma'esaan witu ung katou-touan niou. Tia' loozan, taan pasuatela un toumu karia né tou ipahwawa-wawa'. Tia' mahgenangla un toumu én tulapo.

Roma 15:5

Mengalé-ngaléi uman si Opo Empung si mahwéhémé ang kaezenan wo a mahenté' un até kangkasii é méhémé un esa genang wia ni kamu, tanu ung kapaaz ni Kristus Yesus,

Galatia 5:7

Im puuna, im witu um pahlolowaan, ni kamu é nimahlolowaanola karia im wangun. Niitu én tanu ni kamu wanguno i mahkiit si Yesus. Séi wé si mahapé-apé' wia ni kamu akaz ni kamu zéi'mo mahkiit ung kaulitan?

Galatia 6:16

Im wia péléng sé tou sé menou-nou karia ung katou-touan weru kenu, mengalé-ngaléi uman u mahlé'o-lé'osan wo u raraatéan ni Opo Empung én iwéhémé wia ni séra wo wia sé tou Israel sé anu ni Opo Empung.

Filipi 1:27

Un totoz ipahpuu-puuna in tarékan, pahpaan ni kamu é ma'émano wia si Kristus, ung katou-touan niou é léwo'zéi' i masuat karia an tutuzu' ni Kristus mengiit u Nuwu' Lé'os tumoro ni Sia. Karia in téntu sa aku mangémé, ni aku én toro mileké, kaapa sa aku zéi'kan mangémé wia ni kamu, ni aku én tumalinga i ni kamu én esa genang, nimaesaan i mahtututu' mahwoka' u Nuwu' Lé'os tumoro si Kristus, enté' um pa'émanen, wo ni kamu mahwali-wali i mahtututu' mahwoka' u Nuwu' Lé'os tumoro si Yesus Kristus wia sé tou wo séra toro ma'éman.

Filipi 2:2

niitumo, mahtututu'la i mangun ni aku mahpaa-paaz karia ang kenu: Ni kamu é menou-noula karia i mahlé'o-lé'osan, mahraa-raatéan si esa wo si esa, esa genang wo nimaesaan.

Filipi 4:2

Ni aku é sumésama wia si Euodia wo si Sintikhe. Pahaléiengku wo ni kamu zua én esa genang wo malé'osala sumaup in tou ma'éman.

Kolose 2:6

Katuari-katuari, ni kamu é simungkulo si Kristus Yesus, si Mahpiarata. Niitumo ni kamu é léwo'zéi' i menou-nou nimaesa karia-Na.

Kolose 4:2

Tia' mazéi' i mengaléi wia si Opo Empung wo tuméga-tégamla karia i mahkua u makasé wia si Opo Empung.

Wahyu 3:3

Niitumo, gena-genangen an tutuzu' kinailekan wo tinalinga niouo. Pahwangunela niitu wo itula'umola a singkéla' pahwangunen niou. Pahpaan sa ni kamu zéi'kan timégam, ni Aku i mawurimé sumaup é mahkompo-kompo' umané tanu si maremu', wo ni kamu én zéi'kan mata'u sawisa un orasna ni Aku i méyé wia ni kamu.