Filipi 3:15 - Taaz Weru Witu u Nunuwu'en Tombulu

¹⁵ Niitumo, ni kita sé lutu'mo um pa'émanen wia si Yesus é léwo'zéi' i mahgenangla un téntu. Taan sa wéwéhan sé gimenang walina, si Opo Empung é sumawang ni kamu i mata'u niana.

Filipi 3:15 Iomraidhean Croise

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Lukas 11:13

Niitumo, sa ni kamu sé léwo' é mata'u mahwéhé am wangun wia sé oki' niou, apapé' kasii si Ama' niou witi kasendukan! Ni Sia é méhé si Roh Lenas wia sé tou mahaléi wia ni Sia.”

Yohanes 6:45

Wana am pinantik né nabi é méipantik, ‘Ni séra péléng én tuzu'en ni Opo Empung.’ Péléng sé tou sé timalingamo wo nimakaileko an tutuzu' ni Ama' é méyé wia ni Aku.

Yohanes 7:17

Si tou paaz mahwangun um paaz ni Opo Empung, ni sia é mata'u an tutuzu' itii ém wia si Opo Empung a méyé kaapa nuwu'-Ku uman in esa.

Roma 15:1

Ni kita sé enté'mo um pa'émanen é léwo'zéi' in ezen im wana an zéi'kan enté' né tou zéi'kan enté' um pa'émanen néra, tia' ni kita menéro uman u mahpaa-paazta in esa.

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

1 Korintus 2:6

Zozo' in téntu, im wia sé tou totozo lutu' i ma'éman, ni aku éng kimuamoma ung katulapan. Ung katulapan itii é méyé zéi'kan wia ung kaayahan kaapa wia sé mahkawasa wia ung kaayahan kenu sé mazéi'en.

Galatia 5:10

Pahpaan ni kita nimaesamo karia ni Mahpiara, totoz kata'uangku i ni kamu én zéi'kan ikakiit an tutuzu' zéi'kan siapa kaulitan itii. Taan si tou, séi uman ni sia si nimangun ni kamu nimakayo' én ukumen ni Opo Empung.

Efesus 1:17

Ni aku mahaléi wia si Opo Empung si Ama' ni Yesus Kristus Mahpiarata, si pahloozen wo pahsigi'en itii i méhémé wia ni kamu si Roh-Na, si nimangun ni kamu matulap wo si Roh si matumuzu' tumoro si Opo Empung, wo ni kamu karia in ulit mata'u tumoro ni Sia.

Kolose 1:28

Si Kristus itiimo si ipahwoka' nai wia si esa wo si esa, i ni kai mahsésa wo mahtuzu' ni séra karia ung katulapan u méiwéhémé ni Opo Empung, i mangun péléng sé tou uli-ulit ma'éman wia si Kristus.

Kolose 4:12

U sigi' ni Epafras wia ni kamu; ni sia én tou esaané wia ni kamu, ata ni Kristus Yesus, ni sia én zéi'kan mazéi' i mahpengaléi ni kamu, wo ni kamu enté' im wana am pa'émanen, in tanu tou lutu'mo wo uli-ulit ma'éman wo mata'u péléng ang kapaaz ni Opo Empung.

1 Tesalonika 4:9

Tumoro kura i mahraa-raatéan karia né katuari esa pa'émanen én zéi'mo totoz ipantikkuma wia ni kamu, pahpaan ni kamu én tinuzu'mo ni Opo Empung kura i mahraa-raatéan.

2 Timutius 3:17

Karia in téntu, um Pinantik Lenas é mangun sé tou ni Opo Empung makawawa i maayang péléng am paayangen wangun.

Ibrani 5:14

Taan sé tou mahnanaram un tou néra i mahtotoz wisa u lé'os wo wisa u léwo', ni séra én tanu sé tou tu'amo sé mahkan ang kakanen ketéh.

1 Yohanes 2:5

Taan séi si mahkiit a nuwu' ni Opo Empung, u raraaté ni Opo Empung én uli-ulit lekepo im wia si tou itii. Karia in téntu ni kita én toro mata'ula i ni kita ém wia ni Sia a méyé.