Filipi 3:13 - Taaz Weru Witu u Nunuwu'en Tombulu

¹³ Katuari-katuari, ni aku én zéi'kan mahgenangla i niana éng kinailekangkumo, taan um pahwangunengku éng kenu: Péléng am pinahmualikumé im puuna é liniuzkumola wo ni aku é mahtututu' i maayo a sinarukumo.

Filipi 3:13 Iomraidhean Croise

Lukas 10:42

taan un ipahpuu-puuna én esa uman. Si Maria é niméléngola un totoz wangun, un zéi'kan éndon im wia ni sia.”

Lukas 9:62

Taan kuan ni Yesus wia ni sia, “Si tou taré majéko én totoz mahileka witi muka zéi'kan toro mahléngéma witi muri. Téntu kangkasii sé tou paaz maéndo tou witi Kakolanoan ni Opo Empung én zéi'kan toro megena-genangpé' a nimamualimoma.”

2 Korintus 5:16

Niitumo, ni kai én zéi'kan mahukur si tou tanu um pakahukur in tou uman, sé lumelo uman am wia ung kaayahan, zozo' im puuna ni kai i mahukur si Kristus én tanu um pakahukur in tou.

Filipi 2:12

Katuari-katuari ikararaatéku, ni kamu sekezé é mahtali-talinga wia si Opo Empung. Pahwangunela niitu zéi'kan uman i ni aku mahwali-wali karia niou taan kasii i ni aku zéi'kan mahwali-wali karia niou. Ung katou-touan niou ém wangunela tanu ung katou-touan né tou sé méipiloto ni Opo Empung im witu un ukuman wana a singkéla'. Pahwangunela niitu karia i mahtali-talinga wo mahsigi' si Opo Empung.

Filipi 3:12

Ni aku én zéi'kan kumuama i ni aku é nimakaileko péléng an taré ikuakuma wia ni kamu. Ni aku kasii én zéi'kan kumuama i ni aku én zéi'mo siapa um pahséro'an. Taan ni aku é mahtututu' i mahtata'u si Kristus, ung kawasa-Na wo mahkiit ni Sia karia an zézéha makaz ni Sia i nimaté. Ni aku kasii ém paaz i makailek péléng ang kapaaz ni Kristus Yesus pahpaan ni Sia é niméléngo ni aku i maéndo anu-Na.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Ibrani 6:1

Niitumo, méyémo kita méra i mahtata'u an tutuzu' a lumouspé'mé an tutuzu' kataré-taré u nimaéndo to'tolan tumoro um pa'émanen wia si Kristus, wo um pa'émanenta éng kalutu'na. Tia'mo mawuri sumaup wana an tutuzu' kataré-taré tumoro un tumula'ula am pemangu-mangunen an zéi'kan siapa torona wo kasii an tutuzu' tumoro kura i ma'éman si Opo Empung.

2 Petrus 3:8

Katuari-katuari ikararaatéku, wéwéhan un totoz ing gena-genangen niou. Im wia si Mahpiara u sana endo é masuat uman wo u sana riwu ta'un, wo u sana riwu ta'un é masuat uman wo u sana endo.