Filipi 3:12 - Taaz Weru Witu u Nunuwu'en Tombulu

¹² Ni aku én zéi'kan kumuama i ni aku é nimakaileko péléng an taré ikuakuma wia ni kamu. Ni aku kasii én zéi'kan kumuama i ni aku én zéi'mo siapa um pahséro'an. Taan ni aku é mahtututu' i mahtata'u si Kristus, ung kawasa-Na wo mahkiit ni Sia karia an zézéha makaz ni Sia i nimaté. Ni aku kasii ém paaz i makailek péléng ang kapaaz ni Kristus Yesus pahpaan ni Sia é niméléngo ni aku i maéndo anu-Na.

Filipi 3:12 Iomraidhean Croise

Matius 5:48

Niitumo ni kamu é mahtututu'la wo ni kamu malekep tanu si Ama' niou si witi kasendukan i lekep.”

Kisah Rasul-rasul 9:15

Taan si Mahpiara nimuwu'ma wia ni sia, “Mangémo! Pahpaan si tou itii ém pinéléng-Kumo i maéndo tou mahpaayang wia ni Aku i mahwoka' u ngaran-Ku wia sé tahsasana wanua walina wo wia sé kolano wo kasii wia sé tou Israel.

Roma 8:39

kaapa sé mahkawasa witi langit kaapa sé wia ung kaayahan, kaapa apa uman niitu, zéi'kan siapa sé makawawa tuma'sa ni kita im witu u raraatéan ni Opo Empung, tanu u méipapailek-Na wia si Kristus Yesus, si Mahpiarata.

1 Korintus 13:10

Tumondong é méyé un orasna i si Opo Empung mangun ang kata'uan i malekep, wo ang kata'uan zéi'kampé' lekep é mazéi'.

1 Korintus 13:12

In tarékan, zéi'kampé' tahlous katulapanta un tumoro si Opo Empung, niitu é masuat wo ni kita mahilek un touta witu u lélénoan kewur. Taan sa kita nimasaruano karia-Na taré totoz katulapanta un tumoro ni Sia. In tarékan péléng an tumoro ni Sia én zéi'kampé' tahlous kata'uangku, taan niitu én totoz makata'uangku, tanu ni Sia in totoz mata'u ni aku.

1 Korintus 9:24

Kata'uan niouo sa sé tou witu um pahlolowaan ing kumara', esa uman si makailek ung kukulu, zozo' im péléng kimiit i mahlolowaan. Niitumo, mahtututu'la i mahlolowaan wo mamakailek ung kukulu.

2 Korintus 13:9

Ni kai é mahpaa-paaz sa ni kamu enté' wo ni kai zéi'kan enté'. Ni kai mengaléi wia si Opo Empung wo um pa'émanen niou malekep.

2 Korintus 7:1

Katuari-katuari ikararaatéku. Ni kita é nimakaileko a méitaaz ni Opo Empung. Niitumo, kumana'mola i memua-muali a singkéla', u mahwangun un tou wo si rohta makati'tiren. Ni kita é mahsigi'la wo maindé'la wia si Opo Empung wo péléng ung katou-touanta u linenas-Na é malekep.

Galatia 5:17

Pahpaan u lelo un awak i mahwangun a léwo' é nimatamburian karia um paaz ni Roh Lenas wo um paaz ni Roh Lenas é nimatamburian karia u lelo un awak i mahwangun a léwo'. Un zua kenu é nimatamburian taka-takazan ni kamu sekezé én zéi'kan mahwangun ang kapaaz niou.

Efesus 1:4

Pahpaan si Opo Empung é niméléngo ni kita puunala ung kaayahan kenu im winangun mengiité um pinaesaanta karia ni Yesus Kristus, wo kita lenasen ni Opo Empung wo zéi'kan siapa um pahséro'an witu u sinaru-Na.

Efesus 4:12

Si Kristus timambér wia ni séra u makawawa i maayang wia sé tou linenas ni Opo Empung, wo séra makawawa i maayang wia si Opo Empung wo toro mahsawa-sawangan i mahenté' um pa'émanen néra in awak ni Kristus,

Filipi 1:1

Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 3:16

Un totoz ipahpuu-puuna, ung katou-touanta é mahkiitla an tutuzu' ulit mémoituzu' ni Opo Empung makaz in tarékan.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

1 Tesalonika 5:15

Ile-ileken én taa wéwéhan sé tou mahwaér a léwo'an karia a léwo'an, taan mahtututu'la i mahwangun a lé'os si esa wo sé walina wo wia péléng sé tou.

2 Tesalonika 2:13

Katuari-katuari ikararaaté ni Opo Empung! Ni kai sekezé é léwo'zéi' ing kumua u makasé wia si Opo Empung pahpaan ni kamu. Pahpaan rengan im puuna ni kamu ém pinéléng-Namo in ipilot im witu un ukuman wana a singkéla', mengiité um pinaayang ni Roh-Na si nimangun ni kamu lenas wo mengiité um pa'émanen niou wana an tutuzu' ulit am wia ni Sia a méyé.

1 Timutius 5:10

Wo kasii kata'uan né tou i ni sia é mahwangun a lé'os wia sé tou tanu ang kenu: sé oki'na ém piniaranamé lé'os, paaz mahsungkul si tou mento' witi waléna, mahwo'as un a'é né katuari esa pa'émanen, mahsawang sé tou witu ung kasusaan wo uli-ulit zéi'kan mazéi' i mahwangun péléng am wangun.

1 Timutius 6:19

Karia in téntu, ni séra é riméwokola a sangkum i maéndo to'tolan enté' wia ni séra witu un endo mahmurimé i makailek un uli-ulit katou-touan.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

Ibrani 12:23

Ni kamu kasii é mahilekan karia né tou sé nimaéndo oki' tu'a ni Opo Empung, a ngaran néra mémoipantik witi kasendukan. Wo ni kamu é mahilekan karia ni Opo Empung, si mahtotoz am pahwangunen péléng né tou in ulit kaapa zéi'kan wo mahilekan karia né roh né tou niéndo ulit sé zéi'mo siapa um pahséro'an.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

Yakobus 3:2

Pahpaan ni kita péléng é lakez a sinala'. Séi si zéi'kan siapa sinala' im wana a nuwu'na, ni sia én tou wutulo, wo ni sia kangkasii é mata'u mahime-imek un touna.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.