Filipi 2:26 - Taaz Weru Witu u Nunuwu'en Tombulu

²⁶ Pahpaan ni sia én totoz lumelo ni kamu péléng wo un aténa é nimasusa pahpaan ing kinata'uan niouoma i ni sia é saki, niitumo pahgenangengkula ni sia é léwo'zéi' in iwurikuma wia ni kamu.

Filipi 2:26 Iomraidhean Croise

Matius 11:28

Méyémo wia ni Aku, péléng sé marawoi wo sé lakez am pengalin, ni kamu ém wéhang-Ku ung kaenaan.

Matius 26:37

A si Yesus tumawahma si Petrus wo sé zua oki' ni Zebedeus ing kumiita ni Sia. Un até-Na é mahpendano i rumara wo zéi'mo si katu'tulan.

Kisah Rasul-rasul 21:13

Taan si Paulus nimingkot umané, “Kaa kamu mahamé', taka-takazan nimangun un atéku i rumara? Ni aku én zéi'kan uman paaz in apusen taan ni aku kangkasii ém paaz i maté witi Yerusalem pahpaan i mahwoka' u ngaran ni Yesus Mahpiara.”

Roma 1:11

Pahpaan ni aku én totoz lumelo i mahilekan karia niou wo kamu toro wéténgangku un tatambér ni Roh ni Opo Empung um wiamo ni aku, wo um pa'émanen niou éng kaenté'na.

Roma 12:15

Mahpaa-paazola karia né tou mahpaa-paaz wo mamé'mola karia né tou mahamé'.

Roma 9:2

Un atéku én totoz rumara wo totoz pendis pahpaan sé katuariku tou Israel é soo ma'éman wia si Yesus.

1 Korintus 12:26

Niitumo, sa un esa witu un awakta é mahpendan zéha, péléng am witu un awakta én zézéha. Sa un esa witu un awakta pahloozen, péléng am witu un awakta é mahpaa-paaz.

2 Korintus 9:14

Ni séra é rumaraaté ni kamu, makaz ni kamu én ipahpengaléi néra, pahpaan ung kamang méitambér ni Opo Empung é lakezo wia ni kamu.

Galatia 6:2

Mahsawa-sawangala i mengali am pengalin! Sa ni kamu nimangunola niana, ni kamu é mahtali-talinga um perénta ni Kristus.

Efesus 3:13

Niitumo, pahaléiengku wia ni kamu in tia' ni kamu zéi'mo siapa pahéré'an in timalingama ni aku nimazéha pahpaan mahwoka' u Nuwu' Lé'os tumoro si Yesus wia ni kamu. Pahpaan an zézéha pinendankumé itii é mangun ni kamu toro mahloo-looz karia ni Yesus Kristus.

Filipi 1:3

Sekez aku ikagenanga ni kamu, ni aku éng kumua u makasé wia si Opo Empungku.

Filipi 1:8

Pahpaan si Opo Empung si totoz mata'u, i ni aku é lumelo ni kamu péléng. Ni aku é rumaraaté ni kamu péléng tanu u raraatéan ni Kristus Yesus wia ni kamu.

Filipi 2:25

Si Epafroditus, si katuari esa pa'émanen, si méiatu nioué i mésumawang maayang kariaku im wana am pemandungengku, ni sia si pahgenangengkula wangun i mawurima sumaup wia ni kamu. Ni sia éng kapaayangku wo nimahtututu'momé i mahpaayang kariaku.

Filipi 2:27

Ni sia én ulit saki wo tawimo maté, taan si Opo Empung é rumaraaté ni sia. U raraatéan ni Opo Empung én zéi'kan uman wia ni sia taan kangkasii wia ni aku, wo un atéku zéi'kan tahlous rumara.

Filipi 4:1

Pahpaano niitu, katuari-katuari sé ikararaatéku wo pelelo-leloku, sé mahwangun ni aku i mahpaa-paaz wo sé pahloo-loozengku pahpaan ma'émano wia si Kristus, menté-enté' i ma'éman wia si Mahpiara.

1 Petrus 1:6

Niitumo ni kamu é mahpaa-paazola, zozo' in tarékan un até niou é rumara im wana am pema'wa'en an zéi'kan mauréma.