Filipi 2:21 - Taaz Weru Witu u Nunuwu'en Tombulu

²¹ Pahpaan sé tou walina é mahpenéro uman um pemandungen néra in esa, zéi'kan um pemandungen ni Kristus Yesus.

Filipi 2:21 Iomraidhean Croise

Matius 16:24

Ang kuan ni Yesus wia sé pahtuzu'en-Na, “Séi si paaz kumiit ni Aku, ni sia léwo'zéi' in zéi'mo mahgenang ung katou-touanna in esa, masaan u salipna wo kumiit ni Aku.

Lukas 14:26

“Sa si tou paaz kumiit ni Aku, u raraatéanna wia ni Aku é léwo'zéi' lumouspé'mé u raraatéanna wia si ama'na, wia si ina'na, wia si mahayona, wia sé oki'na, wia sé katuarina tuama kaapa wéwéné, maanpé' kasii ung katou-touanna in esa. Pahpaan sa zéi'kan téntu, ni sia én zéi'kan toro maéndo pahtuzu'eng-Ku.

Kisah Rasul-rasul 13:13

A si Paulus wo sé kakariana tumula'umé um Pafos a suméngkota witi Perga um witi Pamfilia. Taan ni séra é méitula'umé ni Yohanes witu a sia mawurima witi Yerusalem.

Kisah Rasul-rasul 15:38

taan si Paulus én totoz soo karia mahkua, in zéi'kan wangun mahwali si tou si i makasa én timula'umomé ni séra witi Pamfilia, wo soo kumiit i maayang karia néra.

1 Korintus 10:24

Ni kamu én tia' mahtututu' i menéro ang kawangunan niou, taan mahtututu'la i menéro ang kawangunan né tou walina.

1 Korintus 10:33

Tanu ni aku mahtututu' i mahwangun péléng sé tou i mahpaa-paaz im wana péléng am péléng. Niana ém pahwangunengku zéi'kan pahpaan ung kawangunangku, taan ung kawangunan né tou lakez, wo séra toro ipiloté im witu un ukuman wana a singkéla'.

1 Korintus 13:5

Ni sia én zéi'kan mahwangun an zéi'kan mata'u un adat wo zéi'kan mahgenang uman un touna in esa. Ni sia én zéi'kan uupi'en wo zéi'kan megena-genang ang kasumalaan né tou walina.

2 Korintus 1:5

Ni kai é nimahpendanomé lakez a zézéha tanu am pinahpendané ni Kristus, taan ni kai kangkasii é nimakailekomé wia si Kristus ang kaenté'an un até i ni kai mahsaru an zézéha.

Filipi 2:4

Wo si esa wo si esa én tia' uman mahgenang am pemandungenna in esa, taan pahgenangen kangkasiila am pemandungen né tou walina.

2 Timutius 1:15

Kata'uannu im péléng sé tou witi Asia Oki' én timula'umo ni aku, karia kangkasii si Figelus wo si Hermogenes.

2 Timutius 3:2

Sé tou é mahgenang uman un touna in esa wo nimaéndo ata an zoit. Ni séra i mahnuwu' é mahrakék un tou néra wo loozan, mahkua a léwo'an tumoro si kasuat tou wo mahsasarumokan sé tu'a, soo kumua u makasé wo zéi'mo pandung witu um pa'émanen,

2 Timutius 4:10

pahpaan si Demas ém paaz uman am wia ung kaayahan kenu wo timula'umoma ni aku. Ni sia é nimangémo witi Tesalonika. Si Kreskes é nimangémo witi Galatia wo si Titus é nimangémo witi Dalmatia.

2 Timutius 4:16

Ing kataré ni aku i mahkelung un touku im witi pahtotozan, zéi'kan siapa zozo' in esa si kimaria ni aku, péléng ni séra én timula'uma ni aku. Mengalé-ngaléi uman si Opo Empung én zéi'kan mapahsasala' ni séra pahpaan um winangun néra itii.