Filipi 2:2 - Taaz Weru Witu u Nunuwu'en Tombulu

² niitumo, mahtututu'la i mangun ni aku mahpaa-paaz karia ang kenu: Ni kamu é menou-noula karia i mahlé'o-lé'osan, mahraa-raatéan si esa wo si esa, esa genang wo nimaesaan.

Filipi 2:2 Iomraidhean Croise

Yohanes 3:29

Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

Kisah Rasul-rasul 1:14

Ni séra péléng é nimaréwok karia un esa genang i mahmengaléi. Ni séra i mengaléi éng karia né woopira wéwéné, karia ni Maria ina' ni Yesus wo sé katuari ni Yesus.

Kisah Rasul-rasul 2:1

Im witu un endo wangko' Pentakosta, péléng sé tou ma'éman wia si Yesus é nimaréwok witu um walé.

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Kisah Rasul-rasul 5:12

Lakez a makakompo'en wo an zéi'mo kakuaan am winangun né aatu ni Yesus witu u sinaru né tou lakez. Wo péléng sé tou sé ma'émano sekezé é meréréwok witi Loloangan Salomo witi Walé ni Opo Empung karia in esa genang.

Roma 12:16

Menou-noula i ma'esaan witu ung katou-touan niou. Tia' loozan, taan pasuatela un toumu karia né tou ipahwawa-wawa'. Tia' mahgenangla un toumu én tulapo.

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

2 Korintus 2:3

Pahpaano niitu, ni aku nimantik um pinantikku itii wo sa ni aku méyé sumaup wia ni kamu, un atéku én zéi'kan rumara i milekla ni kamu sé tou totoz mangun un atéku mahpaa-paaz. Un totoz kata'uangku, sa ni aku mahpaa-paaz, maan ni kamu péléng kasii é mahpaa-paaz.

2 Korintus 7:7

Zéi'kan uman si Titus i niméyé u nimenté' un até nai, taan u nimenté' un até nai kangkasii éng kura ni kamu i mahenté' un aténa. Méikuana ni kamu én totoz lumelo i mahilekan kariaku, totoz pene'selen niou am winangun nioula, pahtututu'en niou i mahkelung ni aku. Pahpaano niana, ni aku én totoz mahpaa-paaz.

Filipi 1:4

Wo sekez ni aku i mengaléi tumoro ni kamu péléng, ni aku én totoz mahpaa-paaz.

Filipi 2:16

Ni kamu én tumio-tion witu u Nuwu' ni Opo Empung u mahwéhémé ung katou-touan. Karia in téntu, im witu un endo si Yesus Kristus i mawurimé sumaup, ni aku én toro mahpaa-paaz. Ni aku én toro mahpaa-paaz pahpaan um pinaayangku wo um pahtututu'engku ém wéwéhan torona.

Filipi 2:20

Pahpaan zéi'mo siapa si kapaayangku si esa genang wo nimata'uano kariaku tanu si Timotius. Ni kai zua én totoz mahwéhé genang wana am wangun wo am wéwéhan torona wia ni kamu.

Filipi 4:2

Ni aku é sumésama wia si Euodia wo si Sintikhe. Pahaléiengku wo ni kamu zua én esa genang wo malé'osala sumaup in tou ma'éman.

Kolose 2:5

Pahpaan zozo' ni aku zéi'kan mahwali-wali karia niou, taan genangenola i ni aku én tanumokan kimaria ni kamu zozo' ni aku én zou'mé im wia ni kamu. Ni aku kangkasii é mahpaa-paaz in timalingamé i ni kamu é mahesa-esaan wo um pa'émanen niou én enté' im wia si Kristus.

2 Tesalonika 2:13

Katuari-katuari ikararaaté ni Opo Empung! Ni kai sekezé é léwo'zéi' ing kumua u makasé wia si Opo Empung pahpaan ni kamu. Pahpaan rengan im puuna ni kamu ém pinéléng-Namo in ipilot im witu un ukuman wana a singkéla', mengiité um pinaayang ni Roh-Na si nimangun ni kamu lenas wo mengiité um pa'émanen niou wana an tutuzu' ulit am wia ni Sia a méyé.

2 Timutius 1:4

Sa aku ikagenanga u lué'mu i ni kita matampasano, ni aku é malelo i mahilekan sumaup kariamu wo u mahpaa-paazku malekepa.

Filemon 1:20

O katuariku, mengalé-ngaléi uman ni ko ém wéwéhan torona im wia ni aku pahpaan nimaesa karia ni Mahpiara; wangunené un atéku mahpaa-paaz im wia si Kristus.

2 Yohanes 1:4

Ni aku én totoz mahpaa-paaz i nimilekla wéwéhan sé woopira im wia sé oki'mu menou-nou mahkiit an tutuzu' kaulitan tanu a méiperénta ni Ama'.

3 Yohanes 1:4

Zéi'kan siapa u mahpaa-paaz lumousé u mahpaa-paazku, in timalingala i sé oki'ku é menou-nou mahkiit an tutuzu' kaulitan.