Filipi 2:16 - Taaz Weru Witu u Nunuwu'en Tombulu

¹⁶ Ni kamu én tumio-tion witu u Nuwu' ni Opo Empung u mahwéhémé ung katou-touan. Karia in téntu, im witu un endo si Yesus Kristus i mawurimé sumaup, ni aku én toro mahpaa-paaz. Ni aku én toro mahpaa-paaz pahpaan um pinaayangku wo um pahtututu'engku ém wéwéhan torona.

Filipi 2:16 Iomraidhean Croise

Matius 10:27

A méikua-Ku wia ni kamu karia in ipahwuni-wuni é maipakaulitla wia sé tou. Wo a méipahkewit-Ku umanla wia ni kamu é maiwoka'la wia sé tou tanu im witu um wawo um walé wo mahwoka'.

Lukas 12:8

Ang kuan ni Yesus, “Séi uman si makaulitla wia sé tou i ni sia é ma'éman ni Aku, si Oki' ni Tou kangkasii é makaulit i ni sia én tou-Ku im witu u sinaru né malaekat ni Opo Empung.

Yohanes 6:63

Si Roh ni Opo Empung si mahwéhémé ung katou-touan, ung kaenté'an ni tou én zéi'kan siapa torona. A nuwu' méikua-Kuma wia ni kamu é nuwu' ni Roh ni Opo Empung u mahwéhémé ung katou-touan.

Yohanes 6:68

Wingkotela ni Simon Petrus wia ni Sia, “Tuang, séipé' si angéan nai? U nuwu'-Mu é mahwéhémé ung katou-touan makaz ing kauré-uré;

Kisah Rasul-rasul 13:26

Katuari-katuariku suzu ni Abraham wo ni kamu kasii sé maindé' si Opo Empung. U Nuwu' i ni kita én ipilot im witu un ukuman wana a singkéla' é mémoikua ni Opo Empung wia ni kita.

1 Korintus 1:8

Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

1 Korintus 9:26

Niitumo, ni aku zéi'kan mahkara' in zéi'kan siapa um papatoroan. Wo ni aku zéi'kan si mahsondo' wayaan uman ung kasondo'an.

2 Korintus 1:14

Zozo' in taré am walina an toro katulapan niou tumoro ni kai, mengalé-ngaléi uman witu un endo si Yesus Mahpiara méyé in tumondong, ni kamu é malumooz ni kai wo ni kai kangkasii é malumooz ni kamu.

Galatia 2:2

Ni aku nimangé wana éng kumiit u méipapata'u ni Opo Empung. Im witu ni aku nimahilekané wo sé tonaas né jamaat wo ni kai én timampasla i simirita. Wia sé tonaas itii, ni aku é nimapata'u u Nuwu' Lé'os tumoro si Yesus u méipahwoka'kumé wia sé tou zéi'kan Yahudi. Karia in téntu, am pinaayangkumomé wo um pahpaayangengku in tarékan ém wéwéhan torona.

Galatia 4:11

Ikaindé'ku én taa am pinaayangku wia ni kamu én zéi'kan siapa torona.

Filipi 1:10

Karia in téntu ni kamu én toro méléng wisa am wangun, wo ung katou-touan niou ém weresi wo zéi'kan siapa sinala' im witu un endo si Kristus i mawurimé sumaup.

Filipi 1:6

Totoz kata'uangku, si Opo Empung si timo'tol um paayangen wangun kenu witu un até niou é masumampet um paayangen itii makaz witu un endo si Kristus Yesus i mawurimé sumaup.

1 Tesalonika 2:19

Pahpaan sa zéi'kan ni kamu, séipé' taré sé pahéré'an nai wo mangun ni kai mahpaa-paaz wo ipahloo-looz nai witu u sinaru ni Yesus, si Mahpiarata, i ni Sia méyé sumaup?

1 Tesalonika 3:5

Pahpaano niitu, ni aku nimatuma si Timotius i mangé wia ni kamu, pahpaan ni aku én zéi'mo makaezen i mahtata'u um pa'émanen niou. Kaarétku én taa kamu nienouola ni tonaas né sétang makaz ni kamu zéi'mo ma'éman wia si Yesus. Sa mamuali téntu, am pinaayang nai im puuna én zéi'kan siapa torona.

Ibrani 4:12

Pahpaan u Nuwu' ni Opo Empung é mahwéhé ung katou-touan wo mahkawasa wo totoz tewel, lumousé um pisou tewel zua masaru, sa iwetuma én toro muntep makaz witu un tampa totoz lalem taka-takazan un asengan wo si roh én toro matampasan, téntu kangkasii am wukuna an zuhi wo am witu un untep an zuhi én toro matampasan. U Nuwu' itii kangkasii é makawawa in tumotoz ulit kaapa zéi'kan am witu ung genang né tou wo am paaz un até ni tou.

1 Petrus 1:23

Pahpaan niitumo, ni kamu nimakailekola ung katou-touan weru. Ung katou-touan weru itii én zéi'kan wia si tou si toro uman maté a méyé, taan witu u Nuwu' ni Opo Empung um pa'émanenta a méyé. U Nuwu' itii é menou-nou wo memia-mia makaz ing kauré-uré.

1 Yohanes 1:1

Um pinantik kenu én tumoro u Nuwu' ni Opo Empung u mahwéhémé ung katou-touan, um wiamo rengané ing kataré-taré, un tinalinga naimo, u niilek naimo karia um weren nai, um winéhan naimo genang wo um pinahtionan naimomé. Niitumo u méipantik nai an iwéhéma wia ni kamu.

Wahyu 22:17

A si Roh ni Opo Empung wo si wéwéné kawéngen itii kumuamé, “Méyémo!” Wo séi uman si tumalingama niitu, iwayamola sia ing kumuala “Méyémo!” Wo séi si maré'o, iwayamola sia i méyé, wo séi si paaz melep, iwayamola sia i maméndomé un zano mahwéhémé ung katou-touan u méitambér umané.