Filipi 2:14 - Taaz Weru Witu u Nunuwu'en Tombulu

¹⁴ Pahpaayangela péléng am péléng karia in zéi'kan menembu-nembut wo mahéndo-éndoan.

Filipi 2:14 Iomraidhean Croise

Matius 20:11

I ni séra nimakailekomé un zoit itii, ni séra é mahpa'os wo menembu-nembut wia si makauma.

Markus 14:5

U lana itii én toro iwangkér teluna atus dinar tezaan wo un zoitna én toro iwéhéma wia sé tou zéi'kan siapa apa.” Ang kakoro'an nérala si wéwéné itii.

Markus 9:14

I si Yesus karia né telu pahtuzu'en-Na nimawurimoma sumaup wia sé pahtuzu'en-Na walina, ileken nérama lakez sé tou rimimbung wia sé pahtuzu'en-Na itii. Wo im witu ém wéwéhan sé woopira tou tulap un Torat mahéndo-éndoan karia néra.

Lukas 5:30

Sé sana réwok tou Farisi wo sé tou tulap un Torat é mema'o-ma'os wia sé pahtuzu'en ni Yesus, a mahkua, “Kaa kamu mahkan wo mahelep karia né menanagi am pajak wo né tou mahsingkéla'?”

Kisah Rasul-rasul 15:2

Taan si Paulus wo si Barnabas én totoz mahsaru wo mahzéi' an ipahtuzu' néra itii. Ing kamurian an totozela né tou ma'éman si Paulus wo si Barnabas wo sé woopira tou im wia sé jamaat, in iatu mangé wia sé aatu ni Yesus wo wia sé penatua witi Yerusalem. Im wana ni séra é sumirita tumoro um pahzéi-zéi'an néra itii.

Kisah Rasul-rasul 15:39

Niitu u nimangun ni séra zua totoz i mahzéi-zéi'an, makaz ni séra nimatampasan. Si Barnabas timawahma si Markus i mangé kariana siméngkot witi Siprus.

Kisah Rasul-rasul 15:7

Ni séra én uré i simirita tumoro um pahzéi-zéi'an itii. Tumondong niitu, rumendaié si Petrus ang kumua wia ni séra, “É katuari-katuari, kata'uan niouo rengané ing kataré-taré, ni aku ém pinéléng ni Opo Empung im wia ni kamu, i mahwoka' u Nuwu' Lé'os tumoro si Yesus wia sé tou zéi'kan Yahudi, wo ni séra tumalinga wo ma'éman niitu.

Kisah Rasul-rasul 6:1

In toro niitu, i sé tou ma'éman wia si Yesus éng kalakeznamo, a méhé sé tou Yahudi sé mahnuwu' karia u nunuwu'en Yunani mahpa'os sé tou Yahudi sé mahnuwu' karia u nunuwu'en Ibrani. Ni séra mahpa'os pahpaan sé wéwéné mahesa-esamokan im wia ni séra én zéi'kan pahwéhan genang i mahwéténg am pemandungen néra i mendo-endo.

Roma 12:18

Wia ni kamu, sa toro mahtututu'la i menou-nou mahlé'o-lé'osan karia péléng sé tou.

Roma 14:1

Sungkulela sé tou zéi'kan tahlous enté' um pa'émanenna wo tia' mahzéi-zéi'an karia néra.

Roma 16:17

Katuari-katuariku, ni aku é sumésama wia ni kamu. Tuméga-tégam im wia sé paaz mangun ni kamu i mahéndo-éndoan wo sé mahléléwo' um pa'émanen niou wo mahtuzu' ni kamu in tia' mahkiit an tutuzu ulit am pinahtata'u niouo. Tia'mo mahkari-karia ni séra!

1 Korintus 10:10

Tia' menembu-nembut tanu am pinahwanguné né woopira im wia ni séra, makaz ni séra winunu' ni malaekat um patéan.

2 Korintus 12:20

Pahpaan ikaarétku, sa ni aku méyé wia ni kamu, um pahwangunen niou zéi'kan kapaazku wo um pahwangunengku zéi'kan kapaaz niou. Ikaindé'ku kasii ni kamu ém wéwéhan sé mahéndo-éndoan, mahtétéutéuan, mahuupi'an, mahgenang uman un touna, mahtawuruk, wayaan uman kanuwu'an, loozan wo mahkayo' sé tou.

Galatia 5:15

Taan sa kamu mahkoro' wo mahsususaan un tanumokan i mahkikikian wo mahnenepnepan, mile-ilek én taa kamu mahwuwunu'ala!

Galatia 5:26

Tia' kita maloozan, wo tia' kita mahpapasu'an wo mahtétéutéuan.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

1 Tesalonika 5:13

Uli-ulit im pahsigi'ela wo iraraatéla séra pahpaan am pinaayang néra i mahsawang ni kamu. Menou-noula karia i mahlé'o-lé'osan si esa wo sé walina.

1 Tesalonika 5:15

Ile-ileken én taa wéwéhan sé tou mahwaér a léwo'an karia a léwo'an, taan mahtututu'la i mahwangun a lé'os si esa wo sé walina wo wia péléng sé tou.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.

Yakobus 1:20

Pahpaan sa si tou maupi', ni sia én zéi'kan mahwangun an ulit ang kapaaz ni Opo Empung.

Yakobus 3:14

Taan sa kamu téutéu wo akaz uman mahgenang un tou niou in esa, tia' kamu mahwera-wera' un tou niou, wo tia' mahtowo i mahsaru ang kaulitan.

Yakobus 5:9

Katuari-katuari, ni kamu én tia' mema'o-ma'os wo mahpasasala' si esa wo si esa, wo kamu zéi'kan ukumen. Si mahtotoz am winangun né tou in ulit kaapa zéi'kan é rimendaio witu um pepenet.

1 Petrus 3:11

Ni sia é léwo'zéi' in tumula'umola a léwo'an wo mahwangunla a lé'os. Ni sia kasii é léwo'zéi' i mahtututu'la makaz i makailek u mahlé'o-lé'osan.

1 Petrus 4:9

Pahsungkulela si tou mangémé witi walé niou karia in zéi'kan mema'o-ma'os.

Yudas 1:16

Sé tou itii é sé mengengu-ngengut wo mema'o-ma'os tumoro am pengalin néra, menou-nou mahkiit a lelo léwo' un awak néra. A sumah néra é mahkua ang kaweraan néra wo meloo-looz sé tou i mahlalakez am pahkailekan néra.