Filipi 2:13 - Taaz Weru Witu u Nunuwu'en Tombulu

¹³ Si Opo Empung si mahpaayang witu un até niou i mangun ni kamu ing kumiit wo maayang ang kapaaz-Na.

Filipi 2:13 Iomraidhean Croise

Lukas 12:32

Ni kamu én toyo' uman! Taan zozo'pé' in téntu, ni kamu én tia'mo maindé'. Pahpaan si Ama' niou si witi kasendukan é mahpaa-paaz i ni kamu nimaéndomo tou witi Kakolanoan-Na.

Lukas 2:14

“U sigi' wo u looz én iwéhé uman wia si Opo Empung si witi kaséndukan! Wo ung kaluasan witu un até wia sé tou wia ung kaayahan, sé mahwangun si Opo Empung mahpaa-paaz.”

Yohanes 3:27

A si Yohanes Menanarani mingkotla, “Zéi'kan siapa zozo' in esa si tou toro makailek apa sa niitu zéi'kan méiwéhémé ni Opo Empung.

Yohanes 6:45

Wana am pinantik né nabi é méipantik, ‘Ni séra péléng én tuzu'en ni Opo Empung.’ Péléng sé tou sé timalingamo wo nimakaileko an tutuzu' ni Ama' é méyé wia ni Aku.

Yohanes 6:65

A Sia kumua, “Niitumo mémoikua-Kula wia ni kamu: Zéi'kan siapa zozo' in esa si toro méyé wia ni Aku, sa sia zéi'kan niénéan ni Ama'.”

Kisah Rasul-rasul 11:21

Ung kawasa ni Opo Empung é memali-mali karia néra taka-takazan totoz lakez sé tou nima'éman wo mahkiito si Yesus Mahpiara.

Roma 12:3

Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

Roma 9:11

Pahpaan i sé koki' itii zéi'kampé' méitoumé wo zéi'kampé' nimangun a lé'os kaapa a léwo'an, si Opo Empung én timotozo sé koki' itii i maéndo apa, wo un tinotoz-Na tumoro um pinéléng-Na én enté'en, zéi'kan mengiit am pahwangunen né koki' zua itii taan mengiit un tatawah ni Opo Empung.

Roma 9:16

Niitumo, si Opo Empung i niméléng én zéi'kan pahpaan ung kapaaz kaapa am pahwangunen ni tou, taan pahpaan u raraatéan ni Opo Empung.

1 Korintus 12:6

Wo kasii lakez am paayangen, taan si niméhé ung ketez wia si esa wo si esa i makawawa maayang niana én esa uman. Ni Siamo si Opo Empung.

1 Korintus 15:10

Taan si Opo Empung timambéré ung kamang wia ni aku makaz ni aku in tarékan é niéndo aatu ni Yesus, makaz ung kamang méitambér-Na wia ni aku ém wéwéhan torona. Lumouspé'mé niitu, im wia sé aatu-Na, ni aku si totoz nima'ulit i mahpaayang taan sé aatu walina. Taan am pinaayangku itii, zéi'kan pahpaan ung ketezku in esa, taan pahpaan ung kamang méitambér ni Opo Empung wia ni aku makaz ni aku makawawa i maayang am paayangen itii.

2 Korintus 3:5

Ni kai én zéi'kan toro kumua i ni kai é makawawa maayang niana mengesa-ngesa. Taan si Opo Empung si niméhé ung ketez wia ni kai makaz ni kai makawawa i maayang am paayangen itii.

Efesus 1:11

Si Opo Empung nimangun péléng am péléng mengiit um paaz-Na wo un tinotoz-Namo in esa. Rengané ung kaayahan zéi'kampé' winangun, ni Sia én timotozo ni kita sé kapaaz-Na i maéndo tou-Na pahpaan nimaesa karia ni Kristus.

Efesus 1:5

Rengan im puuna, ni Sia é rumaraaté ni kita wo niméléngo ni kita i maéndo oki'-Na mengiité si Yesus Kristus, niitumo ung kapaaz-Na wo u mahwangun ni Sia mahpaa-paaz.

Efesus 1:9

Si Opo Empung nimapata'umo ung ginenang-Na u méikawunipé' wia ni kita. Ung ginenang-Na rengané im puuna mengiit um paaz-Na én tinotoz-Na i lekepen mengiité si Kristus.

Efesus 2:8

Pahpaan ung kamang méitambér ni Opo Empung, ni kamu méipiloté im witu un ukuman wana a singkéla' mengiité um pa'émanen niou, zéi'kan pahpaan um winangun niou taan méitambér umané ni Opo Empung.

2 Tesalonika 1:11

Pahpaano niitu, ni kamu én zéi'kan mazéi' in ipahpengaléi nai, wo si Opo Empung gumenang ni kamu wangun menou-nou in tou sé tinawahmo ing kumiit ni Sia. Ni kai kasii mengaléi wia si Opo Empung karia ung kawasa-Na in tumulung ni kamu sumampet péléng am wangun ang ginenang niou im wangunen wo i sumampet péléng am paayangen niou pahpaan ma'éman wia ni Sia.

2 Timutius 1:9

Ni Siamo si nimilot ni kita im witu un ukuman wana a singkéla' wo timawah ni kita menou-nou in tou linenas-Na, zéi'kan mengiit am pahwangunenta, taan mengiit ung ginenang-Na wo ung kamang méitambér-Na, u mémoiwéhé wia ni kita mengiité si Kristus Yesus puunala ung kaayahan kenu im winangun.

Ibrani 13:21

Mengalé-ngaléi uman si Opo Empung é sumawang ni kamu i mangun péléng am wangun mengiit un ikapaaz-Na, wo maayang witu ung katou-touanta i mangun ni Sia mahpaa-paaz, mengiité si Yesus Kristus. Wia si Kristus uman u sigi' wo looz makaz ing kauré-uré! Amin.

1 Petrus 1:3

Loozela si Opo Empung, si Ama' ni Yesus Kristus Mahpiarata. Pahpaan ung kawangko'an u raraatéan-Na makaz ni kita én toro nimakailek ung katou-touan weru mengiité si Yesus Kristus si méitoumé sumaup ni Opo Empung im wia sé nimaté. Niitu u mahenté' um pahéré'anta i menou-nou.