Filipi 1:9 - Taaz Weru Witu u Nunuwu'en Tombulu

⁹ Ung kenumo um pengaléiengku wia si Opo Empung tumoro ni kamu, mengalé-ngaléi uman u raraatéan niou wia sé tou walina éng kalakezna wo ung kata'uan karia ung katulapan niou é malake-lakez im wana am péléng.

Filipi 1:9 Iomraidhean Croise

1 Korintus 14:20

Katuari-katuari, tia' um pakahgena-genang niou én tanu um pakahgena-genang né koki'. Im wana a léwo'an masarola um pakahgena-genang né koki' sé zéi'kampé' mata'u a léwo'an. Taan um pakahgena-genang niou é masarola um pakahgena-genang né tu'amo!

2 Korintus 8:7

Niitumo, ni kamu ém wa'ilano im wana am péléng, tanu ang kenu: um pa'émanen niou én enté'mo, tulapo i mahnuwu', lakezo ang kata'uan tumoro si Opo Empung, totoz paaz i mahsawang sé tou walina wo ni kai én totoz ikararaaté niou. Ni kamu in téntu ém wa'ilano, téntu kangkasii ni kamu éng kalousna i mahpaayang am wangun kenu i mahsawang sé tou walina.

Efesus 5:17

Pahpaano niitu, tia'mo kamu mahwangun tanu am pahwangunen né tou lemou, taan pahtata'ula um paaz ni Opo Empung.

Kolose 1:9

Niitumo, rengan ni kai in timalingamé tumoro ni kamu, ni kai én zéi'kan kumana' i mengaléi tumoro ni kamu. Ni kai mengaléi wia si Opo Empung i méhémé wia ni kamu ang katulapan wo ang kata'uan ni Roh Lenas, taka-takazan ni kamu uli-ulit mata'u péléng ang kapaaz ni Opo Empung.

Kolose 3:10

Ni kamu in tarékan é nimakaileko ung katou-touan weru wo zéi'kan mazéi' im pahwerun ni Opo Empung si nimanguné ni kamu wo ni kamu maéndo tanu ni Sia. Karia in téntu ni kamu é mata'u ni Sia makauli-ulit.

1 Tesalonika 3:12

Mengalé-ngaléi uman si Mahpiara é mangun ni kamu kalousna i mahraa-raatéan wo kasii kalousna i rumaraaté sé tou walina, tanu u raraatéan nai wia ni kamu.

1 Tesalonika 4:1

Ing kamurian katuari-katuari, ni kai é niméhémola ung kékéréan wangun wia ni kamu tumoro kura ung katou-touan niou u mahwangun un até ni Opo Empung mahpaa-paaz. Ni kamu é nimenou-noumola tanu niitu. In tarékan karia ung kawasa ni Yesus Mahpiara, ni kai totoz mahaléi wo menutu' wia ni kamu, wo kamu kalousna mahtututu' i mahwangun si Opo Empung mahpaa-paaz.

2 Tesalonika 1:3

Katuari-katuari, pahpaan ni kamu ni kai sekezé é léwo'zéi' ing kumua u makasé wia si Opo Empung. Ni kai é léwo'zéi' i mahwangun un téntu pahpaan ni kamu éng kalousnamo i ma'éman wia si Yesus wo ni kamu si esa wo sé walina éng kalousnamo i mahraa-raatéan,

Filemon 1:6

Ni aku mengaléi, mengalé-ngaléi uman um pahtuarianta in tou ma'éman kenu é mangun ung kata'uanta tumoro péléng am wangun éng kalousna pahpaan nimaesa karia ni Kristus.

Ibrani 5:14

Taan sé tou mahnanaram un tou néra i mahtotoz wisa u lé'os wo wisa u léwo', ni séra én tanu sé tou tu'amo sé mahkan ang kakanen ketéh.

1 Petrus 1:22

Pahpaan ung katou-touan niou é linenas nioula wia si Opo Empung karia i mahtali-talinga an tutuzu' ulit, taka-takazan ni kamu én uli-ulit rimaraatémola sé katuari niou. Niitumo pahaléiengku wia ni kamu in totoz uli-ulit i mahraa-raatéan.

2 Petrus 3:18

Taan, ni kamu é mahtututu'la wo kalousna i mé'an ung kamang tatambér ni Yesus Kristus Mahpiara wo si nimilot ni kita im witu un ukuman wana a singkéla'. Mahtututu'la wo ni kamu totoz mata'u ni Sia. U looz wo sigi' ém wia uman ni Sia, in tarékan makaz ing kauré-uré. Amin.