Filipi 1:8 - Taaz Weru Witu u Nunuwu'en Tombulu

⁸ Pahpaan si Opo Empung si totoz mata'u, i ni aku é lumelo ni kamu péléng. Ni aku é rumaraaté ni kamu péléng tanu u raraatéan ni Kristus Yesus wia ni kamu.

Filipi 1:8 Iomraidhean Croise

Lukas 1:78

pahpaan u raraatéan wo u lé'os ni Opo Empungta. Niitumo, ni Sia é niméyé i milot ni kita im witu un ukuman wana a singkéla'ta masuat wo si endo i mondolé im woondo,

Roma 1:9

Si Opo Empung si pahpaayangangku karia ung genang lé'os i mahwoka' u Nuwu' Lé'os tumoro si Oki'-Na, kata'uan-Na wana am pengaléiengku i ni kamu sé witi Roma sekezé ém pegena-genangengku.

Roma 9:1

Un ikuakuma én ulit pahpaan ni aku én anumo ni Kristus, ni aku én zéi'kan mahtowo. Karia ung genang lé'osku um pahahkiten ni Roh Lenas, ni aku éng kumuama u nuwu'ku itii én ulit.

2 Korintus 13:9

Ni kai é mahpaa-paaz sa ni kamu enté' wo ni kai zéi'kan enté'. Ni kai mengaléi wia si Opo Empung wo um pa'émanen niou malekep.

2 Korintus 6:12

Ni kamu én totoz karaaté nai, taan ni kai én zéi'kan tahlous karaaté niou.

2 Korintus 7:15

U raraatéanna wia ni kamu éng kalousna, im pahgenangennala ni kamu é mahtali-talinga ni sia, wo ni kamu kangkasii simungkul karia i maindé' wo mahsigi-sigi' ni sia.

Galatia 1:20

Witu u sinaru ni Opo Empung ni aku én uli-ulit kumuama: Péléng a méipantikuma wia ni kamu kenu én ulit wo ni aku én zéi'kan mahtowo.

Galatia 3:26

Pahpaan ni kamu péléng én oki'mo ni Opo Empung mengiité um pa'émanen niou wia si Yesus Kristus.

Galatia 4:19

É ni kamu sé oki'ku ikararaatéku. Pahpaan ni kamu, ni aku mahpendan kasii u rumara tanumokan si wéwéné in tumou si oki'na. Ni aku kasii én zéi'kampé' kumana' i mendan u rumara makaz ung katou-touan ni Kristus toro kaile-ilekan witu ung katou-touan niou.

Filipi 2:1

Katuari-katuari, pahpaan im wia ni kamu sé nimaesamo karia ni Kristus ém wéwéhano ang kaenté'an, u maheenté'an un até pahpaan u raraatéan ni Kristus, kinawasamo ni Roh Lenas wo ni Sia mahahkit ni kamu taka-takazan ni kamu én esa genang si esa wo si esa wo mahraa-raatéan,

Filipi 2:26

Pahpaan ni sia én totoz lumelo ni kamu péléng wo un aténa é nimasusa pahpaan ing kinata'uan niouoma i ni sia é saki, niitumo pahgenangengkula ni sia é léwo'zéi' in iwurikuma wia ni kamu.

Filipi 4:1

Pahpaano niitu, katuari-katuari sé ikararaatéku wo pelelo-leloku, sé mahwangun ni aku i mahpaa-paaz wo sé pahloo-loozengku pahpaan ma'émano wia si Kristus, menté-enté' i ma'éman wia si Mahpiara.

Kolose 2:1

Pahpaan kapaazku ni kamu mata'ula, i ni aku én totozo nima'ulit mahpaayang i sumawang ni kamu in jamaat witi Kolose wo sé witi Laodikia, wo wia péléng sé tou zéi'kampé' nimahile-ilekala kariaku.

Kolose 3:12

Pahpaan nimaéndomo tou pinéléng wo ikararaaté wo linenas ni Opo Empung, niitumo ni kamu é mapailekla u raraatéan, ung kalé'osan, u roros até, ung kaeluzan wo ung kaezenan.

1 Tesalonika 2:5

Pahpaan kata'uan niou i ni kai én zéi'kan kawisa i mahenou ni kamu karia a nunuwu'en tariis uman im pahtalingan wo zéi'kan kawisa i mahtuzu' ni kamu i menéro ung kauntungan karia i mahwuni-wuni. Si Opo Empung si mata'u péléng niitu.

1 Tesalonika 2:8

Ni kai é rumaraaté ni kamu, niitumo ni kai én zéi'kan uman paaz i mahwoka' u Nuwu' Lé'os ni Opo Empung wia ni kamu, taan ung katou-touan nai kangkasii én iwéhé nai wia ni kamu pahpaan ni kamu én totoz ikararaaté nai.

2 Timutius 1:4

Sa aku ikagenanga u lué'mu i ni kita matampasano, ni aku é malelo i mahilekan sumaup kariamu wo u mahpaa-paazku malekepa.

Filemon 1:12

In tarékan méiatukuma si oki'ku si ikararaatéku itii i mawurima wia ni ko.

Filemon 1:20

O katuariku, mengalé-ngaléi uman ni ko ém wéwéhan torona im wia ni aku pahpaan nimaesa karia ni Mahpiara; wangunené un atéku mahpaa-paaz im wia si Kristus.

1 Yohanes 3:17

Sa wéwéhan si tou wa'ilan wo milekla sé katuarina esa pa'émanen zéi'kan siapa apa taan ni sia é soo sumawang sé katuarina itii, kura kahuman ni sia mahkua i rumaraaté si Opo Empung?