Filipi 1:6 - Taaz Weru Witu u Nunuwu'en Tombulu

⁶ Totoz kata'uangku, si Opo Empung si timo'tol um paayangen wangun kenu witu un até niou é masumampet um paayangen itii makaz witu un endo si Kristus Yesus i mawurimé sumaup.

Filipi 1:6 Iomraidhean Croise

Yohanes 6:29

Kuan ni Yesus wia ni séra, “Ung kenumo um paayangen kapaaz ni Opo Empung: Pa'émanela Sia si méiatumé ni Opo Empung.”

Kisah Rasul-rasul 11:18

Kaitalingamé niitu, ni séra é méikapenes. Tumondongla niitu a séra mahlooz si Opo Empung karia i mahkua, “Niitumo, maan wia sé tou walina sé zéi'kan Yahudi kangkasii én tinambérano ni Opo Empung un oras in tumula'u a singkéla' wo séra toro makailek ung katou-touan makaz ing kauré-uré.”

Kisah Rasul-rasul 16:14

Si esaané im wia sé wéwéné itii é makangaran Lidia. Ni sia ém witi wanua tua'na Tiatira a méyé, memamangkér a roko' tina' wo meraragés wia si Opo Empung. Si Mahpiara é nimangun ni sia nimatulap makaz ni sia én totoz mahwéhé genang wana an ipahkua ni Paulus.

1 Korintus 1:8

Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

2 Korintus 1:15

Pahpaan totoz kata'uangku, ni kai é nimaéndo pahloo-looz niou, niitumo ni aku gimenang i mangé wia ni kamu wo ni kamu makailek makazuamé ung kamang méitambér ni Opo Empung.

2 Korintus 2:3

Pahpaano niitu, ni aku nimantik um pinantikku itii wo sa ni aku méyé sumaup wia ni kamu, un atéku én zéi'kan rumara i milekla ni kamu sé tou totoz mangun un atéku mahpaa-paaz. Un totoz kata'uangku, sa ni aku mahpaa-paaz, maan ni kamu péléng kasii é mahpaa-paaz.

2 Korintus 7:16

Ni aku é mahpaa-paaz, pahpaan ni kamu én toro pa'émanengku im wana am péléng.

2 Korintus 9:4

Én taa sé tou Makedonia i mahwalimé kariaku méyé wia ni kamu, ang kata'uan nérala i ni kamu én zéi'kampé' riméwok an zoit sasawang, ni kai én totoz maizang. Pahpaan mémoikua nai wia ni séra i ni kamu én timotozola i sumawang. Sa téntu maan ni kamu kangkasii é maizang.

Galatia 5:10

Pahpaan ni kita nimaesamo karia ni Mahpiara, totoz kata'uangku i ni kamu én zéi'kan ikakiit an tutuzu' zéi'kan siapa kaulitan itii. Taan si tou, séi uman ni sia si nimangun ni kamu nimakayo' én ukumen ni Opo Empung.

Efesus 4:12

Si Kristus timambér wia ni séra u makawawa i maayang wia sé tou linenas ni Opo Empung, wo séra makawawa i maayang wia si Opo Empung wo toro mahsawa-sawangan i mahenté' um pa'émanen néra in awak ni Kristus,

Filipi 1:10

Karia in téntu ni kamu én toro méléng wisa am wangun, wo ung katou-touan niou ém weresi wo zéi'kan siapa sinala' im witu un endo si Kristus i mawurimé sumaup.

Filipi 1:29

Pahpaan, ni kamu én tinambéran ung kamang zéi'kan uman i ma'éman si Kristus, taan ni kamu kasii én tinambéran ung kamang i mazéha pahpaan ma'éman ni Sia.

Filipi 2:12

Katuari-katuari ikararaatéku, ni kamu sekezé é mahtali-talinga wia si Opo Empung. Pahwangunela niitu zéi'kan uman i ni aku mahwali-wali karia niou taan kasii i ni aku zéi'kan mahwali-wali karia niou. Ung katou-touan niou ém wangunela tanu ung katou-touan né tou sé méipiloto ni Opo Empung im witu un ukuman wana a singkéla'. Pahwangunela niitu karia i mahtali-talinga wo mahsigi' si Opo Empung.

Filipi 2:13

Si Opo Empung si mahpaayang witu un até niou i mangun ni kamu ing kumiit wo maayang ang kapaaz-Na.

Filipi 2:16

Ni kamu én tumio-tion witu u Nuwu' ni Opo Empung u mahwéhémé ung katou-touan. Karia in téntu, im witu un endo si Yesus Kristus i mawurimé sumaup, ni aku én toro mahpaa-paaz. Ni aku én toro mahpaa-paaz pahpaan um pinaayangku wo um pahtututu'engku ém wéwéhan torona.

Kolose 2:12

Pahpaan i ni kamu sinarani, a singkéla' niou én tanu mémoileweng karia ni Kristus; wo karia i sinarani kangkasii ni kamu é mémoitoumé sumaup wo nimakailek ung katou-touan weru mahwali-wali karia ni Kristus, pahpaan ni kamu é ma'éman ung kawasa ni Opo Empung si timoumé sumaup si Kristus im wia sé nimaté.

1 Tesalonika 1:3

Sekez kai i mengaléi wia si Opo Empung wo si Ama'ta, ni kamu ém pegena-genangen nai pahpaan am pahpaayangen niou i ma'éman wo kura kamu i mahsawang sé tou walina pahpaan rumaraaté ni séra wo kasii pahpaan ung kaezenan niou i mahéré' wo ma'éman uman wia si Yesus Kristus Mahpiarata, zozo' in zézéha.

2 Tesalonika 1:11

Pahpaano niitu, ni kamu én zéi'kan mazéi' in ipahpengaléi nai, wo si Opo Empung gumenang ni kamu wangun menou-nou in tou sé tinawahmo ing kumiit ni Sia. Ni kai kasii mengaléi wia si Opo Empung karia ung kawasa-Na in tumulung ni kamu sumampet péléng am wangun ang ginenang niou im wangunen wo i sumampet péléng am paayangen niou pahpaan ma'éman wia ni Sia.

2 Tesalonika 3:4

Totoz pa'émanen nai wia si Mahpiara un tumoro ni kamu, i ni kamu é mahwangun a méipahtuzu' nai wo zéi'kan mazéi' i mahwangun a méituzu' nai itii.

Filemon 1:21

Ni aku nimantik um pinantik kenu pahpaan totoz kata'uangku i ni ko é mangun um pahaléiengku. Totoz ing kata'uangku um wangunennu é lumouspé'mé niitu.

Ibrani 10:35

Niitumo, tia'mo ipahtutula'u um pa'émanen niou pahpaan um wawaérna én totoz wangko'.

Ibrani 12:2

Mahweren umana wia si Yesus si mahtu'tul um pa'émanenta wo nimangun um pa'émanenta nimalekep. Ni Sia ezen i nimazézéha witu u salip wo zéi'kan pandungen-Na zozo' niitu makaizangen, ni Sia mahgenang umana u mahpaa-paaz u mapendanen-Na in tumondong. In tarékan ni Sia é rimumezo witu ung kakan u rurumezan ni Opo Empung ing Kolano.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

2 Petrus 3:10

Taan un endo si Mahpiara i mawurimé sumaup én tanu si maremu' i mérumemu'. Im witu un endo itii, u langit é mazéi' karia un zanina un erut totoz makaindé'en. Péléng am witi langit é nimala'ung makaz i maapu wo ung kaayahan wo péléng am witu é maapu.