Filipi 1:26 - Taaz Weru Witu u Nunuwu'en Tombulu

²⁶ Wo sa ni aku mawurimé sumaup wia ni kamu, kalousna ni kamu i mahlooz si Kristus Yesus pahpaan ni kamu nimileko um winangun-Na wia ni aku.

Filipi 1:26 Iomraidhean Croise

Yohanes 16:22

Téntu kangkasii ni kamu, in tarékan un até niou é rumara, taan ni Aku é mahilekan sumaup karia niou, niitumo un até niou é mahpaa-paaz, wo zéi'kan siapa si tou toro méndo u mahpaa-paaz itii im witu un até niou.

Yohanes 16:24

Makazla in tarékan zéi'kampé' siapa um pinahaléi niou witu u ngaran-Ku. Mahaléiola ni kamu é makailek, wo ni kamu mawuta-wuta u mahpaa-paaz.

2 Korintus 1:14

Zozo' in taré am walina an toro katulapan niou tumoro ni kai, mengalé-ngaléi uman witu un endo si Yesus Mahpiara méyé in tumondong, ni kamu é malumooz ni kai wo ni kai kangkasii é malumooz ni kamu.

2 Korintus 5:12

Tia' kamu mahgenangla ni kai makasapé' ing kumua niitu i mahlooz un tou nai. Taan ni kai é mahkua uman u lé'os um winangun nai wo ni kai toro pahloozen niou. Karia in téntu, ni kamu ém wéwéhan un iwingkot wia sé tou sé mahloo-looz am winangun néra an toro pahileken né tou, zéi'kan am witu ung genang lé'os néra.

2 Korintus 7:14

I si Titus zéi'kampé' nimangé wia ni kamu, ni kamu é méipahloo-loozku wia ni sia, wo ni kamu én zéi'kan mapaiza-izang ni aku. Péléng a méikua nai wia ni kamu én ulit. Téntu kangkasii péléng a méipahloo-looz nai tumoro ni kamu wia si Titus én ulit.

2 Korintus 7:4

Ni aku én totoz ma'éman wia ni kamu, lumouspé'tarémé niitu ni kamu én ipahloo-loozku. Im wana péléng an zézéha nai, ni kamu é mahenté' un atéku wo totoz mahwéhé a makapaazen.

2 Korintus 7:6

Taan si Opo Empung si mahenté' an até né tou sé kimana'mola i mengalé-ngaléi é nimenté' un até nai i si Titus niméyé.

Galatia 6:4

Wa'wa'ela um pahwangunen ni esa wo ni esa; sa um pahwangunenna wangun, ni sia én toro mahpaa-paaz. Taan um pahwangunennu én tia' pahloo-loozmu lumousé am pahwangunen né tou walina.

Filipi 3:1

Ung kamurian, katuari-katuari, mahpaa-paazola pahpaan nimaesamo karia ni Mahpiara. Ni aku én zéi'kan mahgenang wutez i mantika sumaup a mémoipantika im puuna. Niitumo, niana péléng én isaupkupé'ma im wia'i, pahpaan niitu é lé'os i mangun um pa'émanen niou zéi'kan ikalulu.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Filipi 4:10

Si Mahpiara si nimangun ni aku totoz mahpaa-paaz pahpaan ni kamu é mahgenang ni aku. Kata'uangku ni kamu sekezé é mahgenangé ni aku taan pahpaan ni kamu én zou'ma im wia ni aku, niitumo ni kamu én zéi'kan mata'u mésumawang ni aku.

Filipi 4:4

Mengalé-ngaléi uman ni kamu péléng sekezé é mahpaa-paaz pahpaan nimaesa karia ni Yesus Mahpiara! Isaupkupé'ma: Mahpaa-paazola!