Filipi 1:23 - Taaz Weru Witu u Nunuwu'en Tombulu

²³ Ni aku ém wutez i méléng, taan tawimo ni aku matéma wo mamento' mahwali-wali karia ni Kristus.

Filipi 1:23 Iomraidhean Croise

Lukas 12:50

Wéwéhampé' an zézéha totoz wutez a mapengaling-Ku. Un até-Ku én totoz zézéha sa niitu zéi'kampé' nimamualima.

Lukas 23:43

A si Yesus mingkotla wia ni sia, “Uli-ulit ikua-Kuma wia ni ko, in endo kenu ni ko é mahwali-wali karia-Ku witi Firdaus.”

Lukas 8:38

Si tou mémoipiloté im wia sé roh léwo' itii mahaléi wia si Yesus ing kumiit ni Sia. Taan si méipekiwuri umana ni Yesus, kuan-Na,

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Yohanes 13:1

In endo mahsiwo-siwo i lumé'os un endo Paskah né tou Yahudi, si Yesus é mata'umo in oras-Namo tumula'u ung kaayahan kenu wo mangé wia si Ama'-Na. Ni Sia é rumaraaté sé tou sé nimaéndo anu-Na sé wia ung kaayahan kenu wo ni Sia é rumaraaté ni séra makaz ni Sia ing kalekepan.

Yohanes 14:3

Sa ni Aku nimangémomé witu wo nimimekomé un tampa niou, ni Aku é méyé sumaup wo mahwali ni kamu mangé witi pahwéha-wéhang-Ku, wo wisa uman un angéang-Ku, ni kamu kasii ém witu.

Yohanes 17:24

O Ama', kapaaz-Ku wisa uman un angéang-Ku, ni séra é memali-mali karia-Ku. Ni séra sé mémoiwéhémé ni Ama' wia ni Aku wo ni séra mahileka ung kawangko'an-Ku u mémoiwéhé ni Ama' wia ni Aku, pahpaan si Ama' é rimaraatémola ni Aku puunala ung kaayahan im winangun.

Kisah Rasul-rasul 7:59

Karegas si Stefanus im pahweriten néra, ni sia mengaléi, “O Yesus, Mahpiaraku, sungkulené si rohku.”

2 Korintus 5:8

Taan un até nai én enté', wo ung kapaaz nai én tumula'uma un awak wia ung kaayahan kenu wo lamahwali-wali karia ni Mahpiara witi kasendukan.

2 Korintus 6:12

Ni kamu én totoz karaaté nai, taan ni kai én zéi'kan tahlous karaaté niou.

Filipi 1:24

Taan pahgenangengkula, sa ni aku urépé' i menou-nou wia ung kaayahan kenu, niitupé' um wéwéhan torona i sumawang tumuzu' ni kamu.

1 Tesalonika 2:1

Katuari-katuari! Kata'uan niouo, i ni kai niméyéma wia ni kamu ém wéwéhan torona.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

1 Tesalonika 4:17

Kumawusa niitu, ni kita sé menou-noupé' in toro niitu ém wénéten karia néra witu u ninahak i sumungkul si Yesus Mahpiara witi langit. Téntumo kita péléng é mamemali-mali karia-Na makaz ing kauré-uré.

2 Timutius 4:6

Tumoro ni aku, un endo ni aku i maté én zéi'mo uré. Un zaha'ku én tanu un anggor un ipahsaroi i maéndo raragés wia si Opo Empung.

Wahyu 14:13

An talingangkumé u nuwu' witi kasendukan ung kimuamé wia ni aku, “Ipantikla ang kenu: Rengan in tarékan, mahpaa-paazola sé tou nimaté pahpaan nimaesa karia ni Mahpiara!” A si Roh ni Opo Empung kumuamé, “Éné, ulito itu, wo séra toro kumana'la im wana am paayangen néra, pahpaan péléng am pinaayang néramé é mengari-ngaria ni séra.”