Filipi 1:17 - Taaz Weru Witu u Nunuwu'en Tombulu

¹⁷ Taan sé mahtéutéu wo mahéndo-éndoan kariaku é mahwoka' tumoro si Kristus pahpaan i ma'éndo uman ung kauntungan néra in esa wo ung kalakoan an tutuzu' néra én zéi'kan wangun. Pahgenangen nérala, karia séra i mahwoka'ma tumoro si Kristus pahpaan uman i menéro ung kauntungan néra in esa, nimangun ni aku kalousna in zézéha wia um bui wo un atéku kalousna i masusa.

Filipi 1:17 Iomraidhean Croise

Lukas 21:14

Niitumo, enté'enola un até niou wo tia'mo megena-genang un iwingkot niou ing kumua i ni kamu én ulit.

Kisah Rasul-rasul 22:1

“Sé ama' wo katuari-katuari, talingana, wéwéhan un ipahkukuaku wia ni kamu in tarékan i mahkekelung un touku.”

Kisah Rasul-rasul 26:1

Ang kuan ni kolano Agripa wia si Paulus, “In tarékan, ni ko én toromo ing kumelung un toumu.” A si Paulus mayata u lengenna ang kumua ang kekelungna,

Kisah Rasul-rasul 26:24

Karegas si Paulus mahnuwu' i mahkelung un touna, a si Festus kuméréta, “Paulus, ni ko ém pahléla'eno! Ni ko ém pahléla'eno pahpaan ung kata'uannu én tahlouso lakez.”

Roma 2:8

Taan sé tou mahgenang uman un touna in esa wo zéi'kan mahkiit ung kaulitan taan mahkiit uman a léwo'an, ni séra én totoz ikaupi' ni Opo Empung.

Filipi 1:18

Taan iwayamola téntu, pahpaan zozo' ung kalakoana im wangun kaapa zéi'kan, si Kristus é méiwoka'moma. Tumoro niitu, ni aku é mahpaa-paaz wo zéi'kan kumana' i mahpaa-paaz.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 2:9

Pahpaan i mahwoka' u Nuwu' Lé'os kenumo, ni aku nimazézéha an apusen tanu sé tou léwo'. Taan u Nuwu' ni Opo Empung itii én zéi'kan mata'u apusen.

2 Timutius 4:16

Ing kataré ni aku i mahkelung un touku im witi pahtotozan, zéi'kan siapa zozo' in esa si kimaria ni aku, péléng ni séra én timula'uma ni aku. Mengalé-ngaléi uman si Opo Empung én zéi'kan mapahsasala' ni séra pahpaan um winangun néra itii.