Filipi 1:14 - Taaz Weru Witu u Nunuwu'en Tombulu

¹⁴ Wo pahpaan ni aku im binui, nimangun lakez sé katuari esa pa'émanen éng kaenté'namo um pa'émanen néra wo kawuayana wo zéi'mo maindé' i mahwoka' u Nuwu' ni Opo Empung.

Filipi 1:14 Iomraidhean Croise

Markus 3:3

A si Yesus kumuama wia si tou u lengenna kasaru é lailai itii, “Méyémo, rumendaié witu un unez.”

Lukas 1:74

wo ni kita ikapiloté im wia sé kakoro'ta. Karia in téntu, ni kita én zéi'kan maindé' i mahragés wia ni Sia,

2 Korintus 3:12

Pahpaan ni kai niméré' witu um pinataazan weru um wia si Opo Empung, niitumo ni kai én zéi'kan maindé' i mahwoka' u Nuwu' Lé'os tumoro si Yesus wia sé tou.

2 Korintus 7:4

Ni aku én totoz ma'éman wia ni kamu, lumouspé'tarémé niitu ni kamu én ipahloo-loozku. Im wana péléng an zézéha nai, ni kamu é mahenté' un atéku wo totoz mahwéhé a makapaazen.

Efesus 3:13

Niitumo, pahaléiengku wia ni kamu in tia' ni kamu zéi'mo siapa pahéré'an in timalingama ni aku nimazéha pahpaan mahwoka' u Nuwu' Lé'os tumoro si Yesus wia ni kamu. Pahpaan an zézéha pinendankumé itii é mangun ni kamu toro mahloo-looz karia ni Yesus Kristus.

Filipi 1:20

Un totoz pelelo-lelongku wo um pahéré'engkula i ni aku én zéi'kan ipapaiza-izang im wana péléng am pahwangunengku i menou-nou. Ni aku én totoz ma'éman wo wuaya i mahnuwu' tanu im puuna, téntu kangkasii in tarékan, im wana péléng am pahwangunengku, zozo' ni aku i menou-noupé' kaapa i nimatémo, si Yesus Kristus ém pahloozen wo pahsigi'en.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

Filipi 4:1

Pahpaano niitu, katuari-katuari sé ikararaatéku wo pelelo-leloku, sé mahwangun ni aku i mahpaa-paaz wo sé pahloo-loozengku pahpaan ma'émano wia si Kristus, menté-enté' i ma'éman wia si Mahpiara.

Kolose 4:4

Karia in téntu, ni aku toro mapata'u péléng niitu, tanu u léwo'zéi' in ipapata'uku.

Kolose 4:7

Péléng a nimamuali wia ni aku é mamokan ikuala ni Tikhikus wia ni kamu, ni sia éng katuari esa pa'émanen si ikararaatéta, wo kasii ata mahtali-talinga uman wo kapaayang i mahpaayang wia si Mahpiara.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.

2 Timutius 2:9

Pahpaan i mahwoka' u Nuwu' Lé'os kenumo, ni aku nimazézéha an apusen tanu sé tou léwo'. Taan u Nuwu' ni Opo Empung itii én zéi'kan mata'u apusen.