Filipi 1:12 - Taaz Weru Witu u Nunuwu'en Tombulu

¹² Katuari-katuari, kapaazku ing kata'uan nioula u nimamuali wia ni aku é nimangun sé tou lakez timalingama u Nuwu' Lé'os tumoro si Yesus wo nimangun ni séra ma'éman niitu.

Filipi 1:12 Iomraidhean Croise

Lukas 21:13

In toro niitumo un oras niou ing kumua an niilek niou tumoro ni Aku.

Kisah Rasul-rasul 8:4

Sé jamaat méikaserama pahpaan im pahzézéhan itii é mahliklik péléng un tana' itii karia i mahwoka' u Nuwu' Lé'os tumoro si Yesus.

Roma 8:28

Kata'uanta i si Opo Empung é mimek péléng am péléng wo péléng niitu é mahalimé ung kalé'osan wia sé rumaraaté ni Sia, sé tinawah mengiit ung ginenang-Na.

Roma 8:37

Taan wana péléng am péléng, ni kita é lumouspé'mé sé tou nimuntung, pahpaan si Kristus é rumaraaté ni kita.

Filipi 1:5

Ni aku éng kumua u makasé wia si Opo Empung pahpaan ni kamu simawango ni aku i mahwoka' u Nuwu' Lé'os tumoro si Yesus, rengané in endo ni kamu in taré ma'émanla si Mahpiara makaz in tarékan.

Filipi 1:7

Ni aku é mapaayo u makasé wia si Opo Empung pahpaan ni kamu ém witu un atéku. Ni aku é nimakailek ung kamang méitambér ni Opo Empung zozo' in tarékan ni aku ém binuipé'. Ni aku kangkasii é nimakailek ung kamang méitambér ni Opo Empung i mahtuzu' sa u Nuwu' Lé'os tumoro si Yesus én ulit, wia sé tou sé mahkua niitu in zéi'kan ulit, wo kasii i mangun ni séra in uli-ulit ma'éman. Ni kamu kangkasii é nimakailek ung kamang méitambér ni Opo Empung tanu ung kinailekangkumé.

Filipi 2:22

Taan ni kamu nimileko un ulitna si Timotius. Pahpaan ni sia é nimapaileko i ni sia én toro pa'émanen wo uli-ulit mahpaayang i mahsawang ni aku i mahwoka' u Nuwu' Lé'os tumoro si Yesus, tanumokan si koki' mahsawang si ama'na.

Filipi 4:15

É kamu tou Filipi, kata'uan niouo, i ni aku timula'umé u Makedonia wo taré mahwoka' u Nuwu' Lé'os tumoro si Yesus, ni kamu uman sé jamaat nimahtulungé ni aku wana péléng am pemandungengku, karia i mahwéhémé zoit wia ni aku. Zéi'kan siapa jamaat walina sé nimahwanguné an téntu wia ni aku.

Filipi 4:3

Pahaléiengku kasii wia si Sunsugos, si kakariaku totoz mahtali-talinga: Pahsawangampé'la si Euodia wo si Sintikhe, wo sé wéwéné zua itii malé'osala. Pahpaan ni séra é simawango ni aku karia ni Klemens wo sé kapaayangku walina i mahwoka' u Nuwu' Lé'os. Pahpaan ni séra péléng é ma'émano wia si Yesus wo nimakaileko ung katou-touan makaz ing kauré-uré, niitumo a ngaran néra é méikapantiko witu ung kitap katou-touan.

1 Timutius 2:8

Niitumo kapaazku sé tuama wisa uman ni séra i mengaléi, u lengen é méiayat karia un até weresi, zéi'kan maupi' wo zéi'kan siapa pahéndo-éndoan.

2 Timutius 2:9

Pahpaan i mahwoka' u Nuwu' Lé'os kenumo, ni aku nimazézéha an apusen tanu sé tou léwo'. Taan u Nuwu' ni Opo Empung itii én zéi'kan mata'u apusen.

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.