Filipi 1:10 - Taaz Weru Witu u Nunuwu'en Tombulu

¹⁰ Karia in téntu ni kamu én toro méléng wisa am wangun, wo ung katou-touan niou ém weresi wo zéi'kan siapa sinala' im witu un endo si Kristus i mawurimé sumaup.

Filipi 1:10 Iomraidhean Croise

Matius 16:23

A si Yesus merena wia si Petrus, ang kuan-Na, “Mingkasa ko tonaas né sétang! Ni ko ém watu pahkasangkilan im wia ni Aku pahpaan ni ko én zéi'kan mahgenang ung ginenang ni Opo Empung, taan mahgenang uman ung ginenang ni tou.”

Matius 26:33

A mingkotla si Petrus wia si Yesus, “Zozo' ni séra péléng tumingkasa tumula'uma ni Ko, taan ni aku én zéi'kan mahwangu-wangunla un téntu.”

Yohanes 1:47

Ilekena ni Yesus si Natanael mahéyé ang kumua tumoro ni sia, “Ilekena, kela siamo si uli-ulit tou Israel. Wia ni sia én zéi'kan siapa towo.”

Yohanes 3:20

Péléng sé tou mahwangun a léwo'an é mazi'zis u sena' itii. Ni séra é soo méyé witu u sena' itii, pahpaan u sena' itii é mangun a léwo'an pahwangunen néra kaile-ilekan.

Kisah Rasul-rasul 24:16

Pahpaano niitu ni aku sekezé é mahtututu' i menou-nou karia un até weresi, witu u sinaru ni Opo Empung wo witu u sinaru né tou.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 12:9

Sa rumaraaté sé tou walina, tia' mahtowo-towo uman. Ikazi'zisla a léwo'an wo tia' mazéi' mahwangun a lé'os.

Roma 16:17

Katuari-katuariku, ni aku é sumésama wia ni kamu. Tuméga-tégam im wia sé paaz mangun ni kamu i mahéndo-éndoan wo sé mahléléwo' um pa'émanen niou wo mahtuzu' ni kamu in tia' mahkiit an tutuzu ulit am pinahtata'u niouo. Tia'mo mahkari-karia ni séra!

Roma 2:18

wo mata'u ang kapaaz ni Opo Empung wo tinuzu'mo mengiit un ukum Torat, toro méléng wisa um wangun wo wisa un zéi'kan wangun,

Roma 7:16

Sa ni aku mahwangun an zéi'kan kapaazku, énéangku sa am witu ung kitap Torat itii ém wangun.

Roma 7:22

Pahpaan um witu un atéku ém paaz an tinotoz ni Opo Empung.

Roma 8:7

Si tou mahgenang um paaz un awakna in esa é makahkoro wo si Opo Empung. Pahpaan si tou itii én zéi'kan mahtali-talinga an tinotoz-Na wo ni sia én zéi'kan mamuali i mahtali-talinga an tinotoz-Na.

1 Korintus 1:8

Si Yesus Kristus Mahpiarata kangkasii é sumawang ni kamu wo um pa'émanen niou éng kaenté'na makaz witu un endo kaakazan ung kaayahan, wo im witu un endo itii i ni Sia méyé sumaup, ni kamu én zéi'kan siapa a sinala'.

1 Korintus 10:32

Tia' ung katou-touan niou é nimaéndo watu pahkasangkilan né tou Yahudi kaapa né tou Yunani kaapa né jamaat ni Opo Empung.

1 Korintus 8:13

Niitumo, sa ung kakanen u maéndo raraung wia sé katuariku esa pa'émanen, ni aku é soomo kuman u lé'ona itii makaz ing kauré-uré, wo ni aku én zéi'kan maéndo raraung wia sé katuari esa pa'émanen.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

2 Korintus 2:17

Ni kai én zéi'kan mahwangun tanu sé tou lakez walina, pahpaan ni séra i mahwoka' u Nuwu' ni Opo Empung én tanu mahwangkér i menéro uman ang kawa'ilanan néra. Taan ni kai i mahkiit si Kristus én uli-ulit mahwoka' uman u Nuwu' ni Opo Empung wia sé tou, witu u sinaru-Na wo mahkiit uman a méiperénta-Na.

2 Korintus 6:3

Ni kai mahtututu' i mahpaayang uman am wangun, wo am pahpaayangen nai zéi'kan maéndo tanu watu pahkasangkilan né tou, wo zéi'kan siapa si mapahsasala' am pinaayang nai.

2 Korintus 8:8

Ni aku i mahkuama niitu én zéi'kan mahperénta ni kamu, taan mahwa'wa' uman u raraatéan niou wia sé tou. Niitumo ni aku kimua wia ni kamu, kura sé tou walina i mahtututu' mahsawang sé tou.

Galatia 5:11

Wo ni aku, katuari-katuari, sa ni aku mahtuzu' wia sé tou tumoro u sunaten, kaa ni aku pahzézéhampé' né tou Yahudi? Pahpaan sa ni aku mahtuzu' wia sé tou tumoro u sunaten, si Yesus Kristus i nimaté sinalip én zéi'mo maéndo watu pahkasangkilan wia ni séra.

Efesus 4:15

Taan, karia i nimenté' in timion an tutuzu' ulit pahpaan i mahraa-raatéan, ni kita im wana am péléng kauréna éng kalekepna tanu si Kristus, ni Siamo si nimaéndo tanu un Ulu wia ni kita.

Efesus 5:10

Mahtututu'la i mahtata'u um paaz ni Opo Empung.

Efesus 5:27

Karia in téntu ni Sia nimangun sé jamaat-Na toro rumendai karia in totoz wangun witu u sinaru-Na, in anu-Na sé linenas ni Opo Empung wo zéi'kan siapa sinala' zozo' in esa.

Efesus 6:24

Ung kamang tatambér ni Opo Empung é menaté-natér ni kamu péléng sé zéi'kan mazéi' i rumaraaté si Yesus Kristus Mahpiarata.

Filipi 1:16

Ni séra é mahwoka' tumoro si Kristus pahpaan u raraatéan néra. Pahpaan kata'uan néra i ni aku ém binui pahpaan i mahtuzu' u Nuwu' Lé'os tumoro si Kristus wia sé mahkua u Nuwu' Lé'os tumoro si Kristus itii in zéi'kan ulit, wo séra uli-ulit ma'éman.

Filipi 1:6

Totoz kata'uangku, si Opo Empung si timo'tol um paayangen wangun kenu witu un até niou é masumampet um paayangen itii makaz witu un endo si Kristus Yesus i mawurimé sumaup.

Filipi 2:16

Ni kamu én tumio-tion witu u Nuwu' ni Opo Empung u mahwéhémé ung katou-touan. Karia in téntu, im witu un endo si Yesus Kristus i mawurimé sumaup, ni aku én toro mahpaa-paaz. Ni aku én toro mahpaa-paaz pahpaan um pinaayangku wo um pahtututu'engku ém wéwéhan torona.

1 Tesalonika 3:13

Mengalé-ngaléi uman, si Opo Empung Ama'ta é menté' un até niou, wo ni kamu zéi'kan siapa pahséro'an wo lenas im witu u sinaru-Na, i si Yesus si Mahpiarata mémahwali-wali karia péléng sé tou linenas-Na.

1 Tesalonika 5:21

Péléng am péleng én totoz im pahtata'ula, wo pahkiitela am wangun.

1 Tesalonika 5:23

Mengalé-ngaléi uman si Opo Empung méhémé ung kaluasan witu un até wo mangun péléng un tou niou malenas. Mengalé-ngaléi uman kasii si Opo Empung é mahtéiz si roh, ung genang wo un awak niou, wo kamu lekep wo zéi'kan siapa u sinala' i si Yesus Kristus, Mahpiarata méyé sumaup.

1 Yohanes 4:1

Katuari-katuari ikararaatéku, péléng sé roh én tia' pa'émanen niou, taan pahtata'ula lumé'o-lé'os sé roh itii, sa sé roh itii ém wia si Opo Empung a méyé kaapa zéi'kan. Pahpaan lakez sé nabi towo sé nimapaileko un tou néra wo mahliklik ung kaayahan.

Wahyu 2:2

Kata'uang-Ku péléng am pinaayang niou. Ni kamu é mahtututu' i mahwangun ang kapaaz-Ku wo kasii zéi'kan mazéi' i ma'éman zozo' in zézéha. Kata'uang-Ku kasii i ni kamu én zéi'kan makaezen wia sé tou léwo'. Sé tou mengua-ngua in aatu-Ku taan ndéén zéi'kan ém pinahtata'u niouola, wo kinata'uan niouola i ni séra én tantowo.