Filipi 1:1 - Taaz Weru Witu u Nunuwu'en Tombulu

¹ Um pinantik kenu ém wia ni aku Paulus wo si Timotius a mangé. Ni kai én ata ni Kristus Yesus. Um pinantik kenu én iwéhé wia sé tou linenas ni Opo Empung pahpaan nimaesa karia ni Kristus Yesus sé witi Filipi wo wia sé tonaas né jamaat wo wia sé diaken.

Filipi 1:1 Iomraidhean Croise

Markus 13:34

Niitu é masuat wo si tou timula'u um waléna pahpaan i suméngkot witi zou'. Puunala sia i mangé, um paayangenna é méizéhonama wia sé atana i mahimek um waléna wo timuzu'la um paayangen wia si esa wo si esa. Ni sia kangkasii é nimeréntama sé mahtéiz um pepenet in tuméga-tégamla.

Yohanes 12:26

Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.

Kisah Rasul-rasul 1:20

A si Petrus kumua kasiima, “Witu ung kitap Mazmur é méipantik in téntii, ‘Iwayamola um pahwéha-wéhanna im pene-penesa, wo zéi'kan siapa tou si mahento' witu.’ Wo kasii wéwéhan u méipantik in téntii, ‘Iwayamola um paayangenna in éndona né tou walina.’

Kisah Rasul-rasul 20:28

Niitumo, mile-ilek wo pahilekela péléng sé jamaat. Pahpaan ni kamumo sé tinotoz ni Roh Lenas in tumatér sé jamaat ni Opo Empung i miara ni séra. Ni séra nimaéndo jamaat-Na pahpaan ni séra ém winaér-Namo karia un zaha' ni Oki'-Na.

Kisah Rasul-rasul 9:13

A mingkotla si Ananias, “Azo Mahpiara. Tinalingakumola wia sé tou lakez an tumoro si tou itii. Totozo lakez sé tou-Mu witi Yerusalem sé zinézéhana.

Roma 1:1

Um pinantik kenu ém wia ni aku Paulus, ata ni Kristus Yesus, si tinawah ni Opo Empung i maéndo aatu ni Yesus Kristus wo tinotoz i mahwoka' u Nuwu' Lé'os ni Opo Empung.

Roma 1:7

Wia ni kamu péléng sé mahento' witi Roma, ni kamu sé ikararaaté ni Opo Empung, tinawah i nimaéndo tou lenas. Mengalé-ngaléi uman ung kamang tatambér-Na wo ung kaluasan witu un até, um wia si Opo Empung, si Ama'ta, wo wia si Yesus Kristus Mahpiara é menaté-natér ni kamu.

1 Korintus 16:10

Sa mawanala si Timotius, sungkulela sia lumé'o-lé'os wo sia zéi'kan maindé' ing kimaria ni kamu, pahpaan ni sia kangkasii én tanu ni aku, mahpaayang a méiatu ni Mahpiara.

2 Korintus 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Witu um paaz ni Opo Empung ni aku én tinawah i nimaéndo aatu ni Kristus Yesus. Um pinantik kenu én iwéhé wia sé jamaat ni Opo Empung witi Korintus wo péléng sé tou linenas ni Opo Empung witi Akhaya.

Galatia 1:10

Niitumo in tarékan, apa sé tou wé sé wangunengku i mahpaa-paaz kaapa si Opo Empung? Kaapa, apa um pahpenérongku é mangun sé tou mahpaa-paaz? Sa ni aku mahtututu'pé' i mangun uman sé tou mahpaa-paaz, ni aku én zéi'mo ata ni Kristus.

Galatia 3:26

Pahpaan ni kamu péléng én oki'mo ni Opo Empung mengiité um pa'émanen niou wia si Yesus Kristus.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Efesus 1:1

Um pinantik kenu ém wia ni aku Paulus a mangé, si witu um paaz ni Opo Empung tinawah i maéndo aatu ni Kristus Yesus. Um pinantik kenu én iwéhé wia sé tou linenas ni Opo Empung witi Efesus sé ma'émano wo mahtali-talinga wia si Kristus Yesus.

Efesus 1:15

Niitumo, in tinalingakumola ni kamu ma'éman wia si Yesus Mahpiara wo u raraatéan niou wia péléng sé tou linenas ni Opo Empung,

Efesus 6:24

Ung kamang tatambér ni Opo Empung é menaté-natér ni kamu péléng sé zéi'kan mazéi' i rumaraaté si Yesus Kristus Mahpiarata.

Filipi 2:19

Mengalé-ngaléi uman si Yesus Mahpiara é méhémé lalan, wo ni aku rengan i matuma si Timotius i mangé wia ni kamu. Karia in téntu un atéku én toro maluasa in tumalingamé u sirita tumoro ni kamu.

Filipi 2:5

Mahtututu'la wo ung genang niou én tanu ung genang ni Kristus Yesus.

Filipi 3:12

Ni aku én zéi'kan kumuama i ni aku é nimakaileko péléng an taré ikuakuma wia ni kamu. Ni aku kasii én zéi'kan kumuama i ni aku én zéi'mo siapa um pahséro'an. Taan ni aku é mahtututu' i mahtata'u si Kristus, ung kawasa-Na wo mahkiit ni Sia karia an zézéha makaz ni Sia i nimaté. Ni aku kasii ém paaz i makailek péléng ang kapaaz ni Kristus Yesus pahpaan ni Sia é niméléngo ni aku i maéndo anu-Na.

Filipi 3:3

Ni kitamo sé tou sinunat sé mahongkot wo mahsigi' si Opo Empung mengiité si Roh-Na. Ni kita é mahpaa-paaz pahpaan totoz pa'émanenta um winanguna ni Kristus Yesus wia ni kita, i ni Sia nimaté i mangun ni kita maéndo ulit witu u sinaru ni Opo Empung, zéi'kan niméré' uman wana am winangun né tou witu un awak néra im pahsunaten.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

1 Tesalonika 1:1

Um pinantik kenu ém wia ni aku Paulus wo wia sé kakariaku si Silas wo si Timotius a mangé. Um pinantik kenu én iwéhé wia ni kamu sé jamaat witi Tesalonika. Ni kamu é ma'éman wia si Opo Empung Ama'ta wo wia si Yesus Kristus Mahpiara. Mengalé-ngaléi uman ung kamang tatambér wo ung kaluasan witu un até, um wia si Opo Empung é menaté-natér ni kamu.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.

2 Tesalonika 1:1

Um pinantik kenu ém wia ni aku Paulus wo wia sé kakariaku si Silas wo si Timotius a mangé. Um pinantik kenu én iwéhé wia ni kamu sé jamaat witi Tesalonika. Ni kamu é ma'éman wia si Opo Empung Ama'ta wo wia si Yesus Kristus Mahpiara.

2 Tesalonika 1:10

Péléng niitu é mamuali witu un endo i ni Sia méyé sumaup. Ni Sia é loozen wo sigi'en né tou lenas wo sigi'en péléng né tou ma'éman. Ni kamu kangkasii é méikauntep wia sé tou lenas itii, pahpaan ni kamu é nima'émanola an tutuzu' méipahtuzu' nai wia ni kamu.

1 Timutius 1:2

Um pinantik kenu én iwéhé wia si Timotius, si tanumokan in oki'ku pahpaan ni kai esa pa'émanen. Mengalé-ngaléi uman ung kamang tatambér, u raraatéan wo ung kaluasan witu un até, um wia si Opo Empung Ama'ta wo si Kristus Yesus Mahpiarata é menaté-natér ni ko.

1 Timutius 3:8

Téntu kangkasii sé diaken, ni séra é léwo'zéi' in tou lé'os sé pahsigi-sigi'en né tou, zéi'kan koliwiles, zéi'kan matetewelen, zéi'kan megena-genang uman an zoit,

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Titus 1:7

Si tonaas né jamaat é mahimek um walé ni Opo Empung, niitumo ni sia é léwo'zéi' in zéi'kan siapa pahséro'an, zéi'kan wera', zéi'kan raranguan, zéi'kan matetewelen, zéi'kan tangkoro'en wo zéi'kan uman megena-genang an zoit,

Filemon 1:1

Um pinantik kenu ém wia ni aku Paulus wo si Timotius si katuarita esa pa'émanen a mangé. Ni aku ém binui pahpaan si Kristus Yesus. Um pinantik kenu én iwéhé wia si Filemon si ikararaaté nai, kapaayang nai

Ibrani 13:23

Kata'uan nioula, si Timotius, si katuarita esa pa'émanen é méiondoloma im witi bui. Sa sia reweké i méyé wia ni aku, taré kai mahwalima mangé wia ni kamu.

Yakobus 1:1

U sigi'ku Yakobus, si ata ni Opo Empung wo ni Yesus Kristus si Mahpiara. Um pinantik kenu iwéhé wia sé mapulu' wo zua suzu ni Israel sé ma'émano wia si Kristus sé wana a séséngkotan.

1 Petrus 2:25

Pahpaan im puuna ni kamu é masuat wo sé domba méikalulu, taan in tarékan ni kamu é nimawurimomé sumaup wia si Opo Empung, si memimiara sé domba wo mahpiara si roh niou.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

Yudas 1:1

Um pinantik kenu ém pinantikku, Yudas, ata ni Yesus Kristus wo katuari ni Yakobus, iwéhé wia sé tou tinawah wo ikararaaté ni Opo Empung Ama'ta wo sé pahtéizan-Na i maéndo anu ni Yesus Kristus.

Wahyu 1:1

A méipantik witu um pinantik kenu én tumoro a méipapailek ni Yesus Kristus, a méiwéhé ni Opo Empung wia ni Sia in ipapata'u wia sé ata-Na wo séra toro mata'u an totoz i mamuali. Si Yesus Kristus é nimapaileko niana péléng wia si Yohanes ata-Na, mengiité si malaekat méiatu-Na.

Wahyu 1:20

Ung kalakoan a méiwunipé' itii én téntii: Sé pitu tototi'en tinionan u lengen-Ku kakan é sé pitu malaekat wia sé pitu jamaat, wo um pitu pahto'tolan solo a mas am wangunen é sé pitu jamaat.”

Wahyu 19:10

A ni aku kumuruzla witu u sinaru un a'é ni malaekat itii i mongkot wo sumigi' ni sia, taan kuana wia ni aku, “Tia'mo mahasar téntu! Ni aku én ata, masuat wo ni ko karia né katuarimu esa pa'émanen sé mahkua a niilek wo an tinalinga néra tumoro si Yesus. Pahongkotala wo pahsigi'ela si Opo Empung! Pahpaan sé tou mahkua a niilek wo an tinalinga néra tumoro si Yesus ém wéwéhan roh i mahkua a méikuamé ni Opo Empung.”

Wahyu 2:12

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Pergamus in téntii: ‘Kenumo a Nuwu' am wia ni Sia a méyé, si makaanu um pisou tewel zua masaru.

Wahyu 2:8

Ang kuan kasii ni Oki' ni Tou, “Ipantikmula wo iwéhéma wia si malaekat si wia sé jamaat witi Smirna in téntii: ‘Kenumo a Nuwu' am wia Si Kataré-taré wo Si Kamurian a méyé, si nimatémoma taan méitoumé sumaup.

Wahyu 22:9

Taan kuana wia ni aku, “Tia'mo mahasar téntu! Ni aku én ata, kasuatmu wo sé katuarimu esa pa'émanen, sé nabi wo péléng sé tou mahkiit péléng a méipantik witu ung kitap kenu. Pahongkotala wo pahsigi'ela si Opo Empung!”