Filemon 1:7 - Taaz Weru Witu u Nunuwu'en Tombulu

⁷ Filemon katuariku, u raraatéannu é nimangun ni aku mahpaa-paaz wo nimenté' un atéku pahpaan un até né tou ni Opo Empung ém winangunmumola mahpaa-paaz.

Filemon 1:7 Iomraidhean Croise

1 Korintus 16:18

Ni séra é nimenté' un atéku wo an até niou. Niitumo, totoz pahsigi'en nioula sé tou tanu ni séra.

2 Korintus 7:13

Pahpaan ni kamu ing kimiit a méipantikku itii, un até nai éng kaenté'na. Un até nai én zéi'kan uman kaenté'na, taan kangkasii kalousna i mahpaa-paaz i nimata'ula si Titus é mahpaa-paaz. U mahpaa-paazna ém pahpaan ni kamu é nimangun un aténa nimaenté'.

2 Korintus 7:4

Ni aku én totoz ma'éman wia ni kamu, lumouspé'tarémé niitu ni kamu én ipahloo-loozku. Im wana péléng an zézéha nai, ni kamu é mahenté' un atéku wo totoz mahwéhé a makapaazen.

1 Tesalonika 1:3

Sekez kai i mengaléi wia si Opo Empung wo si Ama'ta, ni kamu ém pegena-genangen nai pahpaan am pahpaayangen niou i ma'éman wo kura kamu i mahsawang sé tou walina pahpaan rumaraaté ni séra wo kasii pahpaan ung kaezenan niou i mahéré' wo ma'éman uman wia si Yesus Kristus Mahpiarata, zozo' in zézéha.

1 Tesalonika 2:13

Wéwéhan kasii u nimangun ni kai zéi'kan kumana' i mahkua u makasé wia si Opo Empung, pahpaan i ni kai mahwoka'mé u Nuwu' ni Opo Empung wia ni kamu, ni kamu é simungkul u Nuwu' itii zéi'kan tanu u nuwu' um wia si tou a méyé, taan u Nuwu' um wia si Opo Empung a méyé. U Nuwu' itii én uli-ulit wia si Opo Empung a méyé, ung karegas i mahpaayang wia ni kamu in tou ma'éman.

1 Tesalonika 2:19

Pahpaan sa zéi'kan ni kamu, séipé' taré sé pahéré'an nai wo mangun ni kai mahpaa-paaz wo ipahloo-looz nai witu u sinaru ni Yesus, si Mahpiarata, i ni Sia méyé sumaup?

1 Tesalonika 3:9

Apapé' un ikua naima wia si Opo Empung ing kumua u makasé wia ni Sia pahpaan péléng u mahpaa-paaz, um pahpendanen nai tumoro ni kamu witu u sinaru-Na?

2 Timutius 1:16

Mengalé-ngaléi uman si Mahpiara mapaileké u raraatéan-Na wia sé sana awu ni Onesiforus, pahpaan ni séra é makalakezo nimenté' un atéku. Ni sia kasii én zéi'kan maizang i mahileké ni aku im witi bui.

Filemon 1:20

O katuariku, mengalé-ngaléi uman ni ko ém wéwéhan torona im wia ni aku pahpaan nimaesa karia ni Mahpiara; wangunené un atéku mahpaa-paaz im wia si Kristus.

2 Yohanes 1:4

Ni aku én totoz mahpaa-paaz i nimilekla wéwéhan sé woopira im wia sé oki'mu menou-nou mahkiit an tutuzu' kaulitan tanu a méiperénta ni Ama'.