Filemon 1:24 - Taaz Weru Witu u Nunuwu'en Tombulu

²⁴ Si Markus, si Aristarkhus, si Demas wo si Lukas sé kakaria kapaayangku kasii é mapaayoma u sigi' néra wia ni ko.

Filemon 1:24 Iomraidhean Croise

Kisah Rasul-rasul 12:12

I nimakagena-genangola a sia mangé witi walé ni Maria ina' ni Yohanes. Si Yohanes ém pahkuan kangkasii i Markus. Im witu é lakez sé tou nimaréwok wo mahmengaléi.

Kisah Rasul-rasul 12:25

I si Barnabas wo si Saulus simampetomé um paayangen néra witi Yerusalem, a séra mawurimé witi Antiokhia. Ni séra i nimawurimé é nimahwalimé si Yohanes, si pahkuan kasii i Markus.

Kisah Rasul-rasul 13:13

A si Paulus wo sé kakariana tumula'umé um Pafos a suméngkota witi Perga um witi Pamfilia. Taan ni séra é méitula'umé ni Yohanes witu a sia mawurima witi Yerusalem.

Kisah Rasul-rasul 19:29

Péléng am witi wanua tua'na Efesus é nimarikoka'. Sé tou lakez é nimahwalima i matimion si Gayus wo si Aristarkhus an ipahwalima witi tampa peréréwokan né tou lakez. Ni séra zua én tou Makedonia wo kawali ni Paulus.

Kisah Rasul-rasul 27:2

Ni kai simakéma londéi tua'na witi Adramitium u mangé wana a susuwaan wana an tembir un tasik witi Asia. A ni kai rengan i suméngkota. Si Aristarkhus si tou Makedonia witi wanua tua'na Tesalonika a méyé éng kimiité ni kai.

2 Korintus 8:23

Tumoro si Titus, ni sia éng kakariaku wo kapaayangku i mahsawang ni kamu. Tumoro sé zua tou ma'éman sé mahwali wo si Titus, ni séra é méiatu né woopira jamaat i mangé witi Yudea. Pahpaan am pinaayang néra, si Kristus é loozen wo sigi'en.

Filipi 2:25

Si Epafroditus, si katuari esa pa'émanen, si méiatu nioué i mésumawang maayang kariaku im wana am pemandungengku, ni sia si pahgenangengkula wangun i mawurima sumaup wia ni kamu. Ni sia éng kapaayangku wo nimahtututu'momé i mahpaayang kariaku.

Filipi 4:3

Pahaléiengku kasii wia si Sunsugos, si kakariaku totoz mahtali-talinga: Pahsawangampé'la si Euodia wo si Sintikhe, wo sé wéwéné zua itii malé'osala. Pahpaan ni séra é simawango ni aku karia ni Klemens wo sé kapaayangku walina i mahwoka' u Nuwu' Lé'os. Pahpaan ni séra péléng é ma'émano wia si Yesus wo nimakaileko ung katou-touan makaz ing kauré-uré, niitumo a ngaran néra é méikapantiko witu ung kitap katou-touan.

Kolose 4:10

Si Aristarkhus, si binui kariaku é mapaayoma u sigi'na wia ni kamu. Téntu kangkasii si Markus, si oki' né mahtuari wo si Barnabas. (Tumoro ni sia ni kamu é nimakaileko um perénta; sa sia méyé wia ni kamu, sungkulela sia.)

Kolose 4:14

Si dokter Lukas si ikararaatéta, wo si Demas kasii é mapaayoma u sigi' wia ni kamu.

1 Petrus 5:13

Maan sé jamaat wia am Babel sé pinéléng ni Opo Empung é mapaayoma u sisigi'an wia ni kamu. Téntu kangkasii si Markus si nimaéndomola tanu an oki'ku é méhéma u sisigi'an wia ni kamu.

3 Yohanes 1:8

Ni kita é léwo'zéi' i mahsungkul sé tou téntu, wo kita toro maéndo kapaayang néra i mahwoka' ung kaulitan.