Filemon 1:20 - Taaz Weru Witu u Nunuwu'en Tombulu

²⁰ O katuariku, mengalé-ngaléi uman ni ko ém wéwéhan torona im wia ni aku pahpaan nimaesa karia ni Mahpiara; wangunené un atéku mahpaa-paaz im wia si Kristus.

Filemon 1:20 Iomraidhean Croise

1 Korintus 16:18

Ni séra é nimenté' un atéku wo an até niou. Niitumo, totoz pahsigi'en nioula sé tou tanu ni séra.

2 Korintus 2:2

Pahpaan sa wangunengkuma un até niou rumara, zéi'mo siapa tou si mamenté' un atéku pahpaan winangunkumoma un até niou i rumara.

2 Korintus 7:13

Pahpaan ni kamu ing kimiit a méipantikku itii, un até nai éng kaenté'na. Un até nai én zéi'kan uman kaenté'na, taan kangkasii kalousna i mahpaa-paaz i nimata'ula si Titus é mahpaa-paaz. U mahpaa-paazna ém pahpaan ni kamu é nimangun un aténa nimaenté'.

Filipi 1:8

Pahpaan si Opo Empung si totoz mata'u, i ni aku é lumelo ni kamu péléng. Ni aku é rumaraaté ni kamu péléng tanu u raraatéan ni Kristus Yesus wia ni kamu.

Filipi 4:1

Pahpaano niitu, katuari-katuari sé ikararaatéku wo pelelo-leloku, sé mahwangun ni aku i mahpaa-paaz wo sé pahloo-loozengku pahpaan ma'émano wia si Kristus, menté-enté' i ma'éman wia si Mahpiara.

Filemon 1:12

In tarékan méiatukuma si oki'ku si ikararaatéku itii i mawurima wia ni ko.

Filemon 1:7

Filemon katuariku, u raraatéannu é nimangun ni aku mahpaa-paaz wo nimenté' un atéku pahpaan un até né tou ni Opo Empung ém winangunmumola mahpaa-paaz.

Ibrani 13:17

Pahtali-talingala sé tonaas niou wo mahkii-kiitla ni séra, pahpaan si Opo Empung si niméhé um paayangen wia ni séra in tuméiz um pa'émanen niou in tou mahwangun a méiatu ni Opo Empung. Karia in téntu, ni séra i mahtéiz um pa'émanen niou éng karia i mahpaa-paaz, zéi'kan karia i mema'o-ma'os. Pahpaan sa séra mema'o-ma'os, um pahpaayangen néra én zéi'kan siapa torona im wia ni kamu.

1 Yohanes 3:17

Sa wéwéhan si tou wa'ilan wo milekla sé katuarina esa pa'émanen zéi'kan siapa apa taan ni sia é soo sumawang sé katuarina itii, kura kahuman ni sia mahkua i rumaraaté si Opo Empung?

3 Yohanes 1:4

Zéi'kan siapa u mahpaa-paaz lumousé u mahpaa-paazku, in timalingala i sé oki'ku é menou-nou mahkiit an tutuzu' kaulitan.