Filemon 1:16 - Taaz Weru Witu u Nunuwu'en Tombulu

¹⁶ In tarékan ni sia én zéi'kan uman ata im wia ni ko, taan ni sia é lumouspé'mé in ata. Ni sia éng katuari esa pa'émanen si totoz pahraa-raaté. Im wia ni aku, ni sia én totoz lakez un torona, woopé' kasii im wia ni ko! Tantumo ni sia én totoz wéwéhan torona, ni sia in ata kaapa ing katuari esa pa'émanen wia si Mahpiara.

Filemon 1:16 Iomraidhean Croise

Matius 23:8

Taan ni kamu, tia' ipahwaya niou sé tou mahtawah ni kamu i ‘méster’! Pahpaan si Méster niou én esa uman wo ni kamu péléng é mahtuari.

Kisah Rasul-rasul 9:17

A si Ananias mangé witi walé pahento'an ni Saulus a muntepa witu. I nimahilekanola karia ni Saulus, si Ananias zimeta'ma u lengenna wia si Saulus ang kumua, “Saulus, katuariku, si Yesus Mahpiara si nimatu ni aku i méyé wia ni ko. Ni Sia si nimapailek un tou-Na wia ni ko witi lalan i mahéyé wia'i. Ni Sia si nimatumé ni aku i méyé wia ni ko wo ko toro milek sumaup wo mawuta-wuta ung kawasa ni Roh Lenas.”

1 Korintus 7:22

Pahpaan, si ata si tinawahmo ni Mahpiara, ni sia é mémoipiloté ni Mahpiara. Taan si zéi'mo ata an tawahela ni Kristus, ni sia én atamo ni Kristus.

Kolose 3:22

É kamu sé ata, mahtali-talingala wia sé tuang niou im wia ung kaayahan im wana péléng am péleng, tia' kamu mapailek i mahtali-talinga witu u sinaru néra uman i mangun ni séra mahpaa-paaz, taan mahtali-talingala wia ni séra karia ung genang lé'os pahpaan i maindé' si Mahpiara.

1 Timutius 6:2

Sa si tuang néra én tou ma'éman wia si Yesus, tia' wo sia zéi'kan tahlous pahsigi'en, pahpaan ni séra é mahtuari i ma'éman. Taantaré, sé ata é léwo'zéi' kalousna i mahpaayang wia si tuang néra, pahpaan si tuang pahpaayangan néra itii éng katuari i ma'éman wo ikararaaté néra. Péléng ang kenu én uli-ulit ituzu'la wo isésala wia sé jamaat.

Ibrani 3:1

Katuari-katuari sé linenas wo sé tinawahmo i maayang wia si Opo Empung. Wéhan nioula genang si Yesus si niéndo Aatu ni Opo Empung wo Walian Wangko', si pa'émanenta in ulit wo zéi'kan maindé' in ipahwoka'ta wia sé tou walina.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.