Filemon 1:14 - Taaz Weru Witu u Nunuwu'en Tombulu

¹⁴ Taan ni aku é soopé' mangun niitu sa zéi'kampé' niénéannumé. Ni aku é soo lumusu ni ko; kapaazku niitu ém wangunennu karia um paazmu in esa.

Filemon 1:14 Iomraidhean Croise

1 Korintus 9:17

Sa aku mahwoka' u Nuwu' Lé'os tumoro si Kristus pahpaan um paazku uman, ni aku é léwo'zéi' i makailek um wawaér. Taan ni aku i nimangun niitu zéi'kan pahpaan um paazku in esa. Si Opo Empung si niméléng ni aku an aku iatu-Na i mahwoka' u Nuwu' Lé'os itii.

1 Korintus 9:7

Zéi'kan siapa si suraro i makumoro' wo maér in esa am pemandungenna. Zéi'kan siapa si timanem un anggor wo zéi'kan kuman um wua'na. Zéi'kan siapa si memimiara sé domba wo zéi'kan melep u susu né domba pahpiarana.

2 Korintus 1:24

Ni kai é mahkua an téntu wia ni kamu, zéi'kan i merénta ni kamu tumoro u léwo'zéi' im pa'émanen niou, pahpaan um pa'émanen niou wia si Kristus én enté'mo. Taan kapaaz nai, ni kita én toro maayang mahwali-wali, wo ni kamu toro mahpaa-paaz.

2 Korintus 8:12

Pahpaan sa kamu paaz mahwéhé wo mahwéhé mengiit ung kawawaan niou, si Mahpiara ém paaz i sumungkul a méiwéhé niou. Ni Sia én zéi'kan kawisa mahaléi wia ni kamu i mahwéhé un zéi'kan siapa im wia ni kamu.

2 Korintus 9:5

Niitumo, méiatuku sé katuari esa pa'émanen itii i mapuunama mangé wia ni kamu witi Korintus, wo séra toro sumawang ni kamu i mimek an zoit sasawang, a méikua niouo in iwéhé. Sa kamu nimimeko, niitu un tumuzu'mé i ni kamu én uli-ulit paaz mahsawang, zéi'kan pahpaan im pahlusun.

2 Korintus 9:7

Péléng sé tou é léwo'zéi' i mahwéhé a sasawang mengiit ung kapaazna. Tia' mahwéhé a sasawang sa niitu é mahwangun uman un até i rumara kaapa im pahlusun, pahpaan si Opo Empung é rumaraaté sé tou mahwéhé karia i mahpaa-paaz.