Filemon 1:10 - Taaz Weru Witu u Nunuwu'en Tombulu

¹⁰ Ni aku, Paulus, mahaléi wia ni ko tumoro si oki'ku esa pa'émanen, si Onesimus si atamu. Pahpaan ni aku é nimaéndomola ama'na im wia um bui.

Filemon 1:10 Iomraidhean Croise

Markus 9:17

Si esaané im wia sé tou lakez itii é nimingkotla, “Méster, ni aku é nimahwalimé si koki'ku kenu wia si Méster, pahpaan ni sia é sinelazan ni sétang, si nimangun ni sia nimawowo'.

Roma 12:1

Niitumo, katuari-katuari, pahpaan ung karipu'an ni Opo Empung wia ni kita, ni aku sumésama wia ni kamu, iragésla un tou niou wia si Opo Empung tanu u raragés menou-nou linenas wo ung kapaaz-Na. Niitumo un uli-ulit raragésmu wia si Opo Empung.

1 Korintus 4:14

Ni aku i nimantik ang kenu an iwéhéma wia ni kamu, zéi'kan i mapaiza-izang ni kamu, taan i suméro' ni kamu, pahpaan ni kamu én tanumokan sé oki'ku, sé ikararaatéku.

1 Korintus 4:15

Pahpaan ni aku si nimaéndo ama' niou, zozo' sé nimahtuzu' ni kamu tumoro si Kristus ém woo mariwu-riwu tou. Ni aku si nimaéndo ama' im witu ung katou-touan niou i mahkiit si Kristus Yesus, pahpaan ni aku si nimahalimé wia ni kamu u Nuwu' Lé'os tumoro si Kristus.

Galatia 4:19

É ni kamu sé oki'ku ikararaatéku. Pahpaan ni kamu, ni aku mahpendan kasii u rumara tanumokan si wéwéné in tumou si oki'na. Ni aku kasii én zéi'kampé' kumana' i mendan u rumara makaz ung katou-touan ni Kristus toro kaile-ilekan witu ung katou-touan niou.

Kolose 4:9

Ni sia é mangé karia ni Onesimus, si katuari esa pa'émanen, si esaané im wia ni kamu. Ni sia kasii én tou mahtali-talinga uman wo ni kai é rumaraaté ni sia. Ni séra zua é makumua wia ni kamu péléng a nimamuali wia un tampa nai kenu.

1 Timutius 1:2

Um pinantik kenu én iwéhé wia si Timotius, si tanumokan in oki'ku pahpaan ni kai esa pa'émanen. Mengalé-ngaléi uman ung kamang tatambér, u raraatéan wo ung kaluasan witu un até, um wia si Opo Empung Ama'ta wo si Kristus Yesus Mahpiarata é menaté-natér ni ko.

Titus 1:4

Titus, ni ko én tanumokan oki'ku in esa pahpaan ni kita zua é ma'éman wia si Kristus Yesus. Mengalé-ngaléi uman ung kamang tatambér wo ung kaluasan witu un até, um wia si Opo Empung Ama'ta wo si Yesus Kristus, si Nimilot ni kita im witu un ukuman wana a singkéla' é menaté-natér ni kamu.

Filemon 1:11

Im puuna, si Onesimus si atamu én timingkasé im wia ni ko, ni sia én zéi'kan siapa torona im wia ni ko, taan in tarékan ni sia én totoz wéwéhano torona, zéi'kan uman wia ni ko taan kangkasii wia ni aku.

Filemon 1:13

Un ulitna kapaazku ni sia é mahwia-wia sumawel ni ko, i sumawang ni aku im wiapé' um bui pahpaan mahwoka' u Nuwu' Lé'os tumoro si Yesus wia sé tou.

3 Yohanes 1:4

Zéi'kan siapa u mahpaa-paaz lumousé u mahpaa-paazku, in timalingala i sé oki'ku é menou-nou mahkiit an tutuzu' kaulitan.