Efesus 6:9 - Taaz Weru Witu u Nunuwu'en Tombulu

⁹ Wo wia ni kamu sé tuang, mahwangunla kangkasii a lé'os tanu niitu wia sé ata wo tia' mahiindé' ni séra karia an ukuman. Gena-genangen, si Mahpiara né tuang wo si Mahpiara né ata, si witi kasendukan, ni Sia én zéi'kan mahsanaweka.

Efesus 6:9 Iomraidhean Croise

Matius 22:10

A mangé sé ata itii an tumawahmé péléng sé ipahpasungkul néra wana a lalan, sé tou léwo' wo sé tou lé'os, taka-takazan un untep um pahpéstaan itii é mawuta-wutamo né sakéi.

Matius 22:8

Kumawusa niitu, sia kimuama wia sé atana, ‘Um pésta kawéng é niimeko taan sé tou kinuaku én zéi'kan wangun i méyé witu um péstaku.

Matius 24:48

Taan sa si ata itii é léwo' wo gimenang in téntii,

Matius 24:51

si ata itii ém wunu'en ni tuangna wo mangun ni sia maasar sé tou mahgau-gau lé'os. Im wana sé tou é mamé' makaz am waang éng karékétokan.”

Matius 7:12

Péléng ang kapaaz niou im wangunené né tou wia ni kamu, téntu kangkasii um wangunen nioula wia ni séra. Nianamo a méipantik witu un ukum Torat wo wana ang kitap am pinantik né nabi.”

Lukas 6:31

Wisa ung kapaaz niou im wangunené né tou wia ni kamu, téntu kangkasii um wangunen nioula wia ni séra.

Yohanes 13:13

Ni kamu é mahkua ni Aku i Méster wo Tuang, um pahkuan niou itii én ulit, pahpaan ni Aku é Méster wo Tuang.

Kisah Rasul-rasul 10:34

A si Petrus rengan i mahnuwu', “Un ulitna, kinatulapangkumola i si Opo Empung én zéi'kan meméléng tou.

Roma 2:11

Pahpaan si Opo Empung én zéi'kan mahpélé-péléng tou.

1 Korintus 1:2

Um pinantik kenu én iwéhé wia ni kamu sé tou linenas ni Opo Empung, pahpaan nimaesamo karia ni Kristus Yesus wo sé tinawah i maéndo jamaat ni Opo Empung sé witi Korintus. Wo kasii wia péléng sé tou ma'éman wisa uman um pahento'an néra, sé sekezé é mahlooz wo mahmengaléi wia si Yesus Kristus Mahpiara néra wo Mahpiarata.

1 Korintus 7:22

Pahpaan, si ata si tinawahmo ni Mahpiara, ni sia é mémoipiloté ni Mahpiara. Taan si zéi'mo ata an tawahela ni Kristus, ni sia én atamo ni Kristus.

Kolose 3:25

Séi uman si mahwangun ang kasumalaan, ni sia é makailek um wawaér mengiit ung kasumalaanna itii, pahpaan si Mahpiara i méhé un ukuman én zéi'kan mahpélé-péléng.

Kolose 4:1

É kamu in tuang, mapailekla an ulit wo tia' mahtémbo-témbo wia sé ata niou. Gena-genangen, ni kamu in tuang kangkasii ém wéwéhan si tuang im witi kasendukan.

Yakobus 2:13

Pahpaan si tou zéi'kan siapa raraatéan én totozen in ulit kaapa zéi'kan karia un zéi'kan siapa raraatéan. Taan u raraatéampé' un enté' taan un ukuman.

Yakobus 2:8

Taan ni kamu é nimangunola u lé'os, sa kamu uli-ulit mahwangun un ukum ni Opo Empung un ipahpuu-puuna tanu u méipantik witu um Pinantik Lenas in téntii, “Iraraatéla si kasuatmu tou tanu ko i rumaraaté un toumu in esa.”

Yakobus 5:4

Sé tou nimaayang un umamu én zéi'kan pahwaérannu. In tarékan én talingana am pa'os néra. Sé tou nimupu' witu un umamu é mahkérét mekisawang, wo an ipahkérét néra én tinalingamoma ni Mahpiara, si Opo Empung mahkawasa.