Efesus 6:8 - Taaz Weru Witu u Nunuwu'en Tombulu

⁸ Kata'uan niouo im péléng sé tou, sia in ata kaapa zéi'kan ata sa sia nimangun a lé'os é makailek um wawaér um wia si Mahpiara a méyé.

Efesus 6:8 Iomraidhean Croise

Matius 16:27

Pahpaan si Oki' ni Tou é méyé sumaup karia né malaekat-Na wo karia ung kawasa ni Ama'-Na. In toro niitu, ni Sia é maér wia si tou mengiit am pinahlé'osa ni esa wo ni esa.

Matius 20:7

A séra mingkotla wia ni sia, ‘Pahpaan zéi'kan siapa tou niméhé paayangen wia ni kai.’ Ang kuana wia ni séra, ‘Sa téntu, ni kamu é mamomendula witi umaku un tinaneman an anggor.’

Matius 5:12

Mahkonta-konta'la ni kamu i mahpaa-paaz pahpaan um wawaér makailekan niou witi kasendukan én totoz wangko'. Pahpaan sé nabi puunala ni kamu kangkasii ém pinahzézéhamola tanu niitu.”

Matius 6:1

Kuano kasii ni Yesus, “Gena-genangen! An tinotoz witu um pahempungan én tia' uman pahlé'osen niou witu saru-sarun né tou wo niitu ileken néramé. Pahpaan sa téntu, ni kamu én zéi'kan makailek um wawaér ni Ama' niou si witi kasendukan.

Matius 6:4

Sa méhé a sasawang én ipahwuni-wunila, si Ama' niou si mahileké an ipahwuni-wuni itii é méhé um wawaér wia ni kamu.”

Lukas 14:14

Sa téntu um wangunennula, ni ko éng kamangen, pahpaan sé tou téntu én zéi'kan mata'u maér wia ni ko tanu um winangunmuma wia ni séra. Pahpaan ni ko ém waérannokan ni Opo Empung, im witu un endo i sé tou ulit in itou-Na sumaup.”

Lukas 6:35

Taan ni kamu, iraraatéla sé kakoro' niou wo mahwangunla a lé'os wia ni séra. Ipinjangla an anu niou wia ni séra wo tia' mahgenangla in iwuri néramé sumaup. Sa téntu am pahwangunen niou, ni kamu é makailek um wawaér wangko' wo ni kamu é maéndo oki' ni Opo Empung si Totoz Rakék. Pahpaan ni Sia é lé'os im wia sé tou soo mahkua u makasé wo wia sé tou léwo'.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.

2 Korintus 5:10

Pahpaan ni kita péléng é léwo'zéi' i maisaru witu u rurumezan ni Kristus ing Kolano i matotozen ulit kaapa zéi'kan, wo sé tou si esa wo si esa é makailek um wawaér mengiit am winangunna, niitu im wangun kaapa léwo'.

Galatia 3:28

Niitumo, im wia ni kamu én zéi'kan siapa sé pahkuan tou Yahudi kaapa zéi'kan tou Yahudi, zéi'kan siapa sé pahata-atan wo sé zéi'mo pahata-atan, zéi'kan siapa tuama kaapa wéwéné, ni kamu péléng é nimaesamo pahpaan ma'éman wia si Kristus Yesus.

Kolose 3:11

Niitumo, wia ni kita én zéi'mo siapa si pahkuan tou Yunani kaapa tou Yahudi, tou sinunat kaapa zéi'kan sinunat, tou Barbar kaapa tou Skit, ata kaapa zéi'mo ata, pahpaan si Kristus si ipahpuu-puuna wo péléng sé tou ma'éman é nimaesamo karia-Na.

Kolose 3:24

Kata'uan niouo i ni kamu é makailek am wangun un iwaéré ni Mahpiara. Kuramo u niimek ni Mahpiara wia sé tou-Na, niitumo un iwéhé wia ni kamu. Pahpaan si tuang pahpaayangan niou é si Kristus in esa.

Kolose 3:25

Séi uman si mahwangun ang kasumalaan, ni sia é makailek um wawaér mengiit ung kasumalaanna itii, pahpaan si Mahpiara i méhé un ukuman én zéi'kan mahpélé-péléng.

Ibrani 10:35

Niitumo, tia'mo ipahtutula'u um pa'émanen niou pahpaan um wawaérna én totoz wangko'.

Ibrani 11:26

Witu ung genang ni Musa, tawimo sia séro'an pahpaan si Kristus, taan makailek péléng a sangkum witi Mesir. Pahpaan pahéré'ennala um wawaér iwéhémé ni Opo Empung wia ni sia é lumouspé'mé a sangkum witi Mesir.