Efesus 6:5 - Taaz Weru Witu u Nunuwu'en Tombulu

⁵ É ata, ni kamu é mahtali-talingala wia sé tuang niou sé wia ung kaayahan. Ni kamu in ata én uli-ulit i maindé', mahtali-talinga wo mahsigi' sé tuang niou tanu ni kamu in uli-ulit mahtali-talinga wo mahsigi' si Kristus.

Efesus 6:5 Iomraidhean Croise

Matius 6:22

Kuano kasii ni Yesus, “Um weren én tanu u solo witu un tou. Sa um werenmu ém wangun, péléng un toumu én ayah.

Matius 6:24

Zéi'kan siapa si tou toro maayang wia sé zua tuang. Pahpaan sa téntu si esa é maikazi'zisna wo si walina én iraraaténa. Kaapa ni sia é mahtali-talinga wia si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Matius 8:9

Ni aku kimuama in téntu pahpaan ni aku kangkasii ém wéwéhan si tonaasku wo wéwéhan kasii sé suraro pahperéntangku. Sa ni aku kumuala wia si esaané im wia sé suraroku in téntii, ‘Mangémo!’ ni sia é mangé, wo wia si esa kasii, ‘Méyé wia'i!’ ni sia é méyé. Kaapa wia si ataku, ‘Pa- ayangena ung kenu!’ ni sia é maayang niitu.”

Kisah Rasul-rasul 2:46

Wo sekez in endo ni séra én zéi'kan kumana' i meréwo-réwok witi Walé ni Opo Empung wo ni séra én esa genang. Um walé ni esa wo ni esa é mahsasawel im pahangéan néra i mahkan mahwali-wali karia i mahpaa-paaz wo ung genang lé'os.

Roma 9:3

Ni séra éng katuariku kawanua. Ni aku ém paaz toron un epa' wo pata'san karia ni Kristus in tumulung ni séra.

1 Korintus 2:3

Ni aku i memali-malipé' karia niou, pahpendanengkula un touku én zéi'kan enté' wo ni aku én totoz maindé' makaz i mahgerger.

1 Korintus 7:22

Pahpaan, si ata si tinawahmo ni Mahpiara, ni sia é mémoipiloté ni Mahpiara. Taan si zéi'mo ata an tawahela ni Kristus, ni sia én atamo ni Kristus.

2 Korintus 1:12

Ni kai én totoz mahlooz ung katou-touan nai pahpaan um pahwangunen nai wia sé tou wia ung kaayahan é lé'os wo ulit. Niitu un totoz méisanapa' witu um pahile-ilekan nai karia niou. Witu ung genang lé'os nai, ni kai én totoz mata'u sa niitu é lé'os wo ulit wia si Opo Empung a méyé, niitu kangkasii én tumuzu'ma wia sé tou sa am pahwangunen nai én ulit. Wo péléng am pahwangunen nai itii én zéi'kan karia ung katulapan nai in tou, taan karia ung kamang tatambér ni Opo Empung.

2 Korintus 7:15

U raraatéanna wia ni kamu éng kalousna, im pahgenangennala ni kamu é mahtali-talinga ni sia, wo ni kamu kangkasii simungkul karia i maindé' wo mahsigi-sigi' ni sia.

Efesus 5:22

Ni ko im wéwéné makamahayo é mahtali-talingala wia si mahayomu tanu ni ko i mahtali-talinga si Mahpiara.

Efesus 6:24

Ung kamang tatambér ni Opo Empung é menaté-natér ni kamu péléng sé zéi'kan mazéi' i rumaraaté si Yesus Kristus Mahpiarata.

Filipi 2:12

Katuari-katuari ikararaatéku, ni kamu sekezé é mahtali-talinga wia si Opo Empung. Pahwangunela niitu zéi'kan uman i ni aku mahwali-wali karia niou taan kasii i ni aku zéi'kan mahwali-wali karia niou. Ung katou-touan niou ém wangunela tanu ung katou-touan né tou sé méipiloto ni Opo Empung im witu un ukuman wana a singkéla'. Pahwangunela niitu karia i mahtali-talinga wo mahsigi' si Opo Empung.

Filemon 1:16

In tarékan ni sia én zéi'kan uman ata im wia ni ko, taan ni sia é lumouspé'mé in ata. Ni sia éng katuari esa pa'émanen si totoz pahraa-raaté. Im wia ni aku, ni sia én totoz lakez un torona, woopé' kasii im wia ni ko! Tantumo ni sia én totoz wéwéhan torona, ni sia in ata kaapa ing katuari esa pa'émanen wia si Mahpiara.

1 Petrus 3:2

Ni séra é ma'éman sa mengile-ngilek an totoz wangun am pahwangunen niou wo mahkiit ung kapaaz ni Opo Empung.