Efesus 6:10 - Taaz Weru Witu u Nunuwu'en Tombulu

¹⁰ Ing kamurian, enté'ela un até niou karia ung kaenté'an ung kawasa méiwéhémé ni Mahpiara pahpaan nimaesa karia-Na.

Efesus 6:10 Iomraidhean Croise

1 Korintus 16:13

Tuméga-tégam! Totoz menté-enté' witu um pa'émanen niou, enté'-enté'en un tou niou wo tia'mo maindé-indé'!

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

Efesus 1:19

wo kamu toro mata'u ung kawasa-Na én totoz wangko' wia ni kita sé ma'éman. Ung kawasa itii éng kaenté'an ni Opo Empung un totoz wangko'

Efesus 3:16

Ni aku mengaléi wia si Opo Empung si wa'ilan wo pahloozen wo pahsigi'en i menté' un até niou karia ung kawasa ni Roh-Na.

Filipi 3:1

Ung kamurian, katuari-katuari, mahpaa-paazola pahpaan nimaesamo karia ni Mahpiara. Ni aku én zéi'kan mahgenang wutez i mantika sumaup a mémoipantika im puuna. Niitumo, niana péléng én isaupkupé'ma im wia'i, pahpaan niitu é lé'os i mangun um pa'émanen niou zéi'kan ikalulu.

Filipi 4:13

Péléng am péléng én toro pengalingku pahpaan si Yesus Kristus si mahwéhémé ung ketez wia ni aku.

Filipi 4:8

Ung kamurian katuari-katuari, péléng an ulit, péléng am wangun im pahloozen, péléng an zéi'kan mahsanaweka, péléng am weresi, péléng an tombal, péléng an tariis im pahtalingan, péléng am wéwéhan torona wo an toro pahloozen, niana péléng é léwo'zéi' ing genangen nioula.

Kolose 1:11

Ni kai kasii mengaléi, wo ung kawasa-Na un totoz wangko' é mangun un até niou i maenté', taka-takazan maan ing kuramokan ung kalakez an zézéha pahsarun niou, ni kamu én zéi'kan mazéi' i ma'éman wo totoz uman ezen i mengali niitu,

2 Timutius 2:1

Timotius oki'ku, enté'ela um pa'émanennu karia ung kamang méitambér pahpaan nimaesa karia ni Kristus Yesus.

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.

1 Petrus 3:8

Ing kamurian, kapaazku ni kamu én esa genang, mahgena-genangan, rumaraaté sé tou esa pa'émanen, meripu' umané i rumaraaté wo zéi'kan wera'.

1 Petrus 4:11

Sa wéwéhan tou tinambéran i mahkua u Nuwu' ni Opo Empung wia sé tou, ni sia é léwo'zéi' mahnuwu' mahkiit u Nuwu'-Na. Wo sa wéwéhan si tinambéran i sumawang sé kasuat tou, pahwangunennala niitu karia ung ketez méiwéhémé ni Opo Empung wia ni sia. Niitumo, wangunen nioula lumé'o-lé'os an tatambér itii wo sé tou lumooz wo sumigi' si Opo Empung. Karia in téntu si Opo Empung é loozen wo sigi'en wana péléng am péléng mengiité si Yesus Kristus. Ni Siamo si mahkawasa wo wangun i sigi'en wo loozen makaz ing kauré-uré. Amin.

1 Petrus 5:10

Si Opo Empung si mahtambéré ung kamang, si timawahmo ni kamu sé ma'éman si Kristus witu ung kawangko'an-Na makaz ing kauré-uré é mangun ung katou-touan niou ing kawangunna, menté' am pa'émanen niou, menté' an até niou, wo mangun um pa'émanen niou wia si Kristus zéi'kan mawalina, kumawusla kamu i mendana an zézéha zéi'kan mauréma.

1 Yohanes 2:14

É kamu sé koki', ni aku é mantika ang kenu wia ni kamu, pahpaan ni kamu é mata'umo si Ama'. É kamu sé ama', ni aku é mantika ang kenu wia ni kamu, pahpaan ni kamu é mata'umo ni Sia, si wiamo rengané ing kataré-taré. É kamu sé weru tou, ni aku é mantika ang kenu wia ni kamu, pahpaan ni kamu én enté' wo u Nuwu' ni Opo Empung ém wia ni kamu wo si tonaas né sétang éng kinala niouola.