Efesus 6:1 - Taaz Weru Witu u Nunuwu'en Tombulu

¹ É koki', ni kamu sé nimaesamo karia ni Mahpiara én totoz mahtali-talingala wia sé tu'a niou, pahpaan niitu én ulit wo niitu u léwo'zéi' im wangunen niou.

Efesus 6:1 Iomraidhean Croise

Lukas 2:51

A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 16:2

Sungkulen nioula sia pahpaan i nimaesa karia ni Mahpiara, tanu um pahwangunen né tou ni Opo Empung. Wo sawangala sia sa wéwéhan am pemandungenna, pahpaan lakezo sé sinawanganna, kariamo ni aku.

Roma 7:12

Un ukum Torat wo péléng am perénta witu ém wia si Opo Empung a méyé, ulit wo wangun.

1 Korintus 15:58

Niitumo, katuari-katuari ikararaatéku, rumendaila menté-enté', tia' mahzua-zua genang i ma'éman. Mahtututu'la i mahpaayang am paayangen méiwéhé ni Mahpiara wia ni kamu, pahpaan kata'uan niouo im witu u sinaru ni Mahpiara, zéi'kan siapa am pinaayang niou an zéi'kan siapa torona.

1 Timutius 5:4

Taan sa si wéwéné mahesa-esamokan itii ém wéwéhan koki' kaapa puyun, ni séra itiimo sé kataré-taré mahwéhé genang wia sé kaawu néra in tou ma'éman. Ni séra én totoz mahtata'ula kura i maér u raraatéan né tu'a wo ni néné néra. Karia in téntu, ni séra éng kapaaz ni Opo Empung.

1 Petrus 2:13

Pahpaan si Mahpiara, ni kamu é léwo'zéi' i mahtalingala wo mahkiitla sé pemerénta sé winéhan kawasa, rengana wia si kolano si totoz mahkawasa,