Efesus 5:4 - Taaz Weru Witu u Nunuwu'en Tombulu

⁴ Téntu kangkasii ang kukuan saparuni, an zéi'kan siapa torona kaapa an uuwaken zéi'kan mata'u un adat, pahpaan an téntu én zéi'kan wangun. Taan tawimo ni kamu kumuala u makasé wia si Opo Empung.

Efesus 5:4 Iomraidhean Croise

Markus 7:22

a samek, an angkum, a léwo', a siga menowo, a lelo léwo' un awak, téutéu, a mahtawuruk, am wera' wo ang kimawal.

Yohanes 6:23

Karegas niitu a mawitula um woopira londéi walina am witi Tiberias a méyé. Ni séra méikaayola witi rété un tampa né tou lakez ing kiman u roti tumondongla si Yesus ing kimuama u makasé.

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

2 Korintus 1:11

Ni kamu kangkasii simawangomé i mahpengaléi ni kai. Niitumo, si Opo Empung niméhé un tatambér wia ni kai i ni Sia timalinga am pengaléien tumoro ni kai, wo lakez sé tou kumua u makasé wia ni Sia.

2 Korintus 9:15

Makasé wia si Opo Empung, pahpaan u méitambér-Na wia ni kita én zéi'mo kakuaan.

Efesus 1:16

ni aku én zéi'kan mazéi' i mapaayo u makasé wia si Opo Empung pahpaan ni kamu. Sekez ni aku i mengaléi, ni kamu én ipahpengaléiku.

Efesus 4:29

Tia'mo a nunuwu'en saparuni mahondolé im witu u sumahmu. Taan mahnuwu' umané am wangun i sumawang sé tou walina i ni séra memandung a sasawang, wo sé tou timalingama u méipahnuwu'muma é makailek ung kamang.

Filipi 4:6

Tia'mo tahlous maindé' tumoro am péléng. Taan im wana péléng am péléng, mengaléila wo ipapaayola péléng am pemandungen niou wo am pahaléien niou wia si Opo Empung karia i mahkua u makasé.

Kolose 3:8

Taan in tarékan, itula'umola péléng ang kenu: an upi', a raranguan, a léwo'an, mahtawuruk, wo a sasalou a mahondolé witu u sumah niou.

1 Tesalonika 3:9

Apapé' un ikua naima wia si Opo Empung ing kumua u makasé wia ni Sia pahpaan péléng u mahpaa-paaz, um pahpendanen nai tumoro ni kamu witu u sinaru-Na?

1 Tesalonika 5:18

Mahkuala u makasé wia si Opo Empung im wana am péléng, pahpaan niitumo ung kapaaz-Na wia ni kamu in tou sé menou-nou nimaesa karia ni Kristus Yesus.

Filemon 1:8

Pahpaano niitu, ni aku in tou nimaesamo karia ni Kristus én toro uman i meréntama wia ni ko u léwo'zéi' im wangunennu,

Ibrani 13:15

Mengiité si Yesus kita mahlooz si Opo Empung. Niitumo, méyémo kita kumua u makasé wia si Opo Empung wo u loloozta itii é maéndo tanu u raragésta wia si Opo Empung. Si Opo Empung én totoz paaz a raragés tanu niitu.

2 Petrus 2:18

Pahpaan ni séra é menuwu-nuwu' am wera' wo an zéi'kan siapa torona. U lelo léwo' un awak ém pahpakén néra i mahenou sé tou taré ikapiloté im witu ung katou-touan né tou méikalulu.

2 Petrus 2:7

Taan si Lot én tinulung-Na pahpaan ni sia é mahwangun an ulit ang kapaaz-Na. Si Lot én totoz in zézéha pahpaan am pemuali-mualin né tou sé zéi'kan mazéi' i mahmuali a léwo' a mahkiit uman a lelo léwo' un awak néra.

Yudas 1:10

Taan ni séra é mahséro' uman wana péléng an zéi'kan kata'uan néra. Ni séra é mahkiit uman ang genang néra tanu sé binatang lemou. Nianamo a nimangun ni séra ikaléwo'.

Yudas 1:13

Tanu u sempa' makaindé'en witi tasik, u mahsewumé, ni séra kangkasii é mapailek am pahmualin néra ang kaizangnokané. Ni séra én tanumokan sé tototi'en mahéra-éra sé méimeko ni Opo Empung ung karimbengbengan witi lalem ung kaayahan makaz ing kauré-uré.