Efesus 4:9 - Taaz Weru Witu u Nunuwu'en Tombulu

⁹ Niitumo i méikua “Ni Sia é nimawénétoma” ung kalakoana ni Sia kangkasii én timumpamoma witi tampa totoz lalem im wia ung kaayahan.

Efesus 4:9 Iomraidhean Croise

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Yohanes 20:17

Ang kuan ni Yesus wia ni sia, “Tia' mahtion wia ni Aku, pahpaan ni Aku én zéi'kampé' nimenéka i mangé wia si Ama'. Taan mangémo wia sé katuari-Ku wo ikuala wia ni séra i ni Aku in tarékan é mangémo wia si Ama'-Ku wo Ama' niou, wia si Opo Empung-Ku wo Opo Empung niou.”

Yohanes 3:13

Zéi'kan siapa zozo' in esa si tou si nimahpené-penékoma witi kasendukan, akaz uman ni Sia si timumpamé im witi kasendukan, ni Siamo si Oki' ni Tou.

Yohanes 6:33

Pahpaan u roti méiwéhémé ni Opo Empung é roti un timumpamé im witi kasendukan wo mahwéhé ung katou-touan wia sé tou wia ung kaayahan kenu.”

Yohanes 6:38

Pahpaan ni Aku én timumpamomé im witi kasendukan zéi'kan i mangun um paaz-Ku, taan i mangun um paaz ni Opo Empung si nimatumé ni Aku.

Yohanes 6:41

A sé tou Yahudi rengan i mengengu-ngengut tumoro si Yesus pahpaan ni Sia kimuama, “Ni Aku kenumo u roti timumpamé im witi kasendukan.”

Yohanes 6:51

Ni Akumo u roti mahwéhé ung katou-touan um witi kasendukan an tumumpamé. Sa wéwéhan si tou kumana u roti kenu é mamenou-nou makaz ing kauré-uré. U roti iwéhé-Ku én awak-Ku, u maiwéhé-Ku wo sé tou wia ung kaayahan kenu mamenou-nou.”

Yohanes 6:58

Ni Akumo u roti timumpamé im witi kasendukan, zéi'kan tanu u roti kinan né nimaopo niou wo ni séra é nimatémoma. Séi uman si kumana u roti un iwéhé-Kuma kenu, si tou itii é mamenou-nou makaz ing kauré-uré.”

Yohanes 6:62

Kura u mamuali sa kamu milek si Oki' ni Tou mawénéta i mawuri witi pinahwéha-wéhan-Na ing kataré?

Yohanes 8:14

Kuan ni Yesus wia ni séra, “Zozo' ni Aku mahkua tumoro un tou-Kukan, um pahkua-Ku én ulit, pahpaan kata'uang-Ku, wisa ni Aku a méyé wo wisa un angéang-Ku. Taan ni kamu én zéi'kan mata'u, wisa ni Aku a méyé wo wisa un angéang-Ku.

Ibrani 2:7

Winangun-Mu si tou im wawa'pé'mé oki' im wia sé malaekat, taan zéi'kan mauréma, wo im wia sé winangun-Mu walina ni sia én tanumokan sé kolano sé pahloozen wo pahsigi'en,

Ibrani 2:9

Taan im puuna i si Yesus wiapé' ung kaayahan, ni Sia ém winangun ni Opo Empung wawa'pé'mé oki' im wia sé malaekat taan zéi'kan tahlous uré. In toro niitu, pahpaan ung kamang méitambér ni Opo Empung, ni Sia nimaté wia péléng sé tou. Pahpaan ni Sia nimazéhamo makaz i nimaté, niitumo in tarékan ni kita nimileko i si Yesus é nimakaileko u looz wo u sigi' ni Opo Empung.