Efesus 4:5 - Taaz Weru Witu u Nunuwu'en Tombulu

⁵ Si Mahpiara én esa uman, um pa'émanen én esa uman wo u sasarani én esa uman,

Efesus 4:5 Iomraidhean Croise

Matius 28:19

Niitumo, mangémo wangunela péléng sé tahsasana wanua maéndo pahtuzu'eng-Ku wo saranila séra karia u ngaran ni Ama', ni Oki' wo ni Roh Lenas,

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

Kisah Rasul-rasul 2:36

Niitumo, ni kamu péléng in tou Israel é léwo'zéi' in totoz mata'ula i si Yesus si salip niouola itii ém winangunola ni Opo Empung maéndo Mahpiara wo Kristus.”

Roma 3:30

Si Opo Empung én esa uman. Sé tou Yahudi sé ma'éman si Yesus Kristus wo sé tou zéi'kan Yahudi sé ma'éman si Yesus Kristus é niéndo ulit ni Opo Empung.

1 Korintus 1:13

Si Kristus én zéi'kan nimahwéwéténg! Ni Sia én esa uman. Ni aku, Paulus én zéi'kan nimaté sinalip pahpaan ni kamu, wo ni kamu kasii én zéi'kan sinarani karia u ngaranku i maéndo mahkii-kiit ni aku.

1 Korintus 1:2

Um pinantik kenu én iwéhé wia ni kamu sé tou linenas ni Opo Empung, pahpaan nimaesamo karia ni Kristus Yesus wo sé tinawah i maéndo jamaat ni Opo Empung sé witi Korintus. Wo kasii wia péléng sé tou ma'éman wisa uman um pahento'an néra, sé sekezé é mahlooz wo mahmengaléi wia si Yesus Kristus Mahpiara néra wo Mahpiarata.

1 Korintus 12:13

Ni kita in tou Yahudi kaapa zéi'kan tou Yahudi, ata kaapa zéi'mo ata é nimaéndo esa pahpaan ni kita péléng é sinarani ni Roh Lenas nimaéndo tanu esa awak. Ni kita péléng é nimakailek si Roh Lenas itii kangkasii witu un até.

1 Korintus 12:5

I mahpaayang wia si Mahpiara é lakez an toro wangunen, taan si pahpaayangan én esa uman, ni Siamo si Mahpiara.

1 Korintus 8:6

taan im wia ni kita: si Opo Empung én esa uman, ni Siamo si Ama'ta. Ni Sia si nimangun péléng am péléng wo pahpaan ni Sia kita menou-nou. Si Mahpiara én esa uman, ni Sia é si Yesus Kristus. Pahpaano ni Sia am wangunen péléng am péléng, pahpaano ni Sia ni kita én toro menou-nou.

2 Korintus 11:4

Pahpaan ni kamu é mahéné uman i sumungkul séi uman sé mahwoka' tumoro si Yesus si zéi'kan masuat wo si méipahwoka' nai, kaapa si roh si zéi'kan masuat wo si Roh Lenas si sinungkul niou. Ni kamu kasii é mahéné uman i sumungkul u Nuwu' Lé'os tumoro si Yesus un zéi'kan masuat wo u méipahwoka' nai.

Galatia 5:6

Pahpaan sinunat kaapa zéi'kan sinunat é masuat uman im wia sé tou sé nimaesamo karia ni Kristus Yesus. Un totoz ipahpuu-puuna é ma'éman si Kristus Yesus un toro pa'ileken karia i rumaraaté sé tou walina.

Efesus 4:13

akaz ni kita péléng nimaesaan pahpaan um pa'émanen wo ung kata'uanta un ulit tumoro si Oki' ni Opo Empung. Ni kita maéndo tou uli-ulit lutu'mo sé kauréna éng kalekepna masuat karia ni Kristus.

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Titus 1:1

Um pinantik kenu ém wia ni aku Paulus a mangé, ata ni Opo Empung wo aatu ni Yesus Kristus. Ni aku é méiatu in tumuzu' sé tou pinéléng ni Opo Empung wo um pa'émanen néra é maenté', wo kasii séra toro mata'u tumoro an tutuzu' ulit am pengingilekenta im wana am peraragésanta wia si Opo Empung.

Titus 1:4

Titus, ni ko én tanumokan oki'ku in esa pahpaan ni kita zua é ma'éman wia si Kristus Yesus. Mengalé-ngaléi uman ung kamang tatambér wo ung kaluasan witu un até, um wia si Opo Empung Ama'ta wo si Yesus Kristus, si Nimilot ni kita im witu un ukuman wana a singkéla' é menaté-natér ni kamu.

Ibrani 13:7

Genangen nioula sé tonaas niou im puuna sé nimahwoka'momé u Nuwu' ni Opo Empung wia ni kamu. Wéhan nioula genang kura ung katou-touan néra makaz ni séra i nimaté wo kéréala um pa'émanen néra.

Ibrani 6:6

taan maapuma niitu, ni séra soomo ma'éman, zéi'kan mamuali im werun sumaup in tumula'u a singkéla'. Ni séra én tanu simalip sumaup si Oki' ni Opo Empung wo mahséro' wia ni Sia witu u sinaru né tou lakez.

Yakobus 2:18

Taan woo wéwéhan tou mahkua, “Wia ni ko ém wéwéhan um pa'émanen wo wia ni aku ém wéwéhan um pahlé'osen.” Ni sia ém wingkotengku, “Ipapaileké wia ni aku um pa'émanennu itii taan zéi'kan kinaria um pahlé'osennu, wo ni aku é mapailek wia ni ko um pa'émanengku karia am pahlé'osengku.”

1 Petrus 3:21

Un ampuhan itii én toro pasuaten karia u sasarani in tarékan un tumuzu'mé si Opo Empung nimiloté ni kamu im witu un ukuman wana a singkéla', mengiité si Yesus Kristus si méitoumomé sumaup ni Opo Empung im wia sé nimaté. Ni kamu i sinarani én zéi'kan i meresi un tou niou, taan u sasarani én tumuzu'mé i ni kamu mahaléi wia si Opo Empung i makaileké un até weresi.

2 Petrus 1:1

Um pinantik kenu ém pinantikku, Simon Petrus, ata wo aatu ni Yesus Kristus, iwéhé wia sé mahwali-wali karia nai sé ma'émano. Ni kita nima'éman wia si Yesus Kristus pahpaan ni Sia é si Opo Empung wo si nimilot ni kita im witu un ukuman wana a singkéla' wo si zéi'kan mahsanaweka.

Yudas 1:20

Taan ni kamu katuari-katuari ikararaatéku, pahimekela ung katou-touan niou karia i mahkiit uman um pa'émanen un totoz lenas wo mengaléila karia ung kawasa ni Roh Lenas.

Yudas 1:3

Katuari-katuari ikararaatéku, ni aku én totoz mahtututu' i nimantik tumoro ni kita péléng i mémoipiloté im witu un ukuman wana a singkéla'. Ni aku én totoz paaz i mantik um pinantik kenu wo sumésama wia ni kamu, wo kamu uli-ulit mahtututu' i rumembe-rembet witu um pa'émanen u mémoiwéhé wia sé tou linenas ni Opo Empung.