Efesus 4:3 - Taaz Weru Witu u Nunuwu'en Tombulu

³ Mahtututu'la i menou-nou i mahesa-esaan pahpaan si Roh ni Opo Empung si nimangun ni kita nimaesaan wo menou-noula in zéi'kan siapa ikaarét.

Efesus 4:3 Iomraidhean Croise

Markus 3:24

Sa sé tou witi kakolanoan esa é makahkoro', ni séra é makayo',

Yohanes 13:34

Ni Aku é méhéma um perénta weru wia ni kamu: Mahraa-raatéanla si esa wo si esa, tanu ni Aku i rumaraaté ni kamu téntu kangkasii ni kamu é léwo'zéi' i mahraa-raatéan.

1 Korintus 1:10

Katuari-katuari! Pahpaan ni aku nimaesa karia ni Yesus Kristus si Mahpiarata, ni aku sumésama wia ni kamu, wo ni kamu én esa nuwu', tia'mo mahéndo-éndoan taan maesaanola wo esa genang.

2 Korintus 13:11

Ung kamurian, katuari-katuari, ni kamu mahpaa-paazla, mahtututu'la wo péléng am pemangu-mangunen niou malekep. Pahwéhanla genang péléng a méisésaku wia ni kamu. Ni kamu én esa genang wo péléng mahlé'o-lé'osan. Si Opo Empung si mahtambéré ung kamang wo ung kaluasan witu un até é menaté-natér ni kamu.

Efesus 4:13

akaz ni kita péléng nimaesaan pahpaan um pa'émanen wo ung kata'uanta un ulit tumoro si Oki' ni Opo Empung. Ni kita maéndo tou uli-ulit lutu'mo sé kauréna éng kalekepna masuat karia ni Kristus.

Efesus 4:4

Ni kamu é nimaéndomo tanu esa awak, esa Roh wo esa pahéré'an i mangun um paaz ni Opo Empung i ni Sia timawah ni kamu.

1 Tesalonika 5:13

Uli-ulit im pahsigi'ela wo iraraatéla séra pahpaan am pinaayang néra i mahsawang ni kamu. Menou-noula karia i mahlé'o-lé'osan si esa wo sé walina.

Ibrani 12:14

Mahtututu'la i menou-nou mahlé'o-lé'osan karia péléng sé tou wo mahtututu'la i menou-nou karia un até zéi'kan siapa pahséro'an witu u sinaru ni Opo Empung, pahpaan sa zéi'kan menou-nou karia un até zéi'kan siapa pahséro'an, zéi'kan siapa zozo' in esa si mamilek si Opo Empung.