Efesus 4:25 - Taaz Weru Witu u Nunuwu'en Tombulu

²⁵ Niitumo, tia'mo mahtowo taan mahkua umanla an ulit wia si esa wo si esa pahpaan ni kita péléng é masuat in esaané im witu un awak ni Kristus.

Efesus 4:25 Iomraidhean Croise

Yohanes 8:44

Si ama' niou é si tonaas né sétang wo ni kamu ém paaz mahwangun ang kapaaz ni ama' niou. Rengané im puuna ni sia é mahwunu' sé tou wo ni sia én zéi'kan kawisa mahwangun an ulit. Pahpaan, ni sia zéi'kan kawisa kumuala an ulit. I ni sia mahtowo, un ipahkuana ém witu un aténa a méyé, pahpaan ni sia én tantowo wo ama' péléng né tantowo.

Roma 12:5

Téntu kangkasii ni kita, zozo' i lakez taan ni kita ém pina'esamo witu un awak esa wia si Kristus wo si esa wo si esa é mahpapandungan.

1 Korintus 10:17

Zozo' ni kita lakez wo u roti én esa uman, ni kita sé kiman u roti itii é nimaéndomola esa awak.

2 Korintus 7:14

I si Titus zéi'kampé' nimangé wia ni kamu, ni kamu é méipahloo-loozku wia ni sia, wo ni kamu én zéi'kan mapaiza-izang ni aku. Péléng a méikua nai wia ni kamu én ulit. Téntu kangkasii péléng a méipahloo-looz nai tumoro ni kamu wia si Titus én ulit.

Efesus 4:15

Taan, karia i nimenté' in timion an tutuzu' ulit pahpaan i mahraa-raatéan, ni kita im wana am péléng kauréna éng kalekepna tanu si Kristus, ni Siamo si nimaéndo tanu un Ulu wia ni kita.

Efesus 4:22

Niitumo, tumoro ung katou-touan niou im puuna, ni kamu é léwo'zéi' in tumula'u ung katou-touan im puuna itii. Ung katou-touan itii é nimangun uman ni kamu méikaléwo' pahpaan méilulu u lelo léwo' un awak,

Efesus 4:31

Péléng a merara un até, a raranguan, an upi', a mengoro-ngoro' wo mahkua an zéi'kan ulit tumoro sé tou walina én zéi'enola im wia ni kamu, téntu kangkasii péléng a léwo'an én izou-zou' im wia ni kamu.

Efesus 5:30

Ni Sia nimiara wo nimurus ni kita pahpaan ni kita é méikauntep awak-Na.

Kolose 3:8

Taan in tarékan, itula'umola péléng ang kenu: an upi', a raranguan, a léwo'an, mahtawuruk, wo a sasalou a mahondolé witu u sumah niou.

Kolose 3:9

Tia' im wia ni kamu, si esa é mahtowo im wia sé walina, pahpaan ni kamu in tarékan én timula'umomé ung katou-touan uré karia am pemangu-mangunenna.

1 Timutius 1:10

sé tou samek wo sé tuama mahwangun karia né katuama nérakan an toro uman pahwangunen né tuama wo wéwéné, sé mahremu' sé tou in iwangkér maéndo ata, sé tantowo, sé mahtiwa' an zéi'kan ulit wo péléng an zéi'kan mahkiit an tutuzu' ulit

1 Timutius 4:2

an ipahkuamé mengiité sé tou léwo' sé mahtowo i lé'os karia an towo néra. Ung genang lé'os néra én zéi'mo mata'u wisa un ulit wo wisa u simala'.

Titus 1:12

Wéwéhan si tou tulap si pahkuan néra i nabi, si tou witi Kreta itiikan é nimahkuamoma in téntii, “Sé tou Kreta én tantowo, tanu si meneza' tou, si sorem wo soo mawendu.”

Titus 1:2

An tutuzu' ulit itii én ipahtuzu' nai pahpaan ni kita mahéré'la i makailek ung katou-touan makaz ing kauré-uré. Ung katou-touan makaz ing kauré-uré itii é mémoitaaza ni Opo Empung si zéi'kan mahtowo, rengan ung kaayahan im winangun.

Ibrani 12:1

Katuari-katuari, péléng sé tou ma'éman sé menou-nou im puuna itii é limiklik ni kita tanu u ninahak. Karia ung katou-touan néra i ma'éman wia si Opo Empung u méipapailek néra wia ni kita, toro maéndo kékéréan wia ni kita i menté' um pa'émanenta. Niitumo, itula'umola péléng am mahwutez wo a singkéla' u mengapé-ngapé' ni kita, tanu i mahtututu' im wana am pahlolowaan u léwo'zéi' ing kiitenta.

Yakobus 1:21

Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.

1 Petrus 2:1

Pahpaano niitu, ni kamu éng kumana'mola i memua-muali a léwo'an. Tia'mo mahtowo, tia'mo mahwangu-wangun i lumé'ospé'mé sé tou walina, tia'mo mahtéutéu wo kasii tia'mo mahtawuruk sé tou.

Wahyu 21:8

Taan sé tou talo, sé zéi'kan ma'éman, sé mahwangun a makati'tiren, sé memumunu' tou, sé tou samek, sé meriara, sé mahongkot wo mahsigi' wia sé opo-opo wo péléng sé tantowo, ni séra péléng én ukumen iwerit witu un tasik api wo walélang melaya-layas. Ung kenumo um patéan kazua.”

Wahyu 22:15

Taan sé tou tanumokan sé asu wo sé meriara, sé samek, sé mahwunu' tou, sé mahongkot wo mahsigi' sé opo-opo, wo sé totoz paaz an towo wo mahwangun niana, zéi'kan toro muntep witu um wanua tua'na itii.