Efesus 4:23 - Taaz Weru Witu u Nunuwu'en Tombulu

²³ wo un até wo ung genang niou ém werun ni Roh Lenas.

Efesus 4:23 Iomraidhean Croise

Roma 12:2

Ni kamu én tia'mo mahkii-kiit am pahwangunen né tou wia ung kaayahan, taan iwayamola ung genang lé'os niou im werun ni Opo Empung. Karia in téntu ni kamu én toro makatulap ung kapaaz ni Opo Empung: Am wangun, a mahwangun ni Sia mahpaa-paaz wo zéi'kan siapa pahséro'an.

Roma 6:4

Karia in téntu, ni kita é méilewengo karia-Na pahpaan i sinarani, wo tanu si Kristus i méitou sumaup ni Ama' im wia sé nimaté pahpaan ung kawangko'an ni Opo Empung, ni kita kangkasii é menou-nou witu ung katou-touan weru.

Roma 8:6

Si tou mahgenang um paaz un awakna in esa é mahwali ni sia witu um patéan, taan si tou mahgenang ang kapaaz ni Roh ni Opo Empung é mahwali ni sia witu ung katou-touan wo ung kaluasan witu un até.

Efesus 2:10

Pahpaan ni kita ém winangun ni Opo Empung mengiité si Kristus Yesus, i maayang am wangun a niimeko ni Opo Empung im puuna, wo kita toro menou-nou karia i memangu-mangun a lé'os.

Kolose 3:10

Ni kamu in tarékan é nimakaileko ung katou-touan weru wo zéi'kan mazéi' im pahwerun ni Opo Empung si nimanguné ni kamu wo ni kamu maéndo tanu ni Sia. Karia in téntu ni kamu é mata'u ni Sia makauli-ulit.

Titus 3:5

in toro niitu ni Sia é nimiloto ni kita im witu un ukuman wana a singkéla'ta. Ni kita méipilot-Na zéi'kan pahpaan an ulit winangunta, taan pahpaan u raraatéan-Na. Ni Sia nimilot ni kita mengiité si Roh Lenas si zéi'kan siapa akazna, si nimeresi un atéta wo niméhé wia ni kita ung katou-touan weru,

1 Petrus 1:13

Niitumo, imekela ung genang niou i maayang am wangun, tuméga-tégam wo mahéré' uman witu ung kamang tatambér ni Opo Empung un iwéhé-Na wia ni kamu witu un oras si Yesus Kristus i mawurimé sumaup.