Biblia Todo Logo
Bìoball air-loidhne

- Sanasan -




Efesus 4:22 - Taaz Weru Witu u Nunuwu'en Tombulu

22 Niitumo, tumoro ung katou-touan niou im puuna, ni kamu é léwo'zéi' in tumula'u ung katou-touan im puuna itii. Ung katou-touan itii é nimangun uman ni kamu méikaléwo' pahpaan méilulu u lelo léwo' un awak,

Faic an caibideil Dèan lethbhreac




Efesus 4:22
27 Iomraidhean Croise  

Kata'uanta sa ung katou-touanta im puuna é sinalipo pinahwali-wali karia ni Kristus, wo ni kita zéi'mo kinawasa ung kinanaram i mahsingkéla', wo ni kita zéi'kan pahata-atan a singkéla'.


Pahpaan karia un ukum Torat, a leloku i sumingkéla' ém wéwéhan orasna in tumowo wo munu' ni aku.


Taan ikaindé'ku én taa ung genang niou é méilulu makaz kamu zéi'mo uli-ulit mahkiit si Kristus, tanu si Hawa im puuna i méilulula ni ulé' karia ung kasigaanna i mahtowo.


Tantumo ni kamu én timalingamo tumoro ung katou-touangku im puuna, i mahkiitpé' an tinotoz um pa'émanen né tou Yahudi. In toro niitu ni aku én zéi'kan kumana' i mahzézéha sé jamaat ni Opo Empung wo mahtututu' i mahzézéi' ni séra.


Im puuna ni kita péléng é masuat karia néra, ni kita menou-nou mahkiit u lelo léwo' un awakta, mahwangun um paaz un awakta wo ang genang léwo'ta. In toro niitu, ni kita kangkasii én tou sé léwo'zéi' i makailek un upi' makaindé'en ni Opo Empung tanu sé tou walina.


Pahpaano niitu, ni aku kumuama wo sumésama wia ni kamu karia ung kawasa ni Mahpiara: Tia'mo kamu menou-nou tanu sé tou zéi'kan mata'u si Opo Empung sé megena-genang uman an zéi'kan siapa torona.


Niitumo, tia'mo mahtowo taan mahkua umanla an ulit wia si esa wo si esa pahpaan ni kita péléng é masuat in esaané im witu un awak ni Kristus.


Péléng a merara un até, a raranguan, an upi', a mengoro-ngoro' wo mahkua an zéi'kan ulit tumoro sé tou walina én zéi'enola im wia ni kamu, téntu kangkasii péléng a léwo'an én izou-zou' im wia ni kamu.


Pahpaan nimaesamo karia ni Kristus, ni kamu é sinunat. U sunat itii én zéi'kan u sunat um pahwangunen uman né tou, taan u sunat um pahwangunen ni Kristus, u nimangun ni kamu méipiloté im witu ung kawasa u lelo un awak u mahwangun ni kamu i mahsingkéla'.


Pahpaan im puuna ni kita kangkasii é menou-nou witu ung kalemouan: zéi'kan mahtali-talinga, méikalulu, nimaéndo ata wana a lelo léwo' un awak wo a makapaazen meléwo' un tou, menou-nou mahwangun a léwo'an wo téutéu, ikazi'zis né tou wo mahzizi'zisan.


Katuari-katuari, péléng sé tou ma'éman sé menou-nou im puuna itii é limiklik ni kita tanu u ninahak. Karia ung katou-touan néra i ma'éman wia si Opo Empung u méipapailek néra wia ni kita, toro maéndo kékéréan wia ni kita i menté' um pa'émanenta. Niitumo, itula'umola péléng am mahwutez wo a singkéla' u mengapé-ngapé' ni kita, tanu i mahtututu' im wana am pahlolowaan u léwo'zéi' ing kiitenta.


Taan mahsésésaala si esa im wia sé walina sekez in endo, in toropé' taré kumua “endo kenu”, wo zozo' in esa im wia ni kamu én zéi'kan siapa si matampezéi' pahpaan tinowoan a singkéla'.


Niitumo, itia'la péléng a makazi'zisen wo a léwo' totoz lakez am pemangu-mangunen niou. Wo sungkulela u nuwu' ni Opo Empung u mémoiwéhé witu un até niou karia u roros até. Pahpaan u nuwu' itii ém wéwéhan kawasa i milot ni kamu im witu un ukuman wana a singkéla'.


Sa si tou mahgenangla i ni sia é mahragés wia si Opo Empung, taan zéi'kan makaimek u lila'na, ni sia é mahtowomo witu un touna in esa. U raragésna wia si Opo Empung én zéi'kan siapa torona.


Kata'uan niou sa ni kamu én tinubuso im witu ung katou-touan niou uré un zéi'kan siapa torona a méitula'uma né nimaopo niou. Ni kamu én zéi'kan tinubus karia un toro maléwo' tanu u mas kaapa um péra',


Pahpaan toromo ung kauré am pemangu-mangunen niou mendo-endo i mahkiit uman ang kapaaz né tou zéi'kan mata'u si Opo Empung. Am pemangu-mangunen niou in toro niitu é: Mahkiit uman a lelo léwo' un awak, mahmuali an zéi'kan wangun, matetewelen, memésta-mésta uman akaz i matewelen wo wayaan ang kamualian, mahongkot wia sé opo-opo a sinéro' im pahwangunen.


wo mamendan an zézéha pahpaan a léwo'an pahlé'osen néra. Ung kapaaz néra é mahkan wo mahelep zéi'kan kaimekan, zozo' in endo. Ni séra én tanu a sezingna wo rimberek, pahpaan sa séra mahkan mahwali-wali karia niou, ni séra én zéi'kan mazéi' i mahtowo wia ni kamu.


Taan si Lot én tinulung-Na pahpaan ni sia é mahwangun an ulit ang kapaaz-Na. Si Lot én totoz in zézéha pahpaan am pemuali-mualin né tou sé zéi'kan mazéi' i mahmuali a léwo' a mahkiit uman a lelo léwo' un awak néra.


Lean sinn:

Sanasan


Sanasan