Efesus 4:21 - Taaz Weru Witu u Nunuwu'en Tombulu

²¹ Pahpaan ni kamu én timalingamo an tumoro ni Sia wo ni kamu i mahkii-kiit ni Sia én tinuzu'mo karia an tutuzu' ulit tumoro si Yesus Kristus.

Efesus 4:21 Iomraidhean Croise

Matius 17:5

Taan i si Petrus karegaspé' mahnuwu', kumompo'mé an tumumpamé u ninahak mahsena' ang kumungkunga wia ni séra. Im witu un untep u ninahak itii tinalingamé u nuwu' kimuamé, “Si Kenumo si Oki'-Ku si ikararaaté-Ku, ni Sia si mahwangun un até-Ku mahpaa-paaz, pahtalingala Sia.”

Lukas 10:16

Ang kuan ni Yesus wia sé tou mahkii-kiit ni Sia, “Séi uman si mahtalinga ni kamu, ni sia é mahtalinga ni Aku. Séi uman si soo ni kamu, ni sia é soo ni Aku wo séi uman si soo ni Aku, ni sia é soo wia si nimatumé ni Aku.”

Yohanes 1:17

Pahpaan un ukum Torat é méiwéhé mengiité si Musa, taan ung kamang tatambér wo ung kaulitan é méyé mengiité si Yesus Kristus.

Yohanes 10:27

Sé domba-Ku mahtalinga u nuwu'-Ku wo ni Aku mata'u ni séra wo ni séra mahkiit ni Aku.

Yohanes 14:17

Si Menunulung itii é si Roh ung kaulitan. Sé tou wia ung kaayahan é soo sumungkul ni Sia, pahpaan sé tou wia ung kaayahan én zéi'kan mahilek ni Sia wo zéi'kan mata'u ni Sia. Taan ni kamu é mata'u ni Sia, pahpaan ni Sia é menaté-natér ni kamu wo maesa karia niou.

Yohanes 14:6

Kuan ni Yesus wia ni sia, “Ni Akumo si lalan i mangé wia si Opo Empung wo mapata'u ung kaulitan tumoro si Opo Empung wo si mahwéhé ung katou-touan makaz ing kauré-uré. Zéi'kan siapa zozo' in esa si mangé wia si Ama' sa zéi'kan mengiité ni Aku.

Roma 10:14

Taan, kura kahuman sé tou toro mekisawang wia ni Sia sa séra zéi'kampé' ma'éman ni Sia? Kura séra ma'éman ni Sia sa ni Sia én zéi'kampé' pinahtali-talinga nérala? Kura séra in tumalinga tumoro ni Sia sa zéi'kan siapa sé mapata'u tumoro ni Sia?

2 Korintus 1:20

Si Kristus ni Siamo si ‘Éné’ im wana péléng a méitaaz ni Opo Empung. Ni kai mahkua ‘Amin’ pahpaan si Kristus i mahsigi' wo mahlooz si Opo Empung.

2 Korintus 11:10

Im wia Akhaya kenu zéi'kan siapa si toro zuméi' un ipahloo-loozku i ni aku én zéi'kan kawisa i maéndo pengalin wia ni kamu. Pahpaan an tutuzu' ni Kristus an totoz ulit ém wiamo ni aku.

Efesus 1:13

Téntu kangkasii ni kamu é nimaéndomo tou ni Opo Empung i ni kamu timalingamola u nuwu' kaulitan um wia si Opo Empung a méyé, niitumo u Nuwu' Lé'os u nimilot ni kamu im witu un ukuman wana a singkéla'. I ni kamu nima'émanola u Nuwu' Lé'os itii, si Opo Empung é niméhémé si Roh Lenas wia ni kamu un tumuzu'mé i ni kamu én tou-Na, mengiit u mémoitaaz-Na.

Efesus 2:17

Si Kristus é niméyé wo mahwoka' u Nuwu' Lé'os tumoro u mahlé'o-lé'osan wia ni kamu in tou zéi'kan Yahudi sé im puuna zou' im wia si Opo Empung karia ni kamu in tou Yahudi sé im puuna rété im wia si Opo Empung.

Kolose 1:5

Ni kamu é ma'éman wo rumaraaté, pahpaan ni kamu é mahéré'la u niimeko ni Opo Empung wia ni kamu witi kasendukan. Um pahéré'an itii én tinalinga niouo witu u Nuwu' kaulitan, niitumo u Nuwu' Lé'os tumoro si Yesus,

Kolose 1:6

u mémoiwoka' wia ni kamu. U Nuwu' Lé'os itii é mémoiwoka'ma wia sé tou lakez wia ung kaayahan, wo u Nuwu' itii kangkasii éng kimamang ung katou-touan né tou wia ung kaayahan, tanu ung katou-touan niou ing kinamang rengan ni kamu in timalinga wo uli-ulit mata'u ung kamang méitambér ni Opo Empung.

Kolose 2:7

Um pa'émanen niou é léwo'zéi' in enté' tanu un ahmut ung kai in timeptep witu un tana', menou-nou mahkiit uman ni Sia. Um pa'émanen niou kangkasii é léwo'zéi' ing kaenté'na tanu u mémoituzu' wia ni kamu, wo ni kamu kangkasii én tia' mazéi' i mahkua u makasé.

1 Yohanes 5:20

Kata'uanta kasii i si Oki' ni Opo Empung é niméyémo wo niméhémo ung katulapan wia ni kita. Karia in téntu, ni kita mata'u Si Ulit wo maesa karia Si Ulit pahpaan nimaesa karia si Oki'-Na, si Yesus Kristus. Ni Siamo si Opo Empung, si ulit wo si mahwéhémé ung katou-touan makaz ing kauré-uré.