Efesus 4:18 - Taaz Weru Witu u Nunuwu'en Tombulu

¹⁸ Ung genang néra é nimarimbengbengo, zéi'kan kata'uan néra kura menou-nou mengiit um paaz ni Opo Empung pahpaan ni séra én zéi'kan mata'u si Opo Empung wo pahpaan ung kaketéhan un até néra.

Efesus 4:18 Iomraidhean Croise

Matius 13:15

Pahpaan an até né tahsasana wanua kenu éng kimetéhmo, a lunteng néra ém wutezo in tumalinga, wo am weren néra é méipezeng, wo ni séra zéi'kan milek karia am weren néra wo zéi'kan tumalinga karia a lunteng néra, wo makatulap karia an até néra, a séra méyé wia ni Aku wo séra lé'oseng-Ku.’

Markus 3:5

Un até-Na én totoz rumara pahpaan ung kaketéhan un até néra. Karia i maupi' ni Sia mahwerenna wia sé tou makaliklik-Na. Ang kuan-Na wia si tou itii, “Iayaté u lengenmu.” An iayatla ni tou itii u lengenna a malé'osa.

Yohanes 12:40

“Ni Sia é nimanguno um weren néra nimaletok wo un até néra nimaketéh, wo zozo' ni séra wéwéhan weren taan ni séra én zéi'kan makailek wo ung genang néra én zéi'kan makatulap, a séra méyé wia ni Aku wo séra lé'oseng-Ku.”

Kisah Rasul-rasul 17:30

Si Opo Empung én zéi'mo gimenang ung kalemouan né tou im puuna. In tarékan péléng sé tou ém pinerénta ni Opo Empung i léwo'zéi' tumula'ula a singkéla' wo kumiit ni Sia.

Kisah Rasul-rasul 3:17

Katuari-katuari, kata'uangku am winangun niou wo né tonaas niou i nimunu'mola si Yesus ém pahpaan um winangun niou itii én zéi'kan kata'uan niou.

Roma 1:28

Pahpaan ni séra én zéi'mo pandung wia si Opo Empung, ni séra é méiwaya-Na i megena-genang uman an zéi'kan toro wangunen. Niitumo ni séra éng kalousna i mahwangun an zéi'kan toro wangunen.

Roma 11:25

Katuari-katuari, tia' kamu mahgenangla i ni kamu é mata'umo péléng am péléng. Kapaazku ni kamu é mata'uma un ipahwuni-wunipé' kenu: lakez im wia sé tou Israel én tampezéi' taan niitu é mamuali uman akaz sé tou zéi'kan Yahudi sé ma'éman si Opo Empung lekepo.

Roma 11:7

Niitumo, kura? Sé tou Israel én zéi'kan nimakailek am penéro-néron néra. Sé nimakailek am penéro-néron néra én toyo' uman, ni séra é sé pinéléng ni Opo Empung. Sé walina sé soo wia ni Sia ém winangun-Na un até néra nimaketéh.

Roma 2:19

mahgenangla in totoz mata'u in tumuzu' sé tou tumoro an tutuzu' kaulitan, tanumokan i mahkit sé tou letok wo tanumokan maéndo sena' wia sé tou witu u rimbengbeng,

1 Korintus 1:21

Pahpaan maan ing kuramokan ung katulapan ni tou, ni sia én zéi'kan makawawa i mata'u si Opo Empung. Taan si Opo Empung én timotoz i miloté im witu um patéan, sé tou timalinga u Nuwu' Lé'os tumoro si Yesus u méipahwoka' nai a ma'éman wia ni Sia, zozo' sé tou wia ung kaayahan ém wéwéhan sé mahkua sa u Nuwu' Lé'os itii éng kalemouan.

1 Korintus 2:8

Zéi'kan siapa im wia sé mahkawasa wia ung kaayahan kenu sé mata'u ung katulapan ni Opo Empung itii. Pahpaan sa kata'uan néramo ung katulapan itii, si Yesus Mahpiara si pahloozen wo pahsigi'en én zéi'kan sinalip néra.

2 Korintus 3:14

Taan sé tou Israel im puuna, um pakahgena-genang néra éng kinaapé'ampé', niitu é masuat wo un ulu néra én tanu niapé'ampé' karia u roko'. Makaz in tarékan sa séra maca am witu ung kitap Torat, niitu én zéi'kan katulapan néra, un téntu masuat wo ung genang néra éng kinaapé'ampé'. Wo sa séra ma'émano wia si Kristus, niitu taré uli-ulit katulapan néra.

2 Korintus 4:4

Sé tou itii zéi'kan ma'éman pahpaan ung genang néra éng kinawasapé' ni tonaas né sétang si kimawasa wia ung kaayahan kenu. Niitumo, zéi'kan kailekan néra u sena' u Nuwu' Lé'os tumoro ung kawangko'an ni Kristus si totoz masuat wo si Opo Empung.

Galatia 4:8

Im puuna i ni kamu zéi'kampé' mata'u si Opo Empung, ni kamu ém pahata-atan né opo-opo sé zéi'kan wangun im pahsigi'en, taan sé opo-opo itii én zéi'kan Opo Empung.

Efesus 2:1

Puunala ni kamu i ma'éman, ni kamu én tanu nimatémo pahpaan a léwo'an wo a singkéla' niou.

Efesus 2:12

In toro niitu ni kamu én zéi'kampé' mata'u tumoro si Kristus, ni kamu zéi'kampé' ipahrékén in tou Israel sé tou ni Opo Empung wo ni kamu én zéi'kan makailek um wéwéténgan witu un taaz ni Opo Empung. Ni kamu sé im wia ung kaayahan én zéi'kan siapa pahéré'an wo ni kamu zéi'kan mata'u si Opo Empung.

Kolose 1:21

Im puuna, ung katou-touan niou é méikazou' im wia si Opo Empung. Winangun niou si Opo Empung nimaéndo kakoro' niou im witu un até wo witu ung genang, i ni kamu memangu-mangun a léwo'an.

1 Tesalonika 4:5

Ni kamu én tia' mahkiit uman u lelo léwo' un awak niou, tanu um pahwangunen né tou zéi'kan mata'u si Opo Empung.

Ibrani 5:2

Ni sia é makawawa karia in eluz uman in tumatér sé tou, sé zéi'kan siapa kata'uan wo méikalulu, pahpaan ni sia kangkasii én tou uman si lakez an zéi'kan enté'.

Ibrani 9:7

Taan um witi tampa kazua um pahkuan Tampa Totoz Lenas, si Walian Wangko' uman si toro muntep witu, makasa uman witu u sana ta'un. Ni sia én zéi'kan mata'u muntep witu sa sia zéi'kan mahalima un zaha' né tatamun sé kinerizo in iragés wia si Opo Empung, in zuméi' a singkéla'na in esa wo a singkéla' né tou Israel an zéi'kan pinahtututu' néra im winangun.

Yakobus 4:4

É kamu sé nimaliuz a méitaaz! Zéi'kan kata'uan niou wé sa kamu mahkaloan karia ung kaayahan, ni kamu é makahkoro' wo si Opo Empung? Niitumo, séi si mahkaloan karia ung kaayahan kenu, ni sia nimangun un touna maéndo kakoro' ni Opo Empung.

1 Petrus 1:14

Menou-noula i mahtali-talinga wia si Opo Empung tanu sé koki' i mahtali-talinga wia sé tu'ana. Tia' mahkiit uman u lelo léwo' un awak niou tanu im puuna in zéi'kampé' mata'u si Opo Empung.

1 Yohanes 2:11

Taan séi si mazi'zis sé katuarina esa pa'émanen, ni sia é menou-nou witu ung karimbengbengan wo mahlampang witu ung karimbengbengan. Ni sia én zéi'mo mata'u wisa un angéanna, pahpaan ung karimbengbengan é limetokola ni sia.