Efesus 4:10 - Taaz Weru Witu u Nunuwu'en Tombulu

¹⁰ Si Kristus si timumpamoma, ni Sia kangkasii si nimawénétoma witi tampa totoz rakék, rumakékpé'mé péléng am witi langit wo Sia merénta péléng am wia ung kaayahan.

Efesus 4:10 Iomraidhean Croise

Matius 24:34

Uli-ulit ikua-Kuma wia ni kamu, sé tou menou-nou in tarékan kenu ém wéwéhan sé zéi'kampé' nimaté puunala niana péléng i mamuali.

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Yohanes 1:16

Pahpaan u raraatéan-Na én zéi'kan ikana', wo im witu u raraatéan-Na ni kita mahkaileké ung kamang un zéi'kan ipahkana-kana'la im pahtambéré.

Yohanes 19:24

Pahpaano niitu ni séra mahkuaala, “Tia'mo wéténgenta ung karai tonton kenu, taan tawimo isawutla lot wo toro makailek niitu.” Karia in téntu malekepa u méipantik witu um Pinantik Lenas in téntii, “Ung karai-Ku ém pinemété-météng néra wo ni séra é simawut lot i makailek ung karai tonton-Ku.” Niitumo um winangun né suraro itii.

Yohanes 19:28

Tumondong niitu, pahpaan ing kata'uano ni Yesus im péléng am paayangen-Na é simampetola, wo u méipantik witu um Pinantik Lenas malekep, ni Sia kimua, “Ni Aku é maré'o!”

Yohanes 19:36

Niitu nimamuali wo malekep u méipantik witu um Pinantik Lenas in téntii, “Zéi'kan siapa zozo' in esa un zuhi-Na u rinepu'.”

Kisah Rasul-rasul 1:11

Ang kuan né tou zua itii wia ni séra, “É kamu tou Galilea, kaa kamu meloho-loho'pé' witi langit? Si Yesus é mawénétoma nimangé witi kasendukan. Kuramo Sia i niilek nioua i mawénéta nimangé witi kasendukan téntu kangkasii Sia i mawurimé sumaup.”

Kisah Rasul-rasul 1:9

Makakuala niitu, witu u sinaru néra, si Yesus mawénéta mangé witi kasendukan, a Sia kaapé'ana u ninahak akaz Sia zéi'mo pahileken nérama.

Kisah Rasul-rasul 2:33

Tumondongla niitu, ni Sia é méirakék ni Opo Empung a makaileké si Roh Lenas si méitaaz ni Ama'. An itumpa-Namé si Roh itii tanu a niilek wo tinalinga niou wia un tampa kenu.

Kisah Rasul-rasul 3:18

Taan karia in téntu si Opo Empung é limekepola u méikua-Na im puuna mengiité sé nabi, i si Mesias é léwo'zéi' mazézéha.

2 Korintus 12:2

Kata'uangku wéwéhan si tou ma'éman wia si Kristus, mapulu' wo epatna ta'un limangkoila, si tou itii kumompo'mé ém winénétoma witi kasendukan katelu. In toro niitu, zéi'kan kata'uangku sia im winénéta ém winénéta karia un touna kaapa akaz uman si rohna si winénéta. Si Opo Empung uman si mata'u niitu.

Efesus 3:19

Wo ni kamu kasii toro mendan u raraatéan itii u limangkoi péléng ang kata'uan né tou. Ni aku mengaléi, wo ni kamu malekep wana péléng am péléng tanu si Opo Empung.

Kolose 1:19

Witu um paaz ni Opo Empung péléng a nimalekepo im wia ni Sia ém wiamo si Kristus.

Kolose 2:9

Pahpaan péléng am wia si Opo Empung ém wiamo si Kristus, i ni Sia nimaéndo tou uman.

1 Timutius 3:16

Totoz ulit an tutuzu' ulit ni Opo Empung é mémoipapailek-Na witu um pa'émanenta karia ung kawangko'an-Na: “Ni Sia é nimapailek un tou-Na tanu in tou uman, kinua in ulit ni Roh ni Opo Empung wo nimapailek un tou-Na wia sé malaekat. Tumoro ni Sia é méiwoka' wia péléng sé tahsasana wanua. Ni Sia ém pa'émanen im wia ung kaayahan wo winénéta mangé witi kasendukan karia u sigi' wo looz.”

Ibrani 4:14

Pahpaan kita in tarékan é makaanumo si Walian Totoz Wangko', si nimangémomé witi kasendukan, si Yesus, si Oki' ni Opo Empung, niitumo tio-tionan um pa'émanenta.

Ibrani 7:26

Niitumo, si Walian Wangko' téntu si pemandungenta. Pahpaan ni Sia é linenas ni Opo Empung, zéi'kan nimahsala-sala'la, zéi'kan siapa pahséro'an, méikatampas im wia sé tou simingkéla' wo ni Sia é nimakaileko un tampa totoz rakék wo pahsigi'en witi kasendukan.

Ibrani 8:1

Un totoz ipahpuu-puuna witu um pahkuaku kenu, ni kita ém wéwéhano si Walian Wangko' téntu, si rimumezo witu ung kakan u rurumezan ni Opo Empung si Kolano Totoz Wangko' witi kasendukan.