Efesus 3:8 - Taaz Weru Witu u Nunuwu'en Tombulu

⁸ Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Efesus 3:8 Iomraidhean Croise

Lukas 14:22

Tumondongé niitu, si ata itii makumua wia si tuangna, ‘Tuang, péléng a méiperéntamé ni tuang ém winangunkumola, taan wéwéhampé' a rurumezan zéi'kan rinumezan.’

Yohanes 1:16

Pahpaan u raraatéan-Na én zéi'kan ikana', wo im witu u raraatéan-Na ni kita mahkaileké ung kamang un zéi'kan ipahkana-kana'la im pahtambéré.

Kisah Rasul-rasul 5:41

Sé aatu ni Yesus itii mondolé im witu um pahtotozan né Mahkamah Agama karia i mahpaa-paaz, pahpaan ni séra é mahgenangla wangun mazézéha im pahséro'an pahpaan u Ngaran ni Yesus.

Kisah Rasul-rasul 9:15

Taan si Mahpiara nimuwu'ma wia ni sia, “Mangémo! Pahpaan si tou itii ém pinéléng-Kumo i maéndo tou mahpaayang wia ni Aku i mahwoka' u ngaran-Ku wia sé tahsasana wanua walina wo wia sé kolano wo kasii wia sé tou Israel.

Roma 11:33

O ndoon si Opo Empung, ni Sia én totoz wa'ilan, totoz tulap wo totoz lakez ang kata'uan-Na! Zéi'kan siapa si makawawa i mahtata'u an tinotoz-Namo, wo péléng am pahpaayangen-Na én zéi'kan katulapan!

Roma 12:10

Mengalé-ngaléi ni kamu é mahraa-raatéan tanu a mahtuari wo mahpuu-puunala i mahwéhé a sisigi'an.

Roma 2:4

Kaa iperorosmu u raraatéan-Na, ung kaezenan-Na wo ung kalé'osan-Na un totoz wangko' im wia ni ko? Zéi'kan kata'uannu wé ung kalakoan u raraatéan ni Opo Empung u mahkit ni ko in tumula'ula a singkéla'mu?

1 Korintus 1:30

Si Opo Empung si nimangun ni kamu nimaesa karia ni Kristus Yesus wo si Kristus Yesus nimangun ni kita makailek ung katulapan ni Opo Empung. Ni kita nimaéndo ulit im witu u sinaru ni Opo Empung, nimaéndo tou linenas ni Opo Empung wo timubus ni kita.

1 Korintus 15:9

Ni aku én zéi'kan wangun ing kuan aatu ni Yesus, pahpaan ni aku i makasa é mahzézéha sé jamaat ni Opo Empung. Niitumo, im wia sé aatu ni Yesus, ni akumo si totoz roros.

1 Korintus 2:9

Tanu u méipantik witu um Pinantik Lenas, in téntii, “Un zéi'kampé' pinahile-ilekla, pinahtali-talingala wo kagenanganla né tou, é niimeko ni Opo Empung wia sé tou rumaraaté ni Sia.”

Galatia 1:16

ni Sia nimapata'u a méikawunipé' tumoro si Oki'-Na wia ni aku wo ni aku mahwoka' u Nuwu' Lé'os tumoro si Oki'-Na itii wia sé tou zéi'kan Yahudi. In toro niitu ni aku én zéi'kan rengan i nimahaléi a sésésa né tou walina i sumawangé ni aku makatulap u Nuwu' Lé'os tumoro si Yesus itii.

Galatia 2:8

Pahpaan si Opo Empung si nimangun si Petrus makawawa i maéndo aatu ni Yesus Kristus wia sé tou Yahudi sé sinunat, ni Sia kasii si nimangun ni aku makawawa i maéndo aatu ni Yesus Kristus wia sé tou zéi'kan Yahudi.

Efesus 2:7

Si Opo Empung mangun niitu, wo in tumondong sé tou toro milek u raraatéan-Na un zéi'mo kakuaan wo u lé'os-Na wia ni kita pahpaan nimaesa karia ni Kristus Yesus.

Efesus 3:1

Pahpaano niitu, ni aku Paulus ém binui pahpaan mahwoka' u Nuwu' Lé'os tumoro si Kristus Yesus wo ung kawangunan niou in tou zéi'kan Yahudi.

Efesus 3:16

Ni aku mengaléi wia si Opo Empung si wa'ilan wo pahloozen wo pahsigi'en i menté' un até niou karia ung kawasa ni Roh-Na.

Efesus 3:19

Wo ni kamu kasii toro mendan u raraatéan itii u limangkoi péléng ang kata'uan né tou. Ni aku mengaléi, wo ni kamu malekep wana péléng am péléng tanu si Opo Empung.

Efesus 3:2

Tantumo ni kamu én timalingamo um paayangen méiwéhé ni Opo Empung wia ni aku in tumulung ni kamu mapata'u tumoro ung kamang méitambér ni Opo Empung.

Filipi 2:3

Tia' menéro-néro uman um pemandungen in esa kaapa menéro-néro a lolooz an zéi'kan siapa torona. Tawimo in irorosla un tou niou wo pahgenangela i sé tou walinapé' sé ipahpuu-puuna taan un tou in esa.

Filipi 4:19

Si Opo Empungku é meméhé-méhémé péléng am pemandungen niou mengiité si Kristus Yesus. Pahpaan ni Sia ém wa'ilan, niitumo ni Sia é méhé péléng am pemandungen niou mengiit ung kawa'ilanan wo ung kawangko'an-Na, taka-takazan am pahwéhé-Namé é lumousé am pemandungen niou.

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

1 Timutius 1:13

Im puuna ni aku é mahséro' u ngaran ni Kristus Yesus wo mahzézéha wo totoz loozan i mahsalou sé tou ma'éman wia ni Sia. Taan ni aku é méiraraatémé ni Yesus, pahpaan in toro niitu ni aku én zéi'kampé' ma'éman wia ni Sia, niitumo péléng am pahwangunengku itii én zéi'kan kata'uangku.

1 Timutius 1:15

A nuwu' kenu én ulit wo uli-ulit toro pa'émanen: “Si Kristus Yesus i niméyé wia ung kaayahan kenu é mémilot sé tou im witu un ukuman wana a singkéla'.” Wo im wia sé tou nimangun a singkéla', ni akumo si totoz lakez a singkéla'.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 1:11

U Nuwu' Lé'os itiimo u nimangun ni aku tinotoz ni Opo Empung maéndo mahwoka', maéndo aatu wo méster.

Wahyu 3:18

Niitumo, isésa-Kuma wia ni kamu in tumelesola u mas wia ni Aku um wineresimo karia un api, wo kamu uli-ulit mawa'ilan. Wo tumeleso kasiila ung karai kulo' ing karaien niou wo kamu zéi'kan pahileken kaizangnokané in timangkol. Wo tumelesla undam i mundam am weren niou, wo kamu toro milek.