Efesus 3:2 - Taaz Weru Witu u Nunuwu'en Tombulu

² Tantumo ni kamu én timalingamo um paayangen méiwéhé ni Opo Empung wia ni aku in tumulung ni kamu mapata'u tumoro ung kamang méitambér ni Opo Empung.

Efesus 3:2 Iomraidhean Croise

Kisah Rasul-rasul 13:2

I sana endo, i ni séra mahpuasa wo mahragés wia si Mahpiara, a si Roh Lenas numuwu'mé, “I sanapa'mé wia ni Aku si Barnabas wo si Saulus i maayang um papaayangen un tinotoz-Kumo in iwéhé wia ni séra zua.”

Kisah Rasul-rasul 13:46

Taan karia im wuaya si Paulus wo si Barnabas mahkua wia sé tou itii, “Ulit u Nuwu' ni Opo Empung é léwo'zéi' in ipuuna iwoka' wia ni kamu in tou Yahudi, taan ni kamu é soo ma'éman. Im witu ung genang niou, ni kamu é mahgenangla un tou niou én zéi'kan wangun i makailek ung katou-touan makaz ing kauré-uré. Niitumo in tarékan ni kamu én itula'u nai i mangé wia sé zéi'kan tou Yahudi i mahwoka' u Nuwu' ni Opo Empung itii.

Kisah Rasul-rasul 22:21

Taan kuan ni Tuang wia ni aku, ‘Mangémo, pahpaan ni ko én iatu-Ku i mangé witi tampa zou'ma im wia'i wia sé tou zéi'kan Yahudi.’ ”

Kisah Rasul-rasul 9:15

Taan si Mahpiara nimuwu'ma wia ni sia, “Mangémo! Pahpaan si tou itii ém pinéléng-Kumo i maéndo tou mahpaayang wia ni Aku i mahwoka' u ngaran-Ku wia sé tahsasana wanua walina wo wia sé kolano wo kasii wia sé tou Israel.

Roma 1:5

Mengiité ni Sia, ni aku nimakailek ung kamang tatambér i maéndo aatu ni Opo Empung wo ni aku toro mahkit sé tahsasana wanua wo séra ma'éman wo mahtali-talinga si Yesus Kristus.

Roma 11:13

In tarékan, ni aku éng kumuama wia sé tou zéi'kan Yahudi i ni aku én aatu ni Kristus wia sé tou zéi'kan Yahudi. Ni aku mahtututu' um paayangengku toro pahloo-loozengku.

Roma 12:3

Ung kamang tatambér ni Opo Empung é méiwéhémomé wia ni aku. Niitumo ni aku sumésama wia ni kamu: Ni kamu én tia'mo megena-genang lumousé séi un ulitna ni kamu, taan tawimo ni kamu gumenangola lumé'o-lé'os mengiit um pa'émanen niou tanu a méitambér-Namo wia ni kamu si esa wo si esa.

1 Korintus 4:1

Kapaazku ni kamu mahgenangla i ni kai én ata ni Kristus, sé winéhan um paayangen i mahtuzu' ang ginenang ni Opo Empung an zéi'kampé' kata'uan né tou wia ung kaayahan.

Galatia 1:13

Tantumo ni kamu én timalingamo tumoro ung katou-touangku im puuna, i mahkiitpé' an tinotoz um pa'émanen né tou Yahudi. In toro niitu ni aku én zéi'kan kumana' i mahzézéha sé jamaat ni Opo Empung wo mahtututu' i mahzézéi' ni séra.

Efesus 1:10

Ung ginenang ni Opo Empung itii é mangun péléng am witi kasendukan wo am wia ung kaayahan maesa wia si Kristus, wo si Kristus é maéndo Tonaas péléng am péléng i méikaayomola witu un orasna.

Efesus 3:7

Ung kenumo u Nuwu' Lé'os un iwoka'ku wia ni kamu. Si Opo Empung timambér ung kamang wia ni aku i ni aku mahwoka' u Nuwu' Lé'os itii. Ung kamang itii éng kinailekangku mengiité ung kawasa-Na u mahpaayang witu un atéku.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Efesus 3:9

Ni aku kasii én tinambéran ung kamang i mapata'u wia péléng sé tou ung ginenang ni Opo Empung u méikawunipé' itii. Pahpaan ung ginenang itii é méiwuni ni Opo Empung rengan ung kaayahan im winangun-Na, si nimangun péléng am péléng.

Efesus 4:21

Pahpaan ni kamu én timalingamo an tumoro ni Sia wo ni kamu i mahkii-kiit ni Sia én tinuzu'mo karia an tutuzu' ulit tumoro si Yesus Kristus.

Efesus 4:7

Taan im wia ni kita si esa wo si esa é makailek ung kamang tatambér mengiit um paaz ni Kristus.

Kolose 1:4

pahpaan tinalinga naimo tumoro um pa'émanen niou wia si Kristus Yesus, wo kura u raraatéan niou wia péléng sé tou linenas ni Opo Empung.

Kolose 1:6

u mémoiwoka' wia ni kamu. U Nuwu' Lé'os itii é mémoiwoka'ma wia sé tou lakez wia ung kaayahan, wo u Nuwu' itii kangkasii éng kimamang ung katou-touan né tou wia ung kaayahan, tanu ung katou-touan niou ing kinamang rengan ni kamu in timalinga wo uli-ulit mata'u ung kamang méitambér ni Opo Empung.

1 Timutius 1:11

mengiit u Nuwu' Lé'os ni Opo Empung si wangko' wo pahloozen, tanu u méitarawésamo wia ni aku im paayangengku.

1 Timutius 1:4

Ikua kasiila wia ni séra in tia'mo mahsirita a sirita zéi'kan ulit wo a sirita tumoro sé nimaopo an zéi'kan siapa akazna. A sirita itii é mahwangun uman am pahéndo-éndoan wo mahsaru uman ung ginenang ni Opo Empung i milot sé tou im witu un ukuman wana a singkéla', ung kinata'uanta mengiité um pa'émanenta wia si Kristus.

1 Timutius 2:7

Pahpaano niitu, ni aku tinotoz ni Opo Empung i maéndo aatu-Na i mahwoka' u Nuwu' Lé'os wo mahtuzu' wia sé tou zéi'kan Yahudi tumoro um pa'émanen wia si Yesus wo ung kaulitan. Peléng a méikuaku kenu én ulit! Ni aku én zéi'kan mahtowo.

2 Timutius 1:11

U Nuwu' Lé'os itiimo u nimangun ni aku tinotoz ni Opo Empung maéndo mahwoka', maéndo aatu wo méster.