Efesus 3:16 - Taaz Weru Witu u Nunuwu'en Tombulu

¹⁶ Ni aku mengaléi wia si Opo Empung si wa'ilan wo pahloozen wo pahsigi'en i menté' un até niou karia ung kawasa ni Roh-Na.

Efesus 3:16 Iomraidhean Croise

Matius 6:13

wo tia'mo ipahwali ni kai witu um pema'waan, taan ipiloté ni kai im wia si léwo'. [Pahpaan ni Komo si makaanu ung Kakolanoan, wo ung kawasa, wo ung kawangko'an makaz ing kauré-uré. Amin.]

Roma 2:29

Taan si uli-ulit tou Yahudi é si uli-ulit tou Yahudi witu un aténa, wo si uli-ulit sinunat é si tou witu un aténa ém pahpaayangano ni Roh ni Opo Empung, zéi'kan uman méipantik witu um pahpantikan. U lolooz wia si tou tanu ni sia én zéi'kan wia si kasuat tou a méyé, taan wia si Opo Empung a méyé.

Roma 7:22

Pahpaan um witu un atéku ém paaz an tinotoz ni Opo Empung.

Roma 9:23

Si Opo Empung kangkasii éng gimenang i mapailek ung kawangko'an-Na u malake-lakez, un iwéhé-Na wia ni kita sé kararaaté-Na. Ni kitamo sé méisanapa'-Na i makailek ung kawangko'an-Na.

1 Korintus 16:13

Tuméga-tégam! Totoz menté-enté' witu um pa'émanen niou, enté'-enté'en un tou niou wo tia'mo maindé-indé'!

2 Korintus 12:9

Taan winingkot umané ni Opo Empung, “Ung kamang méitambér-Ku wia ni ko én toromo. Pahpaan, i ni ko zéi'kan enté' ung kawasa-Ku totoz nimalekep.” Niitumo, ni aku mahpaa-paaz i mahlooz un touku in zéi'kan enté', wo kapenda-pendanangku ung kawasa ni Kristus é memali-mali kariaku.

2 Korintus 4:16

Niitumo, ni kai én zéi'kan mazéi' i mahéré'. Zozo' ung kaenté'an un awak nai kauréna ém pahkainaan, taan si roh nai sekez in endo ém pahwerun.

Efesus 1:18

Ni aku kasii é mengaléi wia si Opo Empung, wo ung genang niou é mawuka wo toro makatulap um pahéré'an niou wia si Opo Empung si timawah ni kamu. Wo ni kamu kangkasii én toro mata'u kalakez ung kamang totoz wangun u niimeko ni Opo Empung wia sé tou linenas-Na,

Efesus 1:7

Pahpaan mengiité si Yesus ni kita én tinubus im wana a singkéla' karia un zaha'-Na. Ni kita winéhan un ampungan im wana a singkéla' mengiit ung kamang méitambér-Na an totoz lakez.

Efesus 2:7

Si Opo Empung mangun niitu, wo in tumondong sé tou toro milek u raraatéan-Na un zéi'mo kakuaan wo u lé'os-Na wia ni kita pahpaan nimaesa karia ni Kristus Yesus.

Efesus 3:15

Ni Siamo si Ama'ta péléng im witi kasendukan wo wia ung kaayahan.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Efesus 6:10

Ing kamurian, enté'ela un até niou karia ung kaenté'an ung kawasa méiwéhémé ni Mahpiara pahpaan nimaesa karia-Na.

Filipi 4:13

Péléng am péléng én toro pengalingku pahpaan si Yesus Kristus si mahwéhémé ung ketez wia ni aku.

Filipi 4:19

Si Opo Empungku é meméhé-méhémé péléng am pemandungen niou mengiité si Kristus Yesus. Pahpaan ni Sia ém wa'ilan, niitumo ni Sia é méhé péléng am pemandungen niou mengiit ung kawa'ilanan wo ung kawangko'an-Na, taka-takazan am pahwéhé-Namé é lumousé am pemandungen niou.

Kolose 1:11

Ni kai kasii mengaléi, wo ung kawasa-Na un totoz wangko' é mangun un até niou i maenté', taka-takazan maan ing kuramokan ung kalakez an zézéha pahsarun niou, ni kamu én zéi'kan mazéi' i ma'éman wo totoz uman ezen i mengali niitu,

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.

Kolose 2:2

Ni aku nimangun un téntu wo un até néra én toro maenté' wo mahesa-esaan pahpaan i mahraa-raatéan. Karia in téntu, ni séra péléng én uli-ulit makatulap wo totoz mata'ula un im puuna zéi'kampé' méipapata'u ni Opo Empung. Un zéi'kampé' méipapata'u itii é si Kristus in esa.

2 Timutius 4:17

Taan si Mahpiara én timatér wo nimenté' ni aku makaz u Nuwu' Lé'os toro ipakawoka'ku wo talingana péléng né tou zéi'kan Yahudi. Karia in téntu, ni aku é méikapiloté im witu um patéan tanumokan méikapiloté witu u sumah ni singa.

Ibrani 11:34

Im wia ni séra wéwéhan kasii sé simewuma witu un api totoz tua'na, sé méikapilot im wia sé tou munu' ni séra karia am pisou, sé zéi'kan enté' taan winangun i maenté' wo si winangun i maenté' im wana am pahkoro'an a mangun sé suraro né tahsasana wanua walina timingkas.

1 Petrus 3:4

Taan u nimangun ni kamu kéndis ém witu un até a méyé un zéi'kan mahzéi-zéi'la tanu ang kenu: eluz uman wo zéi'kan mengupi-ngupi'. Niitumo un totoz kapaaz ni Opo Empung.